KKR vs SRH: ફાઇનલમાં પહોંચ્યું કોલકાતા, ક્વોલિફાયર મેચમાં હૈદરાબાદને 8 વિકેટે હરાવ્યું

કોલકાતાની શાનદાર જીત

બોલરોના શાનદાર પ્રદર્શન બાદ વેંકટેશ ઐયર અને કેપ્ટન શ્રેયસ ઐયરની શાનદાર અડધી સદીની મદદથી કોલકાતા નાઈટ રાઈડર્સ (KKR)એ ક્વોલિફાયર-1 મેચમાં સનરાઈઝર્સ હૈદરાબાદને 8 વિકેટે હરાવી ફાઇનલમાં પ્રવેશ કર્યો હતો. પહેલા બેટિંગ કરતા હૈદરાબાદે રાહુલ ત્રિપાઠીના 55 રનની મદદથી 19.3 ઓવરમાં 159 રન બનાવ્યા હતા, પરંતુ KKRએ 24 બોલમાં શ્રેયસના 5 ચોગ્ગા અને 4 છગ્ગાની મદદથી અણનમ 58 રન અને વેંકટેશ ઐયરના 28 બોલમાં 5 ચોગ્ગા અને 4 છગ્ગાની મદદથી અણનમ 58 રન બનાવ્યા હતા. બન્નેની શાનદાર અણનમ ઇનિંગના આધારે 13.4 ઓવરમાં બે વિકેટે 164 રન બનાવીને મેચ જીતી લીધી હતી. હવે સનરાઇઝર્સ હૈદરાબાદ બીજી ક્વોલિફાયર મેચ 24મી મેના રોજ રમશે.

વેંકટેશની શાનદાર ફિફ્ટી

વેંકટેશ ઐયરે માત્ર 28 બોલમાં 5 ચોગ્ગા અને 4 છગ્ગાની મદદથી અડધી સદી ફટકારી છે. જ્યારે શ્રેયસ ઐયર 20 બોલમાં 36 રન બનાવીને રમી રહ્યો છે. તેણે 4 ફોર અને 1 સિક્સ ફટકારી છે. KKRને જીતવા માટે 42 બોલમાં માત્ર 18 રનની જરૂર છે.

કોલકાતાનો સ્કોર 129/2

કોલકાતા નાઈટ રાઈડર્સ હવે ફાઇનલમાં પ્રવેશવાથી થોડાક પગલાં દૂર છે. KKRનો સ્કોર 12 ઓવરમાં 2 વિકેટે 129 રન છે. વેંકટેશ ઐયર 24 બોલમાં 44 રન બનાવીને રમી રહ્યો છે. તેણે 5 ફોર અને 3 સિક્સર ફટકારી છે. જ્યારે શ્રેયસ ઐયર 17 બોલમાં 30 રન બનાવીને રમી રહ્યો છે. તેણે 3 ફોર અને 1 સિક્સ ફટકારી છે.

11 ઓવર સમાપ્ત

11 ઓવર પછી કોલકાતા નાઈટ રાઈડર્સનો સ્કોર બે વિકેટે 119 રન છે. વેંકટેશ ઐયર 21 બોલમાં 39 રન બનાવીને રમી રહ્યો છે. તેણે 4 ફોર અને 3 સિક્સર ફટકારી છે. જ્યારે શ્રેયસ ઐયર 15 બોલમાં 25 રન બનાવીને રમી રહ્યો છે. તેણે બે ચોગ્ગા અને એક છગ્ગો ફટકાર્યો છે.

કોલકાતાનો સ્કોર 107-2

10 ઓવર પછી કોલકાતા નાઈટ રાઈડર્સનો સ્કોર બે વિકેટે 107 રન છે. વેંકટેશ ઐયર 19 બોલમાં 38 રન બનાવીને રમી રહ્યો છે. તેણે 4 ફોર અને 3 સિક્સર ફટકારી છે. શ્રેયસ ઐયર 11 બોલમાં 14 રન બનાવીને રમી રહ્યો છે. મેચ હવે સંપૂર્ણપણે KKRના હાથમાં છે.

