India vs Zimbabwe: ભારતે ઝિમ્બાબ્વેને કર્યું ઓલ આઉટ, સિરીઝમાં 4-1થી જીત મેળવી

ઝિમ્બાબ્વે ઓલ આઉટ

ભારતે ઝિમ્બાબ્વેને 42 રને હરાવ્યું છે. ટીમ ઈન્ડિયાએ આ જીત સાથે સિરીઝ પર કબજો કરી લીધો છે. ભારતે આ શ્રેણી 4-1થી જીતી લીધી છે. પ્રથમ બેટિંગ કરતા ટીમ ઈન્ડિયાએ 167 રન બનાવ્યા હતા. આ દરમિયાન સંજુ સેમસને અડધી સદી ફટકારી હતી. તેણે 45 બોલનો સામનો કરીને 58 રન બનાવ્યા હતા. સેમસનની આ ઇનિંગમાં 4 સિક્સ અને એક ફોરનો સમાવેશ થાય છે. રિયાન પરાગે 22 રનની ઇનિંગ રમી હતી. શિવમ દુબેએ 26 રન બનાવ્યા હતા.

ભારતે આપેલા ટાર્ગેટનો પીછો કરવા આવેલી ઝિમ્બાબ્વેની ટીમ માત્ર 125 રન જ બનાવી શકી હતી. તેના માટે ફરાઝ અકરમે 13 બોલમાં 27 રન બનાવ્યા હતા. માયર્સે 34 રનની ઇનિંગ રમી હતી. મારૂમણી 27 રન બનાવીને આઉટ થયો હતો. આ જીત સાથે ટીમ ઈન્ડિયાએ સિરીઝ 4-1થી કબજે કરી લીધી છે.

માવુતા આઉટ

ઝિમ્બાબ્વેની આઠમી વિકેટ પડી. તુષાર દેશપાંડેએ બ્રાન્ડોન માવુતાને આઉટ કર્યો. તે માત્ર 4 રન બનાવીને આઉટ થયો હતો. ઝિમ્બાબ્વેએ 17.5 ઓવરમાં 120 રન બનાવ્યા હતા. તેને જીતવા માટે 48 રનની જરૂર છે.

ઝિમ્બાબ્વેએ 17 ઓવરમાં 109 રન બનાવ્યા 

ઝિમ્બાબ્વેને જીતવા માટે 18 બોલમાં 59 રનની જરૂર છે. ઝિમ્બાબ્વેએ 17 ઓવરમાં 7 વિકેટ ગુમાવીને 109 રન બનાવ્યા છે. ફરાઝ અકરમ 15 રન બનાવીને રમી રહ્યો છે. બ્રાન્ડોન 4 રન બનાવીને રમી રહ્યો છે.

ઝિમ્બાબ્વેને જીતવા માટે 69 રનની જરૂર

ઝિમ્બાબ્વેએ 16 ઓવરમાં 7 વિકેટ ગુમાવીને 99 રન બનાવી લીધા છે. તેમને જીતવા માટે 24 બોલમાં 69 રનની જરૂર છે. ફરાઝ અકરમ 7 રન બનાવીને રમી રહ્યો છે. બ્રાન્ડોન 2 રન બનાવીને રમી રહ્યો છે.

ક્લાઈવ આઉટ

ઝિમ્બાબ્વેએ તેની 7મી વિકેટ ગુમાવી હતી. ક્લાઈવ 1 રન બનાવીને આઉટ થયો હતો. અભિષેક શર્માએ તેને પેવેલિયનનો રસ્તો બતાવ્યો. ટીમે 15.1 ઓવરમાં 94 રન બનાવી લીધા છે. માવુતા નવમા નંબર પર બેટિંગ કરવા ઉતરી છે. અકરમ તેને ટેકો આપવા હાજર છે.

