હૈદરાબાદે દિલ્હીને 67 રનથી હરાવ્યું, નટરાજને ઝડપી ચાર વિકેટ

નટરાજને મેડન ઓવરમાં ત્રણ વિકેટ ઝડપી

ટી નટરાજને 19મી ઓવરમાં મેડન ઓવર નાખીને ત્રણ વિકેટ લીધી હતી. નટરાજને તેની ચાર ઓવરમાં માત્ર 19 રન આપીને 4 વિકેટ લીધી હતી. આઈપીએલમાં આ તેનું સર્વશ્રેષ્ઠ પ્રદર્શન છે. 19 ઓવર પછી દિલ્હીનો સ્કોર 9 વિકેટે 199 રન છે.

દિલ્હીની સાતમી વિકેટ પડી

દિલ્હી કેપિટલ્સે 199 રનમાં સાતમી વિકેટ ગુમાવી હતી. અક્ષર પટેલ આઠ બોલમાં માત્ર છ રન જ બનાવી શક્યો હતો. સનરાઇઝર્સ હૈદરાબાદની જીત લગભગ નિશ્ચિત છે. એક સમયે દિલ્હીનો સ્કોર 8 ઓવરમાં 131 રન હતો. જોકે, ફરીથી પંત અને સ્ટબ્સ ઝડપી રન બનાવી શક્યા ન હતા.

દિલ્હીનો સ્કોર 188/6

17 ઓવર પછી દિલ્હી કેપિટલ્સનો સ્કોર 6 વિકેટે 188 રન છે. હવે આ મેચમાં સનરાઇઝર્સ હૈદરાબાદની જીત નિશ્ચિત છે. રિષભ પંતે પોતાની ટીમને મેચમાં પાછળ કરી દીધી છે. તે 30 બોલમાં માત્ર 35 રન બનાવીને રમી રહ્યો છે.

દિલ્હીનો સ્કોર 179/6

16 ઓવર પછી દિલ્હી કેપિટલ્સનો સ્કોર 6 વિકેટે 179 રન છે. રિષભ પંત 27 બોલમાં માત્ર 29 રન બનાવીને રમતમાં છે. દિલ્હીને હવે 24 બોલમાં જીતવા માટે 88 રન બનાવવાના છે. હવે મેચમાં હૈદરાબાદનો વિજય લગભગ નિશ્ચિત છે.

દિલ્હીની છઠ્ઠી વિકેટ પડી

દિલ્હી કેપિટલ્સના હાથમાંથી મેચ લગભગ સરકી ગઈ છે. સ્કોર 15 ઓવરમાં 6 વિકેટે 166 રન છે. રિષભ પંતની ધીમી બેટિંગે દિલ્હીને મુશ્કેલીમાં મૂકી દીધું છે. તે 23 બોલમાં 19 રન બનાવીને રમતમાં છે. લલિત યાદવ 8 બોલમાં 7 રન બનાવીને આઉટ થયો હતો. તેને ટી નટરાજને બોલ્ડ કર્યો હતો.

દિલ્હીને પાંચમો ઝટકો

નીતિશ રેડ્ડીએ ટ્રિસ્ટન સ્ટબ્સને આઉટ કરીને દિલ્હી કેપિટલ્સને પાંચમો ઝટકો આપ્યો હતો. સ્ટબ્સ 11 બોલમાં 10 રન બનાવીને આઉટ થયો હતો. હાલમાં ટીમનો કેપ્ટન રિષભ પંત ક્રિઝ પર છે અને લલિત યાદવ નવા બેટ્સમેન તરીકે ક્રિઝ પર આવ્યો છે.

દિલ્હીનો સ્કોર 150ને પાર

દિલ્હી કેપિટલ્સનો સ્કોર 12 ઓવરમાં 4 વિકેટે 153 રન છે. દિલ્હીને હવે 48 બોલમાં જીતવા માટે 114 રન બનાવવાના છે. એટલે કે તેણે અહીંથી દરેક ઓવરમાં લગભગ 14 રન બનાવવા પડશે. રિષભ પંત 14 બોલમાં 13 રન અને ટ્રીસ્ટન સ્ટબ્સ 10 બોલમાં 10 રન બનાવીને રમતમાં છે.