કોલકાતાનો સ્કોર 96/2

9 ઓવર પછી કોલકાતા નાઈટ રાઈડર્સનો સ્કોર બે વિકેટે 96 રન છે. વેંકટેશ ઐયર 17 બોલમાં 31 રન બનાવીને રમી રહ્યો છે. તેણે 4 ફોર અને 2 સિક્સર ફટકારી છે. શ્રેયસ ઐયર 7 બોલમાં 10 રન બનાવીને રમી રહ્યો છે. હવે KKRને 66 બોલમાં જીતવા માટે માત્ર 64 રન બનાવવાના છે.

કોલકાતાનો સ્કોર 85/2

8 ઓવર પછી કોલકાતા નાઈટ રાઈડર્સનો સ્કોર બે વિકેટે 85 રન છે. વેંકટેશ ઐયર 14 બોલમાં 26 રન બનાવીને રમી રહ્યાં છે. તેણે 3 ફોર અને 2 સિક્સર ફટકારી છે. શ્રેયસ ઐયર પણ ચાર બોલમાં ચાર રન પર રમ રહ્યો છે. હવે KKRને 72 બોલમાં જીતવા માટે માત્ર 75 રન બનાવવાના છે.

કોલકાતાનો સ્કોર 74/2

7 ઓવર પછી કોલકાતા નાઈટ રાઈડર્સનો સ્કોર બે વિકેટે 74 રન છે. વેંકટેશ અય્યર 11 બોલમાં 18 રન બનાવીને રમી રહ્યો છે. તેણે 3 ફોર અને 1 સિક્સ ફટકારી છે. હવે KKRને 78 બોલમાં જીતવા માટે માત્ર 86 રન બનાવવાના છે.

નારાયણ આઉટ

કોલકાતાની બીજી વિકેટ સાતમી ઓવરમાં 67ના સ્કોર પર પડી હતી. સુનીલ નારાયણ 16 બોલમાં 21 રન બનાવીને આઉટ થયો હતો. તે પેટ કમિન્સના હાથે કેચ આઉટ થયો હતો. હવે વેંકટેશ ઐયર સાથે કેપ્ટન શ્રેયસ ઐયર ક્રિઝ પર છે.

પાવરપ્લે સમાપ્ત

6 ઓવર પછી કોલકાતા નાઈટ રાઈડર્સનો સ્કોર એક વિકેટે 63 રન છે. સુનીલ નારાયણ 14 બોલમાં 3 ચોગ્ગાની મદદથી 17 રન બનાવીને રમતમાં છે. વેંકટેશ ઐયર 8 બોલમાં 3 ચોગ્ગાની મદદથી 12 રન બનાવીને રમી રહ્યો છે. KKRને હવે 84 બોલમાં જીતવા માટે માત્ર 97 રન બનાવવાના છે.

કોલકાતાનો સ્કોર 57/1

5 ઓવર પછી કોલકાતા નાઈટ રાઈડર્સનો સ્કોર એક વિકેટે 57 રન છે. સુનીલ નારાયણ 8 બોલમાં 3 ચોગ્ગાની મદદથી 12 રન બનાવીને રમતમાં છે. જ્યારે વેંકટેશ ઐયર 8 બોલમાં બે ચોગ્ગા સાથે 12 રન બનાવીને રમતમાં છે. KKRને હવે 90 બોલમાં જીતવા માટે માત્ર 103 રન બનાવવાના છે.

કોલકાતાનો સ્કોર 49/1

4 ઓવર પછી કોલકાતા નાઈટ રાઈડર્સનો સ્કોર એક વિકેટે 49 રન છે. સુનીલ નારાયણ 8 બોલમાં બે ચોગ્ગાની મદદથી 12 રન પર છે. જ્યારે વેંકટેશ ઐયર બે બોલમાં 4 રન પર છે.

ગુરબાઝ આઉટ

કોલકાતાની પ્રથમ વિકેટ ચોથી ઓવરમાં 44ના કુલ સ્કોર પર પડી હતી. ટી નટરાજને રહેમાનુલ્લા ગુરબાઝને આઉટ કર્યો. તે 13 બોલમાં 23 રન બનાવીને આઉટ થયો હતો. તેના બેટમાંથી બે ચોગ્ગા અને બે છગ્ગા આવ્યા હતા.