કેમ્પબેલ આઉટ

ઝિમ્બાબ્વેને છઠ્ઠો ફટકો કેમ્પબેલના રૂપમાં લાગ્યો હતો જે માત્ર 4 રન બનાવી શક્યો હતો. તે 90 રનના સ્કોર પર શિવમ દુબેના હાથે આઉટ થયો હતો. અકરમ આઠમા નંબર પર બેટિંગ કરવા આવ્યો છે. 15 ઓવર પછી ઝિમ્બાબ્વેનો સ્કોર 94/6 છે. ઝિમ્બાબ્વેને જીતવા માટે 78 રનની જરૂર છે.

14 ઓવર સમાપ્ત

ઝિમ્બાબ્વેએ 14 ઓવરમાં 5 વિકેટ ગુમાવીને 89 રન બનાવ્યા છે. ટીમને જીતવા માટે 36 બોલમાં 79 રનની જરૂર છે. ક્લાઈવ હજુ સુધી ખાતું ખોલાવી શક્યો નથી. કેમ્પબેલ 4 રન બનાવીને રમી રહ્યો છે.

રઝા રન આઉટ

ઝિમ્બાબ્વેને 87 રનના સ્કોર પર પાંચમો ઝટકો લાગ્યો હતો. શિવમ દુબેએ કેપ્ટન રઝાને રન આઉટ કર્યો. તે માત્ર આઠ રન બનાવી શક્યો હતો. મદંડે સાતમા નંબર પર બેટિંગ કરવા આવ્યો છે. કેમ્પબેલ તેને ટેકો આપવા માટે હાજર છે.

ઝિમ્બાબ્વેને ચોથો ફટકો પડ્યો

શિવમ દુબેએ 85 રનના સ્કોર પર ઝિમ્બાબ્વેને ચોથો ઝટકો આપ્યો હતો. માયર્સ 34 રન બનાવીને આઉટ થયો હતો. તેનો કેચ અભિષેક શર્માએ પકડ્યો હતો. કેમ્પબેલ છઠ્ઠા નંબર પર બેટિંગ કરવા આવ્યો છે. રઝા તેને સપોર્ટ કરવા માટે ક્રિઝ પર હાજર છે. 13 ઓવર પછી ઝિમ્બાબ્વેનો સ્કોર 86/4 છે. 

11 ઓવર સમાપ્ત

ઝિમ્બાબ્વેએ 11 ઓવરમાં 3 વિકેટ ગુમાવીને 75 રન બનાવ્યા હતા. માયર્સ 27 રન બનાવીને રમી રહ્યો છે. સિકંદર રઝા 6 રન બનાવીને રમી રહ્યો છે. ઝિમ્બાબ્વેને જીતવા માટે 93 રનની જરૂર છે.

10 ઓવર સમાપ્ત

ઝિમ્બાબ્વેએ 10 ઓવરમાં 3 વિકેટ ગુમાવીને 69 રન બનાવ્યા હતા. માયર્સ 25 રન બનાવીને રમી રહ્યો છે. સિકંદર રઝા 2 રન બનાવીને રમી રહ્યો છે. ટીમને જીતવા માટે 99 રનની જરૂર છે.

ઝિમ્બાબ્વેને ત્રીજો ઝટકો લાગ્યો

ઝિમ્બાબ્વેને ત્રીજો ઝટકો મારુમણીના રૂપમાં લાગ્યો હતો જે 27 રન બનાવીને પેવેલિયન પરત ફર્યો હતો. તેને સુંદરે LBW આઉટ કર્યો હતો. સિકંદર રઝા પાંચમા નંબર પર બેટિંગ કરવા આવ્યો છે. માયર્સ તેને સપોર્ટ કરવા માટે ક્રિઝ પર હાજર છે. 9 ઓવર પછી ઝિમ્બાબ્વેનો સ્કોર 61/3 છે.