11મી ઓવરમાં આવ્યા 5 રન

ટી નટરાજને 11મી ઓવરમાં માત્ર પાંચ રન આપ્યા હતા. હવે દિલ્હી કેપિટલ્સનો સ્કોર 4 વિકેટે 143 રન છે. છેલ્લી ત્રણ ઓવરમાં માત્ર 11 રન જ બન્યા છે. જોકે, દિલ્હીને હજુ પ્રતિ ઓવર માત્ર 13 રન બનાવવાના છે. હાલમાં રિષભ પંત અને ટ્રીસ્ટન સ્ટબ્સ સાવધાનીપૂર્વક રમી રહ્યા છે.

દિલ્હીનો સ્કોર 138/4

9મી ઓવરમાં માત્ર 4 રન અને 10મી ઓવરમાં માત્ર 2 રન જ આવ્યા હતા. 10 ઓવર પછી દિલ્હી કેપિટલ્સનો સ્કોર 4 વિકેટે 138 રન છે. દિલ્હીને હવે 60 બોલમાં જીતવા માટે 129 રન બનાવવાના છે. ટ્રસ્ટન સ્ટબ્સ 6 બોલમાં 6 રન અને કેપ્ટન રિષભ પંત 6બોલમાં 2 રન બનાવીને ક્રિઝ પર છે.

અભિષેક પોરેલ આઉટ

અભિષેક પોરેલ પણ 9મી ઓવરમાં આઉટ થયો હતો. તે 22 બોલમાં 42 રન બનાવીને પેવેલિયન પરત ફર્યો હતો. તેણે 7 ફોર અને 1 સિકસર ફટકારી હતી. મયંક માર્કંડેએ 9મી ઓવરમાં એક વિકેટ લીધી હતી અને માત્ર ચાર રન આપ્યા હતા. 9 ઓવર પછી દિલ્હીનો સ્કોર 4 વિકેટે 136 રન છે. દિલ્હીને હવે 66 બોલમાં 131 રન બનાવવાના છે.

8મી ઓવરમાં આવ્યા 22 રન

જેક ફ્રેઝર મેકગર્કના આઉટ થયા બાદ પણ દિલ્હીના રનની ગતિ અટકી નથી. શાહબાઝ અહેમદની ઓવરમાં 22 રન આવ્યા હતા. અભિષેક પોરેલે આ ઓવરમાં 3 ફોર અને 1 સિક્સર ફટકારી હતી. 8 ઓવર પછી દિલ્હીનો સ્કોર 3 વિકેટે 131 રન છે.

જેક ફ્રેઝર મેકગર્ક આઉટ

મયંક માર્કંડેએ મેકગર્કને આઉટ કરીને દિલ્હી કેપિટલ્સને ત્રીજો ઝટકો આપ્યો હતો. મેકગર્ક 18 બોલમાં 65 રન બનાવીને આઉટ થયો હતો. તેણે માત્ર 15 બોલમાં ફિફ્ટી ફટકારી હતી, જે આ IPLની સૌથી ઝડપી ફિફ્ટી છે. પોતાની ફિફ્ટી પૂરી કર્યા પછી મેકગર્કે મયંક માર્કન્ડેને નિશાન બનાવ્યો અને તેની ઓવરમાં ત્રણ સિક્સર ફટકારી, પરંતુ આ ઓવરના છેલ્લા બોલે તેની વિકેટ ગુમાવી દીધી હતી. દિલ્હીનો સ્કોર 7 ઓવરમાં 3 વિકેટે 109 રન છે.

દિલ્હીનો સ્કોર 88/2

છઠ્ઠી ઓવરમાં માત્ર સાત રન થયા હતા. આ રીતે પાવરપ્લેમાં એટલે કે 6 ઓવરમાં દિલ્હી કેપિટલ્સે બે વિકેટ ગુમાવીને 88 રન બનાવ્યા હતા. દિલ્હીને હવે જીતવા માટે 84 બોલમાં 179 રન બનાવવાના છે. અભિષેક પોરેલ 15 બોલમાં ચાર ચોગ્ગાની મદદથી 21 રન અને જેક ફ્રેઝર મેકગર્ક 13 બોલમાં 46 રન બનાવીને રમી રહ્યો છે. તેણે 5 ફોર અને 4 સિક્સર ફટકારી છે.