3 ઓવર સમાપ્ત

ભુવનેશ્વર કુમારે ત્રીજી ઓવરમાં 18 રન આપ્યા હતા. 3 ઓવર પછી કોલકાતાનો સ્કોર કોઈ વિકેટ વિના 44 રન છે. રહેમાનુલ્લા ગુરબાઝ 12 બોલમાં 23 રન બનાવીને રમી રહ્યો છે. તેણે બે ચોગ્ગા અને બે છગ્ગા ફટકાર્યા છે. સુનીલ નારાયણ 6 બોલમાં 12 રન બનાવીને રમતમાં છે.

કમિંસની ઓવરમાં આવ્યા 20 રન

પેટ કમિન્સે બીજી ઓવર નાખી. આ ઓવરમાં કુલ 20 રન આવ્યા હતા. બે ઓવર પછી કોલકાતાનો સ્કોર કોઈ વિકેટ વિના 26 રન છે. રહેમાનુલ્લા ગુરબાઝ 9 બોલમાં 12 રન અને સુનીલ નારાયણ 3 બોલમાં 9 રન બનાવીને રમી રહ્યો છે.

પ્રથમ ઓવરમાં 6 રન આવ્યા 

ભુવનેશ્વર કુમાર પહેલી ઓવર નાખવા આવ્યો હતો. રહેમાનુલ્લા ગુરબાઝે ઓવરના બીજા જ બોલ પર શક્તિશાળી ચોગ્ગો ફટકાર્યો હતો. ઓવરમાં માત્ર 6 રન આવ્યા હતા. ગુરબાઝે 6 બોલમાં 6 રન બનાવ્યા છે. નરેને હજુ સુધી કોઈ બોલ રમ્યો નથી.

કોલકાતાની ઇનિંગ શરૂ

ફિલ સોલ્ટ કોલકાતા નાઈટ રાઈડર્સ તરફથી નથી રમી રહ્યો. સુનીલ નારાયણ અને રહેમાનુલ્લા ગુરબાઝ ઓપનિંગ કરવા માટે ક્રીઝ પર આવ્યા છે. ભુવનેશ્વર કુમાર પહેલી ઓવર નાખવા આવ્યો છે.

હૈદરાબાદ ઓલઆઉટ

ટોસ જીતીને પ્રથમ બેટિંગ કરવાનો નિર્ણય લીધા બાદ સનરાઈઝર્સ હૈદરાબાદ 19.3 ઓવરમાં 159 રનમાં ઓલઆઉટ થઈ ગઈ હતી. ખુદ હૈદરાબાદની શરૂઆત ખૂબ જ ખરાબ રહી હતી. ટ્રેવિસ હેડ 00, અભિષેક શર્મા 03 અને નીતિશ રેડ્ડી 9 રન બનાવીને આઉટ થયા હતા. ત્યારબાદ શાહબાઝ અહેમદ પણ શૂન્ય પર આઉટ થયો હતો. 39 રનમાં 4 વિકેટ પડી ગયા બાદ રાહુલ ત્રિપાઠીના 35 બોલમાં 55 રન અને હેનરિક ક્લાસેનના 21 બોલમાં 32 રનની મદદથી ઈનિંગ્સને સંભાળી લીધી હતી, પરંતુ અંતે સનરાઈઝર્સ ફરી નિષ્ફળ ગઈ હતી. 126 રનમાં 9 વિકેટ પડી હતી, ત્યારબાદ પેટ કમિન્સે લીડ લીધી હતી અને 24 બોલમાં 30 રન બનાવીને સ્કોરને 150થી આગળ લઈ ગયો હતો.

19 ઓવર સમાપ્ત

19 ઓવરની રમત સમાપ્ત થઇ ગઇ છે. હૈદરાબાદે 9 વિકેટે 156 રન બનાવી લીધા છે. પેટ કમિન્સ 22 બોલમાં 30 રન તથા વિજયકાંત 4 રન બનાવીને રમી રહ્યો છે. 

હૈદરાબાદનો સ્કોર 133/9

17 ઓવર પછી સનરાઇઝર્સ હૈદરાબાદનો સ્કોર 9 વિકેટે 133 રન છે. પેટ કમિન્સ 13 બોલમાં એક ચોગ્ગાની મદદથી 10 રન બનાવીને સ્કોર 150થી આગળ લઈ જવા ઈચ્છે છે. તેમજ વ્યાસકાંથ એક રન પર છે.