ઝિમ્બાબ્વેને જીતવા માટે 109 રનની જરૂર 

ઝિમ્બાબ્વેએ 8 ઓવરમાં 2 વિકેટ ગુમાવીને 59 રન બનાવ્યા હતા. તેને જીતવા માટે 109 રનની જરૂર છે. મરુમણી 22 બોલમાં 27 રન બનાવીને રમી રહ્યો છે. માયર્સ 17 રન બનાવીને ક્રિઝ પર છે.

7 ઓવર સમાપ્ત

ઝિમ્બાબ્વેનો સ્કોર 50 રનને પાર કરી ગયો છે. તેણે 7 ઓવરમાં 2 વિકેટ ગુમાવીને 52 રન બનાવ્યા છે. માયર્સ 13 રન અને મારૂમણી 26 રન પર રમી રહ્યા છે. આ બંને વચ્ચે 37 રનની ભાગીદારી થઈ છે.

પાવરપ્લે સમાપ્ત

ઝિમ્બાબ્વેએ 6 ઓવરમાં 2 વિકેટ ગુમાવીને 47 રન બનાવ્યા છે. માયર્સ 12 રન બનાવીને રમી રહ્યો છે. મારુમણિ 22 રન બનાવીને રમી રહ્યો છે. ટીમ ઈન્ડિયાના બોલરો હજુ સુધી આ જોડીને તોડવામાં સફળ રહ્યા નથી. 

5 ઓવર સમાપ્ત

5મી ઓવરમાં મારુમાણિએ બેક ટુ બેક 2 ચોગ્ગા ફટકાર્યા હતા. મુકેશકુમારની આ ઓવરમાં કુલ 11 રન આવ્યા હતા. મારુમાણિ 13 બોલમાં 14 રન તથા માયર્સ 5 રન બનાવીને રમી રહ્યો છે. ઝિમ્બાબ્વેનો સ્કોર 2 વિકેટે 31 રન થયો છે. ટીમ ઈન્ડિયાના બોલરો વિકેટની શોધમાં છે.

ઝિમ્બાબ્વેને બીજો ઝટકો

ઝિમ્બાબ્વેને 15 રનના સ્કોર પર બીજો ઝટકો લાગ્યો. મુકેશ કુમારે બ્રાયન બેનેટને આઉટ કર્યો, શિવમ દુબેએ કેચ પકડ્યો હતો. તે માત્ર 10 રન બનાવી શક્યો હતો. માયર્સ ચોથા નંબર પર બેટિંગ કરવા આવ્યો છે. મારુમણી તેને સપોર્ટ કરવા માટે ક્રિઝ પર હાજર છે.

ઝિમ્બાબ્વેએ 2 ઓવરમાં 15 રન બનાવ્યા

ટીમ ઈન્ડિયા માટે તુષાર દેશપાંડેએ બીજી ઓવર ફેંકી. આ ઓવરમાં તેણે 13 રન આપ્યા હતા. ઝિમ્બાબ્વેએ 2 ઓવરમાં 1 વિકેટ ગુમાવીને 15 રન બનાવી લીધા છે. મારૂમણી 4 રન બનાવીને રમી રહ્યો છે. બ્રાયન બેનેટ 10 રન બનાવીને ક્રિઝ પર છે.

ઝિમ્બાબ્વેને પહેલો ઝટકો લાગ્યો

ઝિમ્બાબ્વેને પહેલો ઝટકો એક રનના સ્કોર પર લાગ્યો હતો. મુકેશ કુમારે માધવેરેને બોલ્ડ કર્યો હતો. તે ખાતું ખોલાવ્યા વગર જ પેવેલિયન પરત ફર્યો હતો. બ્રાયન બેનેટ ત્રીજા નંબર પર બેટિંગ કરવા આવ્યો છે. તેમને ટેકો આપવા મારુમણી હાજર છે.