કપ્તાને ઓવરમાં 20 રન આપ્યા

પેટ કમિન્સ પાંચમી ઓવર નાખવા આવ્યો હતો. આ ઓવરમાં ત્રણ ફોર અને એક સિક્સર આવી હતી. અભિષેક પોરેલ 9 બોલમાં ત્રણ ચોગ્ગાની મદદથી 15 રન અને જેક ફ્રેઝર મેકગર્ક 13 બોલમાં 46 રન બનાવીને રમી રહ્યો છે. તેણે 5 ફોર અને 4 સિક્સર ફટકારી છે. દિલ્હીને હવે 90 બોલમાં 186 રન બનાવવાના છે.

ચોથી ઓવરમાં 6 રન આપ્યા

ભુવનેશ્વર કુમારે ચોથી ઓવરમાં માત્ર 6 રન આપ્યા હતા. આ આખી ઓવર અભિષેક પોરેલને ફેંકી હતી. 4 ઓવર પછી દિલ્હી કેપિટલ્સનો સ્કોર 2 વિકેટે 61 રન છે. દિલ્હીને હવે 96 બોલમાં 206 રન બનાવવાના છે.

વોશિંગ્ટન સુંદરની ઓવરમાં 30 રન

જેક ફ્રેઝર-મેકગર્કે વોશિંગ્ટન સુંદરની ઓવરમાં 3 સિક્સ અને 3 ફોર ફટકારી હતી. તે 10 બોલમાં 35 રન સુધી પહોંચી ગયો છે. 3 ઓવર પછી દિલ્હી કેપિટલ્સનો સ્કોર 2 વિકેટે 55 રન છે.

દિલ્હીની બીજી વિકેટ પડી

આ મેચમાં ઈજા બાદ પરત ફરી રહેલા ડેવિડ વોર્નરના રૂપમાં દિલ્હીને બીજો ઝટકો લાગ્યો હતો. તે માત્ર એક રન બનાવી શક્યો હતો. અભિષેક પોરેલ ચોથા નંબર પર બેટિંગ કરવા આવ્યો હતો. જેક ફ્રેઝર મેકગર્ક તેને સપોર્ટ કરવા માટે ક્રિઝ પર હાજર છે. 2 ઓવર પછી દિલ્હીનો સ્કોર બે વિકેટે 25 રન છે.

પૃથ્વી શૉ 4 ચોગ્ગા ફટકારીને આઉટ

સનરાઇઝર્સ હૈદરાબાદ તરફથી વોશિંગ્ટન સુંદર પ્રથમ ઓવર નાખવા આવ્યો હતો. પૃથ્વી શૉએ આ ઓવરના પહેલા ચાર બોલ પર 4 ચોગ્ગા ફટકાર્યા હતા. જોકે તે પછી તે આઉટ થઈ ગયો હતો. અબ્દુલ સમદે તેનો કેચ પકડ્યો હતો. એક ઓવર પછી દિલ્હી કેપિટલ્સનો સ્કોર એક વિકેટે 16 રન છે.

દિલ્હીની ઈનિંગ શરૂ

દિલ્હી કેપિટલ્સ સનરાઇઝર્સ હૈદરાબાદ દ્વારા આપવામાં આવેલા 267 રનના લક્ષ્યનો પીછો કરવા માટે તૈયાર છે. પૃથ્વી શો અને ડેવિડ વોર્નર ઓપનિંગમાં બેટિંગ કરવા ઉતર્યા છે. બંને શાનદાર ફોર્મમાં દેખાઈ રહ્યા છે. વોશિંગ્ટન સુંદર ઇનિંગની પ્રથમ ઓવર ફેંકી રહ્યો છે.

દિલ્હીને મળ્યો  267 રનનો ટાર્ગેટ 

દિલ્હીના અરુણ જેટલી સ્ટેડિયમમાં પ્રથમ બેટિંગ કરવા આવેલી સનરાઈઝર્સ હૈદરાબાદે 20 ઓવરમાં 6 વિકેટે 266 રન બનાવ્યા હતા. આ મેદાન પર આ સૌથી મોટો સ્કોર છે. હૈદરાબાદનો સ્કોર પ્રથમ 6 ઓવરમાં કોઈ વિકેટ વિના 125 રન હતો. તેને ધ્યાનમાં લેતા દિલ્હીએ સારી વાપસી કરી છે. હૈદરાબાદ માટે ટ્રેવિસ હેડે માત્ર 32 બોલમાં 89 રનની તોફાની ઇનિંગ રમી હતી. તેના બેટમાંથી 11 ચોગ્ગા અને 6 છગ્ગા આવ્યા હતા. જ્યારે અભિષેક શર્માએ 12 બોલમાં 46 રનની ઇનિંગ રમી હતી. અભિષેકે 2 ચોગ્ગા અને 6 છગ્ગા ફટકાર્યા હતા. અંતમાં શાહબાઝ અહેમદે 29 બોલમાં 59 રનની અણનમ ઇનિંગ રમી હતી. તેણે 2 ચોગ્ગા અને 5 છગ્ગા ફટકાર્યા હતા. દિલ્હી તરફથી કુલદીપ યાદવે સૌથી વધુ 4 વિકેટ લીધી હતી.