ભુવનેશ્વર આઉટ

સ્પિનર ​​વરુણ ચક્રવર્તીએ ભુવનેશ્વર કુમારને LBW આઉટ કરીને સનરાઇઝર્સ હૈદરાબાદને નવમો ઝટકો આપ્યો હતો. ભુવનેશ્વર 4 બોલમાં ખાતું ખોલાવ્યા વિના આઉટ થઈ ગયો હતો. હવે વિજયકાંત વ્યાસકાંત કેપ્ટન પેટ કમિન્સને સપોર્ટ કરવા ક્રિઝ પર આવ્યો છે.

સમદ આઉટ

ફાસ્ટ બોલર હર્ષિત રાણાએ અબ્દુલ સમદને આઉટ કરીને સનરાઈઝર્સ હૈદરાબાદને આઠમો ઝટકો આપ્યો હતો. સમદ 12 બોલમાં 16 રન બનાવીને આઉટ થયો હતો. હૈદરાબાદનો દાવ સંપૂર્ણપણે ખોરવાઈ ગયો છે અને ટીમે 15 ઓવરના અંતે 125 રનમાં 8 વિકેટ ગુમાવી દીધી છે. ભુવનેશ્વર કુમાર કેપ્ટન પેટ કમિન્સ સાથે ક્રિઝ પર હાજર છે.

સનવીર સિંહ આઉટ

હૈદરાબાદે 14મી ઓવરમાં બે વિકેટ ગુમાવી દીધી હતી. પહેલા રાહુલ ત્રિપાઠી રનઆઉટ થયો અને પછીના જ બોલ પર સુનીલ નારાયણે સનવીર સિંહને બોલ્ડ કર્યો, જે ઈમ્પેક્ટ પ્લેયર તરીકે આવ્યો હતો. હૈદરાબાદે 121 રનમાં 7 વિકેટ ગુમાવી દીધી છે.

ત્રિપાઠી આઉટ

સનરાઇઝર્સ હૈદરાબાદે 14મી ઓવરમાં 121ના કુલ સ્કોર પર છઠ્ઠી વિકેટ ગુમાવી હતી. શાનદાર બેટિંગ કરી રહેલા રાહુલ ત્રિપાઠી રન આઉટ થયો હતો. તે 35 બોલમાં 55 રન બનાવીને પેવેલિયન પરત ફર્યો હતો. તેના બેટમાંથી 7 ચોગ્ગા અને એક છગ્ગો આવ્યો હતો. હવે સનવીર સિંહ ઈમ્પેક્ટ પ્લેયર તરીકે આવ્યો છે.

13 ઓવર સમાપ્ત

વરુણ ચક્રવર્તીએ 13મી ઓવરમાં માત્ર 5 રન આપ્યા હતા. હવે સનરાઇઝર્સ હૈદરાબાદનો સ્કોર 5 વિકેટે 115 રન છે. રાહુલ ત્રિપાઠી 35 બોલમાં 55 રન બનાવીને રમી રહ્યો છે. તેણે 7 ફોર અને એક સિક્સર ફટકારી છે. આ સાથે અબ્દુલ સમદ 7 બોલમાં એક છગ્ગા સાથે 9 રન પર છે.

હેનરિક ક્લાસેન આઉટ

11મી ઓવરમાં વરુણ ચક્રવર્તીએ સનરાઇઝર્સ હૈદરાબાદને પાંચમો ઝટકો આપ્યો હતો. હેનરિક ક્લાસેન સિક્સર મારવાના પ્રયાસમાં બાઉન્ડ્રી પર કેચ આઉટ થયો હતો. તે 21 બોલમાં 32 રન બનાવીને પેવેલિયન પરત ફર્યો હતો. બીજા છેડે રાહુલ ત્રિપાઠી 31 બોલમાં 52 રન બનાવીને રમી રહ્યો છે.

હૈદરાબાદનો સ્કોર 92-4

10 ઓવર પછી સનરાઇઝર્સ હૈદરાબાદનો સ્કોર 4 વિકેટે 92 રન છે. રાહુલ ત્રિપાઠી 26 બોલમાં 45 રન બનાવીને રમતમાં છે. તેણે 6 ફોર અને એક સિક્સર ફટકારી છે. જ્યારે હેનરિક ક્લાસેન 18 બોલમાં 30 રન બનાવીને રમી રહ્યો છે. ક્લાસેને 3 ફોર અને એક સિક્સર ફટકારી છે.