ઝિમ્બાબ્વેની ઇનિંગ શરૂ

ઝિમ્બાબ્વેની ઇનિંગ્સ શરૂ થઈ ગઈ છે. માધવેરે અને મારુમણિ ક્રિઝ પર હાજર છે. મુકેશ કુમાર ઇનિંગની પ્રથમ ઓવર ફેંકી રહ્યો છે.

ઝિમ્બાબ્વેને મળ્યું 168 રનનું લક્ષ્ય

ભારત અને ઝિમ્બાબ્વે વચ્ચે ચાલી રહેલી પાંચ મેચોની T20 શ્રેણીની પાંચમી મેચમાં યજમાન ટીમે ટોસ જીતીને પ્રથમ બોલિંગ કરવાનો નિર્ણય કર્યો હતો. સંજુ સેમસનની અડધી સદીની ઇનિંગની મદદથી ભારતે 20 ઓવરમાં 6 વિકેટે 167 રન બનાવ્યા હતા. આ મેચમાં ભારતની શરૂઆત શાનદાર રહી હતી. યશસ્વી જયસ્વાલે ઇનિંગ્સના પહેલા જ બોલ પર 13 રન બનાવ્યા હતા. સિકંદર રઝાએ પહેલા બોલ પર નો બોલ કર્યો હતો જેના પર જયસ્વાલે સિક્સર ફટકારી હતી. આ પછી ફ્રી હિટનો ફાયદો ઉઠાવીને તેણે બીજી સિક્સ ફટકારી. જોકે, આ ઓવરના ચોથા બોલ પર રઝાએ તેને બોલ્ડ આઉટ કર્યો હતો. આ પછી અભિષેક શર્મા બેટિંગ કરવા આવ્યો જે માત્ર 14 રન બનાવી શક્યો. પાવરપ્લેમાં ભારતે ત્રણ વિકેટ ગુમાવી દીધી હતી. કેપ્ટન ગીલનું બેટ પણ આજે શાંત રહ્યું હતું. તે માત્ર 13 રન જ બનાવી શક્યો હતો.

આ પછી સંજુ સેમસન અને રિયાન પરાગે ચાર્જ સંભાળ્યો. બંને વચ્ચે ચોથી વિકેટ માટે 65 રનની ભાગીદારી થઈ હતી. માવુતાએ 15મી ઓવરમાં પરાગને પોતાનો શિકાર બનાવ્યો હતો. તે 22 રન બનાવીને આઉટ થયો હતો. જ્યારે સંજુ સેમસન 58 રનની તોફાની ઇનિંગ રમીને પેવેલિયન પરત ફર્યો હતો. તેણે 40 બોલમાં તેની T20 આંતરરાષ્ટ્રીય કારકિર્દીની બીજી અડધી સદી ફટકારી. વિકેટકીપર બેટ્સમેને પોતાની ઇનિંગ દરમિયાન એક ફોર અને ચાર સિક્સર ફટકારી હતી. આ મેચમાં શિવમ દુબેએ 26 રન બનાવ્યા હતા. જ્યારે, રિંકુ 11 રન બનાવીને અણનમ રહ્યો હતો અને સુંદર એક રન બનાવીને અણનમ રહ્યો હતો. ઝિમ્બાબ્વે તરફથી મુઝારાબાનીએ બે જ્યારે રઝા, રિચર્ડ અને માવુતાને એક-એક વિકેટ ઝડપી હતી.

ભારતે 19 ઓવરમાં 153 રન બનાવ્યા

ટીમ ઈન્ડિયાએ 19 ઓવરમાં 5 વિકેટ ગુમાવીને 153 રન બનાવ્યા છે. શિવમ દુબેએ 2 ચોગ્ગા અને 2 છગ્ગા ફટકાર્યા છે. તે 12 બોલમાં 26 રન બનાવીને રમી રહ્યો છે. રિંકુ સિંહ 2 રન બનાવીને રમી રહ્યો છે.