દિલ્હીને છઠ્ઠી સફળતા મળી

ફાસ્ટ બોલર મુકેશ કુમારે અબ્દુલ સમદને આઉટ કરીને હૈદરાબાદને છઠ્ઠો ઝટકો આપ્યો છે. સમદ આઠ બોલમાં 13 રન બનાવીને આઉટ થયો હતો. હૈદરાબાદે 250 રનનો સ્કોર પાર કરી લીધો છે.

19મી ઓવરમાં 20 રન આવ્યા 

ખલીલ અહેમદે 19મી ઓવરમાં 20 રન આપ્યા હતા. શાહબાઝ અહેમદે ખલીલની ઓવરમાં બે સિક્સર ફટકારી હતી. 19 ઓવર પછી હૈદરાબાદનો સ્કોર 5 વિકેટે 250 રન છે. શાહબાદ 25 બોલમાં 44 રન સુધી પહોંચી ગયો છે. તેણે 4 સિક્સર ફટકારી છે.

18મી ઓવરમાં 9 રન આવ્યા

મુકેશ કુમારે 18મી ઓવરમાં 9 રન આપ્યા હતા. અબ્દુલ સમદે આ ઓવરમાં શાનદાર ફોર ફટકારી હતી. 18 ઓવર પછી હૈદરાબાદનો સ્કોર 5 વિકેટે 230 રન છે. શાહબાઝ અહેમદ 22 બોલમાં 31 રન અને અબ્દુલ સમદ ચાર બોલમાં સાત રન બનાવીને ક્રિઝ પર છે.

નીતિશ રેડ્ડી આઉટ

17મી ઓવરમાં કુલદીપ યાદવે પ્રથમ ત્રણ બોલમાં માત્ર ત્રણ રન આપ્યા હતા. ત્યારબાદ ચોથા બોલ પર નીતીશ રેડ્ડીએ સ્વિચ હિટ સાથે સિક્સર ફટકારી હતી. જોકે, રેડ્ડી છેલ્લા બોલ પર કેચ આઉટ થયો હતો. હૈદરાબાદનો સ્કોર 17 ઓવરમાં 5 વિકેટે 221 રન છે. કુલદીપ યાદવની આ ચોથી વિકેટ હતી.

હૈદરાબાદનો સ્કોર 210/4

16 ઓવર પછી હૈદરાબાદનો સ્કોર 4 વિકેટે 205 રન છે. શાહબાઝ અહેમદ 19 બોલમાં 28 રન બનાવીને ક્રિઝ પર છે. તેણે બે સિક્સર ફટકારી છે. નીતિશ રેડ્ડી 22 બોલમાં 27 રન બનાવીને રમતમાં છે. તેણે બે ફોર અને એક સિકસર ફટકારી છે. હૈદરાબાદે છેલ્લી 10 ઓવરમાં 85 રન બનાવ્યા છે.

હૈદરાબાદનો સ્કોર 200 રનને પાર

નીતિશ રેડ્ડી અને શાહબાદ અહેમદ વચ્ચે 35 બોલમાં 51 રનની ભાગીદારી થઈ છે. આ સાથે હૈદરાબાદનો સ્કોર 200ને પાર કરી ગયો છે. બંને સરળતાથી રન બનાવી રહ્યા છે. 15 ઓવર પછી સ્કોર 4 વિકેટે 205 રન છે.

હૈદરાબાદનો સ્કોર 194/4

નીતીશ રેડ્ડી અને શાહબાદ અહેમદે હૈદરાબાદની ઇનિંગ્સને સંભાળી છે. બંનેએ 29 બોલમાં 40 રનની ભાગીદારી કરી છે. 14 ઓવર પછી સ્કોર 4 વિકેટે 194 રન છે. રેડ્ડી 18 બોલમાં 24 રન અને શાહબાઝ 11 બોલમાં 15 રન બનાવીને રમતમાં છે.

