RR vs KKR: વરસાદના કારણે મેચ રદ, બન્ને ટીમોને મળ્યા 1-1 પોઇન્ટ

રાજસ્થાન-કોલકાતાની મેચ વરસાદને કારણે રદ્દ

રાજસ્થાન રોયલ્સ અને કોલકાતા નાઈટ રાઈડર્સ વચ્ચે ગુવાહાટીમાં રમાનાર મેચ વરસાદના કારણે રદ કરવામાં આવી છે. IPL 2024ની આ છેલ્લી લીગ મેચ હતી. આ મેચ રદ્દ થયા બાદ રાજસ્થાન અને કોલકાતાને 1-1 પોઈન્ટ મળ્યો છે. હવે પ્લેઓફનું સમીકરણ બદલાઈ ગયું છે. પોઈન્ટ ટેબલમાં રાજસ્થાન રોયલ્સ ત્રીજા સ્થાને છે. તે RCB સામે એલિમિનેટર મેચ રમશે. પ્રથમ ક્વોલિફાયરમાં KKRનો મુકાબલો હૈદરાબાદ સામે થશે.

રાજસ્થાન રોયલ્સની પ્લેઇંગ ઇલેવન: યશસ્વી જયસ્વાલ, ટોમ કોહલર-કેડમોર, સંજુ સેમસન (w/c), રિયાન પરાગ, ધ્રુવ જુરેલ, રોવમેન પોવેલ, રવિચંદ્રન અશ્વિન, ટ્રેન્ટ બોલ્ટ, સંદીપ શર્મા, અવેશ ખાન, નાન્દ્રે બર્ગર

ઇમ્પેક્ટ પ્લેયર્સ: શુભમ દુબે, કેશવ મહારાજ, યુઝવેન્દ્ર ચહલ, કુલદીપ સેન, ડોનોવન ફરેરા

કોલકાતા નાઈટ રાઈડર્સની પ્લેઈંગ ઈલેવન: રહેમાનુલ્લા ગુરબાઝ (wk), સુનીલ નારાયણ, વેંકટેશ ઐયર, શ્રેયસ ઐયર (c), રિંકુ સિંહ, આન્દ્રે રસેલ, રમનદીપ સિંહ, અનુકુલ રોય, મિશેલ સ્ટાર્ક, હર્ષિત રાણા, વરુણ ચક્રવર્તી.

ઇમ્પેક્ટ પ્લેયર્સ: વૈભવ અરોરા, મનીષ પાંડે, નીતિશ રાણા, કેએસ ભરત, શેરફાઈન રધરફોર્ડ

હજુ પણ 5-5 ઓવરની થઇ શકે છે મેચ 

રાજસ્થાન અને કોલકાતા વચ્ચેની મેચમાં હજુ થોડો સમય બાકી છે. જો વરસાદ અટકે તો મેચ 5-5 ઓવરની થઈ શકે છે. પરંતુ આ માટે રાત્રે 10.56 વાગ્યા સુધી વરસાદ અટકે તે જરૂરી છે.

ફરી શરૂ થયો વરસાદ

ગુવાહાટીમાં ફરી એકવાર વરસાદ થયો છે. મેદાનને કવરથી ઢાંકવામાં આવી રહ્યું છે. હવે મેચ શરૂ કરવામાં મુશ્કેલી આવી શકે છે.

કોલકાતાએ ટોસ જીત્યો

કોલકાતાએ ટોસ જીતીને બોલિંગ કરવાનો નિર્ણય લીધો છે. 7 ઓવરની મેચમાં રાજસ્થાન રોયલ્સ પ્રથમ બેટિંગ કરશે. 

7-7 ઓવરની થઇ શકે છે મેચ 

જો મેચ શરૂ થાય તો તે 7-7 ઓવરની થઇ શકે છે. રાત્રે 10.25 કલાકે પિચની સાથે મેદાનની પણ ચકાસણી કરવામાં આવશે. આ પછી જ રમવાનો નિર્ણય લેવામાં આવશે

થોડીવારમાં થશે પિચનું નિરીક્ષણ 

કોલકાતા નાઈટ રાઈડર્સે ટોસ જીતીને પ્રથમ બોલિંગ કરવાનો નિર્ણય લીધો હતો. રાજસ્થાન રોયલ્સના ખેલાડીઓ પ્રથમ બેટિંગ કરવા મેદાનમાં ઉતરશે. આ મેચમાં 3 બોલર 2-2 ઓવર નાખી શકશે. એક બોલરે એક ઓવર નાખવી પડશે.

વરસાદ બંધ

વરસાદ ઓછો થયો છે. હવે હળવા ઝાપટા પડી રહ્યા છે. ક્ષેત્રના કેટલાક ભાગોમાંથી કવર દૂર કરવામાં આવી રહ્યા છે. આ દરમિયાન કેટલાક ખેલાડીઓ પણ મેદાનમાં આવી ગયા છે.

નથી અટકી રહ્યો વરસાદ

ગુવાહાટીમાં સમયાંતરે વરસાદ પડી રહ્યો છે. મળતી માહિતી મુજબ, પાંચ ઓવરની રમતનો કટ-ઓફ સમય રાત્રે 10:56 છે. તેના ઓછામાં ઓછા 15 મિનિટ પહેલા ટોસ થવો જરૂરી છે.

ફરી વરસાદ શરૂ

વરસાદ ફરી વધવા લાગ્યો છે. મેદાન પર કવર પાછા લાવવામાં આવ્યા છે. હવે ઓવરો ઘટાડવાનો સમય આવી ગયો છે.

વરસાદ બંધ થયો, મેદાનમાંથી કવર હટાવવામાં આવ્યા

રાજસ્થાન રોયલ્સ અને કોલકાતા નાઈટ રાઈડર્સ વચ્ચેની મેચ ગુવાહાટીના બારસપારા ક્રિકેટ સ્ટેડિયમમાં રમાવાની છે, જે વરસાદના વિક્ષેપને કારણે હજુ શરૂ થઈ નથી. ગુવાહાટીમાં વરસાદ હવે બંધ થઈ ગયો છે અને ગ્રાઉન્ડ પરથી કવર હટાવવામાં આવી રહ્યા છે.

મેચ અપડેટ

ગુવાહાટીમાં હજુ પણ વરસાદ ચાલુ છે. હજુ સુધી ટોસને લઈને કોઈ અપડેટ આવ્યું નથી. જો મેચ રાત્રે 8:30 વાગ્યા પછી શરૂ થશે તો ઓવર કાપવામાં આવશે.

વરસાદ વધ્યો
રાજસ્થાન અને કોલકાતાના ચાહકો માટે એક ખરાબ સમાચાર છે. ગુવાહાટીમાં વરસાદ વધુ તીવ્ર બન્યો છે. હવે મેચમાં ઘણો વિલંબ થશે. વરસાદ બંધ થાય તો પણ મેદાનને રમવા માટે યોગ્ય બનાવવામાં થોડો સમય લાગશે.

ગુહાવટીમાં વરસાદ

રાજસ્થાન રોયલ્સ અને કોલકાતા નાઈટ રાઈડર્સ વચ્ચેની મેચના ટોસ પહેલા વરસાદ શરૂ થઈ ગયો છે. ગ્રાઉન્ડને કવરથી ઢાંકી લેવામાં આવી રહ્યું છે.