સેમસન આઉટ

ભારતને પાંચમો ઝટકો સંજુ સેમસનના રૂપમાં લાગ્યો હતો. તે 45 બોલમાં 58 રન બનાવીને આઉટ થયો હતો. વિકેટકીપર બેટ્સમેને 40 બોલમાં પોતાની અડધી સદી પૂરી કરી હતી. આ દરમિયાન તેણે એક ફોર અને ચાર સિક્સર ફટકારી હતી. મુઝરાબાનીએ તેને મરુમણિના હાથે કેચ કરાવ્યો. રિંકુ સિંહ સાતમા નંબર પર બેટિંગ કરવા આવ્યો છે. શિવમ દુબે તેને સપોર્ટ કરવા માટે ક્રિઝ પર હાજર છે. 18 ઓવર બાદ ભારતનો સ્કોર 5 વિકેટે 17 રન છે. 

સેમસનની જોરદાર અડધી સદી

સંજુ સેમસને પોતાની અડધી સદી પૂરી કરી લીધી છે. તેણે આ અડધી સદી ત્યારે ફટકારી જ્યારે ટીમ ઈન્ડિયા સંકટની સ્થિતિમાં હતી. તે 42 બોલમાં 54 રન બનાવીને રમી રહ્યો છે. સેમસને 4 સિક્સર ફટકારી છે. શિવમ દુબે 10 રન બનાવીને રમી રહ્યો છે. ભારતે 17 ઓવરમાં 4 વિકેટ ગુમાવીને 131 રન બનાવ્યા છે.

16 ઓવર સમાપ્ત

ભારતે 16 ઓવરમાં 4 વિકેટ ગુમાવીને 122 રન બનાવ્યા છે. સંજુ સેમસન 38 બોલમાં 48 રન બનાવીને રમી રહ્યો છે. તેણે 4 સિક્સર ફટકારી છે. શિવમ દુબે 9 રન બનાવીને રમી રહ્યો છે.

પરાગ આઉટ

ટીમ ઈન્ડિયાની ચોથી વિકેટ પડી. રિયાન પરાગ 24 બોલમાં 22 રન બનાવીને આઉટ થયો હતો. તેણે 1 સિક્સ ફટકારી હતી. રિયાનને બ્રાન્ડોન માવુતાએ આઉટ કર્યો હતો. હવે શિવમ દુબે બેટિંગ કરવા આવ્યો છે.

અડધી સદીની નજીક છે પહોંચ્યો સંજુ

સંજુ સેમસન તેની અડધી સદીની નજીક છે. તે 40 રન બનાવીને રમી રહ્યો છે. સેમસને 3 સિક્સર ફટકારી છે. રિયાન પરાગ 22 રન બનાવીને રમી રહ્યો છે. ભારતે 14 ઓવરમાં 3 વિકેટ ગુમાવીને 105 રન બનાવ્યા છે. ઝિમ્બાબ્વેના બોલરો વિકેટની શોધમાં છે.

100 રનને પાર ટીમ ઈન્ડિયાનો સ્કોર 

ભારતનો સ્કોર 100 રનને પાર કરી ગયો છે. સંજુ અને રેયાન વચ્ચે અડધી સદીની ભાગીદારી થઈ છે. ટીમ ઈન્ડિયાએ 13 ઓવરમાં 3 વિકેટ ગુમાવીને 101 રન બનાવી લીધા છે. સંજુ 38 રન બનાવીને રમી રહ્યો છે. રિયાન 20 રન બનાવીને રમી રહ્યો છે.

ભારતનો સ્કોર 95/3

સેમસને બ્રેન્ડન માવુતાની ઓવરમાં સતત બે સિક્સર ફટકારી હતી. તે 34 રન બનાવીને રમી રહ્યો છે. જ્યારે રિયાન પરાગ 18 રન બનાવીને રમી રહ્યો છે. ટીમ ઈન્ડિયાએ 12 ઓવરમાં 3 વિકેટ ગુમાવીને 95 રન બનાવી લીધા છે. રેયાન અને સંજુ ભારત તરફથી સારી બેટિંગ કરી રહ્યા છે.