હૈદરાબાદનો સ્કોર 184/4

13 ઓવર પછી હૈદરાબાદનો સ્કોર 4 વિકેટે 184 રન છે. નીતિશ રેડ્ડી 14 બોલમાં 16 રન અને શાહબાઝ અહેમદ 9 બોલમાં 13 રન બનાવીને રમી રહ્યા છે. બંને વચ્ચે 23 બોલમાં 30 રનની ભાગીદારી થઈ છે.

હૈદરાબાદનો સ્કોર 175/4

ખલીલ અહેમદે 12મી ઓવરમાં 13 રન આપ્યા હતા. જેમાં નીતીશ રેડ્ડીએ ફોર અને શાહબાઝ અહેમદે સિક્સર ફટકારી હતી. 12 ઓવર પછી હૈદરાબાદનો સ્કોર 4 વિકેટે 175 રન છે. રેડ્ડી 10 બોલમાં 9 રન અને શાહબાઝ સાત બોલમાં 11 રન બનાવીને રમતમાં છે.

હૈદરાબાદનો સ્કોર 162-4

એનરિક નોર્કિયાએ 11મી ઓવરમાં માત્ર ચાર રન આપ્યા હતા. 11 ઓવર પછી હૈદરાબાદનો સ્કોર 4 વિકેટે 162 રન છે. શાહબાઝ અહેમદ 5 બોલમાં 4 રન અને નીતિશ રેડ્ડી 6 બોલમાં 3 રન બનાવીને ક્રિઝ પર છે.

IPLમાં પ્રથમ 10 ઓવર પછી સર્વોચ્ચ સ્કોર

158/4 - SRH vs DC, દિલ્હી, આજે*

148/2 - SRH vs MI, હૈદરાબાદ, 2024

141/2 - MI vs SRH, હૈદરાબાદ, 2024

135/1 - KKR vs DC, વાયઝેગ, 2024

IPLમાં પ્રથમ 10 ઓવર પછી સર્વોચ્ચ સ્કોર

હૈદરાબાદે 10 ઓવર બાદ IPL ઈતિહાસનો સર્વોચ્ચ સ્કોર ખડ્કયો હતો. 10 ઓવર પછી હૈદરાબાદનો સ્કોર 4 વિકેટે 158 રન છે.  હાલમાં નીતીશ રેડ્ડી અને શાહબાઝ અહેમદ ક્રિઝ પર હાજર છે.

દિલ્હીને મળી ચોથી સફળતા 

સારી શરૂઆત બાદ સનરાઈઝર્સ હૈદરાબાદની ઈનિંગ ખોરવાઈ છે અને ટીમે ચાર વિકેટ ગુમાવી દીધી છે. કુલદીપ યાદવે ટ્રેવિસ હેડને પેવેલિયનમાં મોકલ્યા બાદ અક્ષર પટેલે હેનરિક ક્લાસેનને બોલ્ડ કરીને હૈદરાબાદને ચોથો ઝટકો આપ્યો હતો. હેનરિક ક્લાસેન 8 બોલમાં 2 સિક્સરની મદદથી 15 રન બનાવીને આઉટ થયો હતો. પાવરપ્લેમાં તોફાની બેટિંગ કરનાર કુલદીપ અને અક્ષરે હૈદરાબાદને બેકફૂટ પર લાવી દીધું છે. હાલમાં નીતીશ રેડ્ડી અને શાહબાઝ અહેમદ ક્રિઝ પર હાજર છે.

ટ્રેવિસ હેડ આઉટ

કુલદીપ યાદવે દિલ્હીને ત્રીજી સફળતા અપાવી. તેણે તોફાની બેટિંગ કરી રહેલા ટ્રેવિસ હેડને પેવેલિયન મોકલ્યો હતો. હેડ 32 બોલમાં 89 રન બનાવીને આઉટ થયો હતો. તેણે  11 ચોગ્ગા અને 6 છગ્ગા ફટકાર્યા હતા.