9 ઓવર સમાપ્ત

સુનીલ નારાયણે 9મી ઓવર નાખી. આ ઓવરમાં કુલ 18 રન આવ્યા હતા. ક્લાસેને એક સિક્સર અને એક ફોર ફટકારી હતી. ત્રિપાઠીએ પણ ચોગ્ગો માર્યો હતો. 9 ઓવર પછી હૈદરાબાદનો સ્કોર 4 વિકેટે 80 રન છે.

હૈદરાબાદનો સ્કોર 62-4

8 ઓવર પછી સનરાઇઝર્સ હૈદરાબાદનો સ્કોર 4 વિકેટે 62 રન છે. હર્ષિત રાણાએ આઠમી ઓવરમાં 12 રન આપ્યા હતા. રાહુલ ત્રિપાઠીએ રાણા પર શાનદાર સિક્સર ફટકારી હતી. રાહુલ ત્રિપાઠી 21 બોલમાં 34 રન બનાવીને રમી રહ્યો છે. તેણે 4 ફોર અને 1 સિક્સ ફટકારી છે. જ્યારે હેનરિક ક્લાસેન 11 બોલમાં એક ચોગ્ગા સાથે 11 રન બનાવીને રમી રહ્યો છે.

હૈદરાબાદનો સ્કોર 50-4

7 ઓવર પછી સનરાઇઝર્સ હૈદરાબાદનો સ્કોર 4 વિકેટે 50 રન છે. સુનીલ નારાયણે સાતમી ઓવરમાં માત્ર 5 રન આપ્યા હતા. રાહુલ ત્રિપાઠી અને હેનરિક ક્લાસેન ક્રિઝ પર છે. ત્રિપાઠી 18 બોલમાં ચાર ચોગ્ગાની મદદથી 26 રન અને ક્લાસેન 8 બોલમાં 8 રન બનાવીને રમતમાં છે.

હૈદરાબાદનો સ્કોર 45-4

સનરાઇઝર્સ હૈદરાબાદનો સ્કોર 6 ઓવરમાં 4 વિકેટે 45 રન છે. મિચેલ સ્ટાર્કે 3 ઓવરમાં 22 રન આપીને 3 વિકેટ લીધી છે. હવે રાહુલ ત્રિપાઠી અને હેનરિક ક્લાસેન ક્રિઝ પર છે. ત્રિપાઠી 16 બોલમાં 24 રન અને ક્લાસેન 4 બોલમાં 5 રન બનાવીને રમતમાં છે.

શાહબાઝ આઉટ

સ્ટાર્કે આ મેચમાં તેની ત્રીજી વિકેટ લીધી અને શાહબાઝ અહેમદને બોલ્ડ આઉટ કર્યો. શાહબાઝ અહેમદ ખાતું ખોલાવ્યા વિના જ આઉટ થયો હતો. પાંચમી ઓવરના અંત સુધીમાં હૈદરાબાદનો સ્કોર 39 રન હતો અને ટીમે ચાર વિકેટ ગુમાવી દીધી હતી.

નીતિશ રેડ્ડી આઉટ

મિચેલ સ્ટાર્કે પોતાની શાનદાર બોલિંગ કરી અને પાવરપ્લેમાં હૈદરાબાદને વધુ એક ઝટકો આપ્યો. સ્ટાર્કે નીતીશ રેડ્ડીને આઉટ કર્યો જેના કારણે હૈદરાબાદની ઈનિંગ ખોરવાઈ ગઈ.

હૈદરાબાદનો સ્કોર 33-2

વૈભવ અરોરાએ ચોથી ઓવર નાખી. આ ઓવરમાં કુલ 12 રન આવ્યા હતા. હવે 4 ઓવર પછી સનરાઇઝર્સ હૈદરાબાદનો સ્કોર 2 વિકેટે 33 રન છે. રાહુલ ત્રિપાઠી 13 બોલમાં 4 ચોગ્ગાની મદદથી 22 રન અને નીતિશ રેડ્ડી 6 બોલમાં 4 રન બનાવીને રમી રહ્યો છે.