11 ઓવર સમાપ્ત

11મી ઓવરમાં 5 રન આવ્યા હતા. ભારતે 3 વિકેટ ગુમાવીને 80 રન બનાવી લીધા છે. રિયાન પરાગ 14 બોલમાં 17 રન તથા સંજુ સેમસન 23 બોલમાં 21 રન બનાવીને રમી રહ્યો છે. ઝિમ્બાબ્વેએ શરૂઆતી વિકેટો લઈને ભારતના રનની ગતિ ઓછી કરી છે.

રિયાન પરાગે શાનદાર સિક્સ ફટકારી

ટીમ ઈન્ડિયાએ 10 ઓવરમાં 3 વિકેટ ગુમાવીને 75 રન બનાવ્યા હતા. રિયાન પરાગે બ્રેન્ડનના બોલ પર સિક્સર ફટકારી હતી. તે 14 રન બનાવીને રમી રહ્યો છે. સંજુ સેમસન 19 રન બનાવીને રમી રહ્યો છે.

ભારતના 9 ઓવરમાં 64 રન

સંજુ સેમસન 17 બોલમાં 17 રન બનાવીને રમી રહ્યો છે. રિયાન પરાગ 6 રન બનાવીને ક્રિઝ પર છે. ભારતે 9 ઓવરમાં 3 વિકેટ ગુમાવીને 64 રન બનાવ્યા છે. ઝિમ્બાબ્વે માટે સિકંદર રઝા, રિચર્ડ નગારવા અને બ્લેસિંગે 1-1 વિકેટ લીધી છે.

8 ઓવર સમાપ્ત

ટીમ ઈન્ડિયાએ 8 ઓવરમાં 3 વિકેટ ગુમાવીને 56 રન બનાવી લીધા છે. સંજુ સેમસન 10 રન બનાવીને રમી રહ્યો છે. રિયાન પરાગ 5 રન બનાવીને રમી રહ્યો છે.

7 ઓવર સમાપ્ત

ટીમ ઈન્ડિયાએ 7 ઓવરમાં 3 વિકેટ ગુમાવીને 49 રન બનાવી લીધા છે. સંજુ સેમસન 5 રન બનાવીને રમી રહ્યો છે. રિયાન પરાગ 4 રન બનાવીને રમી રહ્યો છે.

પાવરપ્લે સમાપ્ત

ભારત માટે પ્રથમ 6 ઓવર કંઈ ખાસ ન હતી. પાવરપ્લેમાં ભારતના ત્રણ બેટ્સમેન આઉટ થયા હતા. જયસ્વાલ 12 રન, અભિષેક 14 અને ગિલ 13 રન બનાવીને આઉટ થયા હતા. 6 ઓવર પછી ભારતનો સ્કોર 44/3 છે. હાલમાં સંજુ સેમસન અને રિયાન પરાગ ક્રિઝ પર હાજર છે.

કેપ્ટન ગિલ આઉટ

ટીમ ઈન્ડિયાની ત્રીજી વિકેટ શુભમન ગિલના રૂપમાં પડી. તે 14 બોલમાં 13 રન બનાવીને આઉટ થયો હતો. ગિલે 2 ચોગ્ગા ફટકાર્યા હતા. તેને નાગરવાએ આઉટ કર્યો હતો. ભારતે 5 ઓવરમાં 3 વિકેટ ગુમાવીને 40 રન બનાવી લીધા છે. હવે સંજુ સેમસન અને રિયાન પરાગ બેટિંગ કરી રહ્યા છે. 