કુલદીપે એક ઓવરમાં ઝડપી  બે વિકેટ 

કુલદીપ યાદવે અભિષેક શર્માને આઉટ કર્યા બાદ તેણે એડન માર્કરામને પણ પેવેલિયન મોકલી દીધો હતો. માર્કરામ ત્રણ બોલમાં માત્ર એક રન બનાવી શક્યો હતો. હવે હેનરિક ક્લાસેન ટ્રેવિસ હેડ સાથે ક્રિઝ પર છે. હૈદરાબાદનો સ્કોર સાત ઓવરમાં સ્કોર બે વિકેટે 133 રન છે.

હૈદરાબાદની પ્રથમ વિકેટ પડી

પાવરપ્લે પૂરો થતાં જ અભિષેક શર્માએ પ્રથમ બોલ પર સિક્સર ફટકારી હતી. જોકે તે બીજા બોલ પર કેચ આઉટ થયો હતો. દિલ્હીએ હવે રાહતનો શ્વાસ લીધો હશે. અભિષેક શર્મા 12 બોલમાં 46 રન બનાવીને આઉટ થયો હતો. કુલદીપ યાદવે તેને પેવેલિયન મોકલ્યો હતો. અભિષેકે બે ચોગ્ગા અને 6 છગ્ગા ફટકાર્યા હતા.

IPLમાં સૌથી વધુ પાવરપ્લે સ્કોર

125/0 -  SRH vs DC, 2024*

105/0 - KKR vs RCB, 2017

100/2 - CSK vs PBKS, 2014

90/0 - CSK vs MI, 2015

88/1 - KKR vs DC, 2024*

હૈદરાબાદનો સ્કોર 125/0

સનરાઇઝર્સ હૈદરાબાદે IPLના ઇતિહાસમાં સૌથી મોટો પાવરપ્લે સ્કોર બનાવ્યો છે. 6 ઓવરમાં સ્કોર એકપણ વિકેટ વિના 125 રન છે. ટ્રેવિસ હેડ 26 બોલમાં 84 રન બનાવીને રમતમાં છે. તેણે 11 ચોગ્ગા અને 6 છગ્ગા ફટકાર્યા છે. જ્યારે અભિષેક શર્મા 10 બોલમાં 40 રન બનાવીને રમતમાં છે. તેણે 2 ચોગ્ગા અને 5 છગ્ગા ફટકાર્યા છે.

આઈપીએલના ઈતિહાસમાં ટીમની સૌથી ઝડપી સદી 

5 ઓવર - SRH vs DC, દિલ્હી, આજે*

6 ઓવર - CSK vs PBKS, મુંબઈ, 2014

6 ઓવર - KKR vs RCB, બેંગલુરુ, 2017

6.5 ઓવર - CSK vs MI, મુંબઈ, 2015

7 ઓવર - SRH vs MI, હૈદરાબાદ, 2024

5 ઓવરમાં સ્કોર 100ને પાર

માત્ર 5 ઓવરમાં સનરાઈઝર્સ હૈદરાબાદનો સ્કોર કોઈ પણ નુકશાન વિના 103 રન પર પહોંચી ગયો છે. ટ્રેવિસ હેડ 20 બોલમાં 62 રન બનાવીને ક્રિઝ પર છે. તેણે 7 ફોર અને 5 સિક્સર ફટકારી છે. જ્યારે અભિષેક શર્મા 10 બોલમાં 40 રન બનાવીને ક્રિઝ પર છે. તેના બેટમાંથી 2 ચોગ્ગા અને 5 છગ્ગા આવ્યા હતા.

4 ઓવરમાં 83/0નો સ્કોર

ટ્રેવિસ હેડ અને અભિષેક શર્મા દિલ્હીના બોલરોને જોરદાર રીતે ધોલાઈ કરી રહ્યા છે. માત્ર 4 ઓવરમાં સ્કોર કોઈ વિકેટ વિના 83 રન થઈ ગયો છે. ટ્રેવિસ હેડ 18 બોલમાં 61 રન અને અભિષેક શર્મા 6 બોલમાં 21 રન બનાવીને ક્રિઝ પર છે.

હેડે માત્ર 16 બોલમાં ફિફ્ટી ફટકારી 

ટ્રેવિસ હેડે માત્ર 16 બોલમાં અડધી સદી ફટકારી છે. તેણે 7 ચોગ્ગા અને 4 છગ્ગા ફટકાર્યા છે. 3 ઓવર પછી સનરાઈઝર્સ હૈદરાબાદનો સ્કોર કોઈ પણ વિકેટ વિના 62 રન છે. જ્યારે અભિષેક શર્મા બે બોલમાં આઠ રન પર છે.

