- IPL 2024માં મુંબઈ ઈન્ડિયન્સ સતત બે મેચ હારી
- હાર્દિક પંડ્યાની કેપ્ટનશિપ પર સવાલો ઉભા થઈ રહ્યા છે
- મુંબઈ ઈન્ડિયન્સનો બોલિંગ કોચ પણ હાર્દિકથી નારાજ છે?
IPL 2024માં મુંબઈ ઈન્ડિયન્સ સતત બે મેચ હારી છે. પ્રથમ મેચમાં ટીમને ગુજરાત ટાઇટન્સ અને બીજી મેચમાં સનરાઇઝર્સ હૈદરાબાદ સામે હાર મળી હતી. હાર્દિક પંડ્યા આ વખતે મુંબઈ ઈન્ડિયન્સની કેપ્ટનશીપ કરી રહ્યો છે, જે બાદ હવે હાર્દિકની કેપ્ટનશિપ પર સવાલો ઉભા થઈ રહ્યા છે. બંને મેચમાં એવું જોવા મળ્યું કે હાર્દિક તેની ટીમના બેસ્ટ બોલર જસપ્રીત બુમરાહ પહેલા બોલિંગ કરવા આવ્યો હતો અને હાર્દિકની બોલિંગ પણ ખાસ નહોતી. જ્યારે બુમરાહે બંને મેચમાં શાનદાર બોલિંગ કરી હતી.
બીજી મેચમાં હાર બાદ હવે સોશિયલ મીડિયા પર એક વીડિયો ખૂબ જ ઝડપથી વાયરલ થઈ રહ્યો છે. જેમાં હાર્દિક પંડ્યા અને મુંબઈ ઈન્ડિયન્સના બેટિંગ કોચ કિરોન પોલાર્ડ વાત કરતા જોવા મળે છે, હાર્દિક બોલવાનું શરૂ કરે કે તરત જ તેની સાથે હાજર ટીમના અન્ય કોચ ઉભા થઈને જતા રહ્યા. જે બાદ સોશિયલ મીડિયા પર યુઝર્સ કહી રહ્યા છે કે ટીમના કોચ પણ હાર્દિકની કેપ્ટન્સીથી નારાજ છે.
શું બોલિંગ કોચ પણ હાર્દિકથી નારાજ છે?
સનરાઈઝર્સ હૈદરાબાદ સાથે રમાયેલી મેચમાં મુંબઈ ઈન્ડિયન્સના બોલરો ફ્લોપ રહ્યા હતા. આ સિવાય આ મેચમાં હાર્દિક પંડ્યાની કેપ્ટન્સી પણ કંઈ ખાસ ન હતી. ઘણી વખત એવું જોવામાં આવ્યું હતું કે રોહિત શર્મા જ હાર્દિકને સમજાવતો હતો અને હાર્દિક તે મુજબ મેચમાં નિર્ણય લેતો હતો. પરંતુ અનેક પ્રસંગોએ હાર્દિકે પોતાનું કામ કર્યું. જેના કારણે કદાચ હવે ટીમના બોલિંગ કોચ પણ હાર્દિકથી નારાજ દેખાય છે.
વાસ્તવમાં, મેચ પછીનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. આ વીડિયોમાં હાર્દિક, ટીમના બેટિંગ કોચ કિરોન પોલાર્ડ અને બોલિંગ કોચ લસિથ મલિંગા નજરે પડે છે, પરંતુ હાર્દિક કંઈક બોલવાનું શરૂ કરે કે તરત જ લસિત મલિંગા ઊભો થઈને ચાલ્યો જાય છે. આ વીડિયોની હવે ખૂબ જ ચર્ચા થઈ રહી છે.
હાર્દિકની ટીમ સતત બે મેચ હારી
IPL 2024માં હાર્દિક પંડ્યાની મુંબઈ ઈન્ડિયન્સ તેની શરૂઆતની બંને મેચ હારી ગઈ છે. જો ટીમ અહીંથી વધુ બે મેચ હારે છે તો મુંબઈ માટે પ્લેઓફનો રસ્તો મુશ્કેલ બની શકે છે. મુંબઈની આગામી મેચ હવે તેના હોમ ગ્રાઉન્ડ પર થવાની છે. આવી સ્થિતિમાં ચાહકોને આશા છે કે મુંબઈ ઈન્ડિયન્સ પોતાના હોમ ગ્રાઉન્ડ પર આ ટૂર્નામેન્ટની પ્રથમ જીત હાંસલ કરશે. કારણ કે અત્યાર સુધી જે પણ ટીમ પોતાના હોમ ગ્રાઉન્ડ પર મેચ રમી છે તે જીતી છે.