અભિષેક આઉટ

ભારતને બીજો ફટકો 38 રનના સ્કોર પર લાગ્યો હતો. મુઝરાબાનીએ અભિષેક શર્માને આઉટ કર્યો હતો. તે માત્ર 14 રન જ બનાવી શક્યો હતો. સંજુ સેમસન ચોથા નંબર પર બેટિંગ કરવા આવ્યો છે. શુભમન ગિલ તેને સપોર્ટ કરવા માટે ક્રિઝ પર હાજર છે. 4 ઓવર પછી ભારતનો સ્કોર 38/2 છે.

3 ઓવર સમાપ્ત

ત્રીજી ઓવરમાં ભારતીય બેટ્મેનો એટેક મોડમાં જોવા મળ્યા હતા. આ ઓવરમાં અભિષેક શર્માએ એક સિક્સ તથા જયસ્વાલે 2 ચોગ્ગા ફટકાર્યા હતા. ગિલ 7 બોલમાં 10 રન તથા અભિષેક શર્મા 7 બોલમાં 10 રન બનાવીને રમી રહ્યો છે. 3 ઓવર બાદ ભારતનો સ્કોર 1 વિકેટે 33 રન છે. 

2 ઓવર સમાપ્ત

ભારતે 2 ઓવરમાં એક વિકેટ ગુમાવીને 17 રન બનાવ્યા હતા. અભિષેક શર્મા 5 બોલમાં 3 રન બનાવીને રમી રહ્યો છે. શુભમન ગિલ 1 રન બનાવીને ક્રિઝ પર છે. ઝિમ્બાબ્વે માટે એલેક્ઝાન્ડરે પ્રથમ ઓવર ફેંકી હતી. રિચર્ડે બીજી ઓવરમાં 2 રન આપ્યા હતા. 

જયસ્વાલ આઉટ

ભારતને પહેલો ઝટકો 13 રનના સ્કોર પર લાગ્યો હતો. સિકંદર રઝાએ પ્રથમ ઓવરમાં જ યશસ્વી જયસ્વાલને આઉટ કર્યો હતો. તે બે છગ્ગાની મદદથી 12 રન બનાવવામાં સફળ રહ્યો હતો. અભિષેક શર્મા ત્રીજા નંબર પર બેટિંગ કરવા આવ્યો છે. શુભમન ગિલ તેને સમર્થન આપવા હાજર છે. એક ઓવર પછી ભારતનો સ્કોર 15/1 છે.

ભારતની ઇનિંગ શરૂ

ભારતની ઇનિંગ શરૂ થઇ ગઇ છે. શુભમન ગિલ અને યશસ્વી જયસ્વાલ ક્રિઝ પર આવી ગયા છે. ઝિમ્બાબ્વે તરફથી સિકંદર રઝા બોલિંગ કરી રહ્યો છે. 

ભારતની પ્લેઈંગ ઈલેવન: શુભમન ગિલ (c), યશસ્વી જયસ્વાલ, અભિષેક શર્મા, સંજુ સેમસન (wk), રિયાન પરાગ, રિંકુ સિંહ, શિવમ દુબે, વોશિંગ્ટન સુંદર, રવિ બિશ્નોઈ, તુષાર દેશપાંડે, મુકેશ કુમાર

ઝિમ્બાબ્વેની પ્લેઈંગ ઈલેવન: વેસ્લી માધવેરે, તદીવાનાશે મારુમાની, બ્રાયન બેનેટ, ડીયોન માયર્સ, સિકંદર રઝા (c), જોનાથન કેમ્પબેલ, ફરાઝ અકરમ, ક્લાઈવ મડાન્ડે (wk), બ્રાન્ડોન માવુતા, રિચર્ડ નગારાવા, બ્લેસિંગ મુઝારાબાની

ટોસ

ઝિમ્બાબ્વેના કેપ્ટન સિકંદર રઝાએ ટોસ જીતીને બોલિંગ કરવાનો નિર્ણય લીધો છે. ભારત આજે પ્રથમ બેટિંગ કરશે. કેપ્ટન શુભમન ગિલના જણાવ્યા અનુસાર ભારતની પ્લેઇંગ ઇલેવનમાં બદલાવ જોવા મળશે.