બે ઓવર બાદ સ્કોર 40 રન

લલિત યાદવે બીજી ઓવર નાખી. આ ઓવરમાં 21 રન આવ્યા હતા. બે ઓવર પછી હૈદરાબાદનો સ્કોર કોઈ પણ નુકશાન વિના 40 રન છે. ટ્રેવિસ હેડ 10 બોલમાં 32 રન બનાવીને ક્રિઝ પર છે. તેણે 3 ચોગ્ગા અને 3 છગ્ગા ફટકાર્યા છે. જ્યારે અભિષેક શર્મા બે બોલમાં આઠ રન બનાવીને ક્રિઝ પર છે.

પ્રથમ ઓવરમાં કરી ધોલાઈ

આ સિઝનમાં ઘાતક બોલિંગ કરનાર ખલીલ અહેમદ પર ટ્રેવિસ હેડ દ્વારા પહેલી જ ઓવરમાં એટેક કરવામાં આવ્યો હતો. આ ઓવરમાં હેડે એક સિક્સર અને બે ફોર ફટકારી હતી. એક ઓવર પછી સનરાઈઝર્સ હૈદરાબાદનો સ્કોર કોઈ વિકેટ વિના 19 રન છે.

બંને ટીમોની પ્લેઈંગ-11

દિલ્હી કેપિટલ્સ: ડેવિડ વોર્નર, જેક ફ્રેઝર-મેકગર્ક, અભિષેક પોરેલ, રિષભ પંત (wk&c), ટ્રિસ્ટન સ્ટબ્સ, અક્ષર પટેલ, લલિત યાદવ, કુલદીપ યાદવ, એનરિક નોર્કિયા, ખલીલ અહેમદ, મુકેશ કુમાર.

ઈમ્પેક્ટ પ્લેયર્સ: પૃથ્વી શો, શાઈ હોપ, પ્રવીણ દુબે, રસિક દાર સલામ, સુમિત કુમાર

સનરાઇઝર્સ હૈદરાબાદ: અભિષેક શર્મા, ટ્રેવિસ હેડ, એડન માર્કરામ, હેનરિક ક્લાસેન (wk), અબ્દુલ સમદ, નીતિશ રેડ્ડી, શાહબાઝ અહેમદ, પેટ કમિન્સ (c), ભુવનેશ્વર કુમાર, મયંક માર્કંડે, ટી નટરાજન.

ઈમ્પેક્ટ પ્લેયર્સ: ઉમરાન મલિક, અનમોલપ્રીત સિંહ, આકાશ મહારાજ સિંહ, ગ્લેન ફિલિપ્સ, વોશિંગ્ટન સુંદર

દિલ્હીએ ટોસ જીત્યો 

દિલ્હી કેપિટલ્સના કેપ્ટન રિષભ પંતે સનરાઇઝર્સ હૈદરાબાદ સામે ટોસ જીતીને પ્રથમ બોલિંગ કરવાનો નિર્ણય લીધો છે. દિલ્હીએ આ મેચ માટે પ્લેઈંગ-11માં બે ફેરફાર કર્યા છે. સુમિત અને ઈશાંત શર્માની જગ્યાએ લલિત અને એનરિક નોર્કિયાને ટીમમાં સામેલ કરવામાં આવ્યા છે. સનરાઈઝર્સ હૈદરાબાદે આ મેચ માટે ટીમમાં કોઈ ફેરફાર કર્યો નથી.

પિચ રિપોર્ટ

અગાઉ દિલ્હીની પીચ સ્પિનરો માટે મદદરૂપ હતી. જોકે, છેલ્લા કેટલાક વર્ષોમાં પિચનો મૂડ સંપૂર્ણપણે બદલાઈ ગયો છે. વાસ્તવમાં, 2023 ODI વર્લ્ડ કપ પહેલા અહીં નવી પીચ તૈયાર કરવામાં આવી છે. હવે અહીં બેટ્સમેનોને મદદ મળવા લાગી છે. આવી સ્થિતિમાં આજે અહીં હાઈ સ્કોરિંગ મેચ જોવા મળી શકે છે. ટોસ જીતનારી ટીમ પહેલા બોલિંગ કરવાનો નિર્ણય કરી શકે છે.