- અમદાવાદમાં ભારે વરસાદને કારણે IPL 2024ની 63મી મેચ રદ્દ કરવામાં આવી
- વરસાદે ગુજરાત ટાઇટન્સની આશાઓ પર પાણી ફેરવ્યું હતું
- પ્લેઓફની રેસમાંથી બહાર થનારી ગુજરાત ટાઇટન્સ ત્રીજી ટીમ બની
અમદાવાદમાં ભારે વરસાદને કારણે IPL 2024ની 63મી મેચ રદ્દ કરવામાં આવી છે. વરસાદે ગુજરાત ટાઇટન્સની આશાઓ પર પાણી ફરી વળ્યું અને ટીમ પ્લેઓફની રેસમાંથી બહાર થઈ ગઈ છે. IPLમાં પ્લેઓફની રેસમાંથી બહાર થનારી ગુજરાત ત્રીજી ટીમ છે. આ પહેલા મુંબઈ ઈન્ડિયન્સ અને પંજાબ કિંગ્સ પણ બહાર થઈ ચૂક્યા છે. મેચ રદ થવાને કારણે કોલકાતા અને ગુજરાતને એક-એક પોઈન્ટ મળ્યો છે. ગુજરાતને પ્લેઓફ સમીકરણમાં રહેવા માટે બે પોઈન્ટની જરૂર હતી, પરંતુ મેચ રદ્દ થતાં હવે એક પોઈન્ટ મળ્યો છે. ગુજરાતના હાલમાં 13 મેચમાં 11 પોઈન્ટ છે અને ટીમની આગામી મેચ સનરાઈઝર્સ હૈદરાબાદ સામે છે. જો ગુજરાતની ટીમ તે મેચ જીતી જાય તો પણ ટીમ મહત્તમ 13 પોઈન્ટ સુધી પહોંચવામાં સફળ રહેશે.