ટીમમાં ફેરફાર અંગે શુભમને શું કહ્યું?

ભારતીય ટીમમાં હાલ કોઈ ઈજાની સમસ્યા નથી. જ્યારે શુભમનને અંતિમ T20 માટે ટીમમાં ફેરફાર વિશે પૂછવામાં આવ્યું તો તેણે કહ્યું કે તે આ અંગે કોચ સાથે વાત કરશે અને ટોસ દરમિયાન જ કોઈ ફેરફાર થશે તેની માહિતી આપશે. બીજી તરફ, પ્રથમ મેચમાં શાનદાર પ્રદર્શન બાદ ઝિમ્બાબ્વે આગામી ત્રણ મેચમાં કંઈ ખાસ બતાવી શકી નથી અને અંતિમ T20માં પોતાની છાપ છોડવાનો પ્રયાસ કરશે.

ઝિમ્બાબ્વેની સંભવિત પ્લેઇંગ ઇલેવન: વેસ્લી માધવેરે, તદિવનાશે મારુમાની, બ્રાયન બેનેટ, ડીયોન માયર્સ, સિકંદર રઝા (c), જોનાથન કેમ્પબેલ, ફરાઝ અકરમ, ક્લાઈવ મડાન્ડે (wk), રિચાર્ડ નગારવા, બ્લેસિંગ મુઝારાબાની, ટેન્ડાઈ ચતારા

ભારતની સંભવિત પ્લેઇંગ ઇલેવન: યશસ્વી જયસ્વાલ, શુભમન ગિલ (c), અભિષેક શર્મા, રૂતુરાજ ગાયકવાડ, સંજુ સેમસન (wk), રિંકુ સિંહ, રાયન પરાગ, વોશિંગ્ટન સુંદર, રવિ બિશ્નોઈ, તુષાર દેશપાંડે, ખલીલ અહેમદ.

ચોથી T20માં શાનદાર બેટિંગ કરી

ઝિમ્બાબ્વે સામેની ચોથી T20 મેચમાં લક્ષ્યનો પીછો કરતી વખતે શુભમન અને યશસ્વી જયસ્વાલની ઓપનિંગ જોડીએ જોરદાર બેટિંગ કરી અને 10 વિકેટથી જીત મેળવી. એવું માનવામાં આવે છે કે અન્ય બેટ્સમેનોને તક આપવા માટે સંજુ સેમસન અને અભિષેક શર્માને ઉપરના ક્રમમાં મેદાનમાં ઉતારવામાં આવી શકે છે. શુભમન અને યશસ્વીએ પોતાની ક્ષમતા બતાવી છે. શુભમને આ પ્રવાસમાં બેક ટુ બેક અડધી સદી ફટકારી છે, જ્યારે યશસ્વીએ પણ 93 રનની અણનમ ઇનિંગ રમી છે. શિવમ દુબે, રિયાન પરાગ અને સેમસનને બેટિંગ કરવાની વધુ તક મળી નથી.

ભારત સિરીઝમાં 3-1થી આગળ

શુભમન ગીલની આગેવાની હેઠળની ભારતીય ટીમે ઝિમ્બાબ્વે સામેની 5 મેચની T20 સિરીઝમાં પહેલેથી જ 3-1ની અજેય સરસાઈ મેળવી લીધી છે. આ પછી ભારતે આ મહિનાના અંતમાં શ્રીલંકા સામે સિરીઝ રમવાની છે. સિનિયર ખેલાડીઓની ગેરહાજરીમાં ઝિમ્બાબ્વે સામે ભારતનું પ્રદર્શન પ્રશંસનીય હતું અને માનવામાં આવે છે કે ફાઈનલ મેચમાં ટીમ પ્લેઈંગ-11માં કેટલાક પ્રયોગો કરી શકે છે.