હૈદરાબાદનો સ્કોર 21-2

3 ઓવર પછી સનરાઇઝર્સ હૈદરાબાદનો સ્કોર બે વિકેટે 21 રન છે. રાહુલ ત્રિપાઠી આઠ બોલમાં 15 રન બનાવીને રમતમાં છે. તેણે 3 ચોગ્ગા ફટકાર્યા છે. નીતિશ કુમાર રેડ્ડી તેમની સાથે છે. તે ચાર બોલમાં એક રન પર છે.

અભિષેક આઉટ

હૈદરાબાદના અભિષેક શર્માને આઉટ કરીને વૈભવ અરોરાએ KKRને બીજી સફળતા અપાવી હતી. અભિષેક 4 બોલમાં 3 રન બનાવીને આઉટ થયો હતો. પ્રથમ બેટિંગ કરતા હૈદરાબાદની શરૂઆત સારી રહી ન હતી અને ટીમે બે ઓવરના અંતે બે વિકેટ ગુમાવી દીધી હતી. હાલ નીતીશ રેડ્ડી રાહુલ ત્રિપાઠી સાથે ક્રિઝ પર હાજર છે.

પ્રથમ ઓવર સમાપ્ત

હૈદરાબાદે બીજા બોલ પર વિકેટ ગુમાવ્યા બાદ રાહુલ ત્રિપાઠીએ 2 ફોર ફટકાર્યા હતા. 1 ઓવર બાદ હૈદરાબાદનો સ્કોર 1 વિકેટે 8 રન છે. 

હેડ આઉટ

હૈદરાબાદને ઇનિંગના બીજા બોલે જ મોટો ઝટકો લાગ્યો છે. મિચેલ સ્ટાર્કના બોલ પર ટ્રેવિસ હેડ ક્લિન બોલ્ડ થયો છે. હવે અભિષેક શર્માને સાથ આપવા રાહુલ ત્રિપાઠી આવ્યો છે. 

હૈદરાબાદની ઇનિંગ શરૂ

હૈદરાબાદની ઇનિંગ શરૂ થઇ ગઇ છે. ટ્રેવિસ હેડ અને અભિષેક શર્મા ક્રિઝ પર આવ્યા છે. કોલકાતા તરફથી મિચેલ સ્ટાર્ક પ્રથમ ઓવર નાખશે.

કોલકાતા નાઈટ રાઈડર્સની પ્લેઈંગ ઈલેવન: રહેમાનુલ્લા ગુરબાઝ (wk), સુનીલ નારાયણ, વેંકટેશ ઐયર, શ્રેયસ ઐયર (c), રિંકુ સિંહ, આન્દ્રે રસેલ, રમનદીપ સિંહ, મિચેલ સ્ટાર્ક, વૈભવ અરોરા, હર્ષિત રાણા, વરુણ ચક્રવર્તી.

ઇમ્પેક્ટ પ્લેયર્સ: અનુકુલ રોય, મનીષ પાંડે, નીતિશ રાણા, કેએસ ભરત, શેરફાઈન રધરફોર્ડ

સનરાઈઝર્સ હૈદરાબાદની પ્લેઈંગ ઈલેવન: ટ્રેવિસ હેડ, અભિષેક શર્મા, રાહુલ ત્રિપાઠી, નીતીશ રેડ્ડી, હેનરિક ક્લાસેન (wk), અબ્દુલ સમદ, શાહબાઝ અહેમદ, પેટ કમિન્સ (c), ભુવનેશ્વર કુમાર, વિજયકાંત વ્યાસકાંત, ટી નટરાજન

ઇમ્પેક્ટ પ્લેયર્સ: સનવીર સિંહ, ઉમરાન મલિક, ગ્લેન ફિલિપ્સ, વોશિંગ્ટન સુંદર, જયદેવ ઉનડકટ

હૈદરાબાદે ટોસ જીત્યો

કોલકાતા નાઈટ રાઈડર્સ સામે સનરાઈઝર્સ હૈદરાબાદના કેપ્ટન પેટ કમિન્સે ટોસ જીતીને પ્રથમ બેટિંગ કરવાનો નિર્ણય લીધો છે. હૈદરાબાદે આ મહત્વપૂર્ણ મેચ માટે પ્લેઈંગ-11માં કોઈ ફેરફાર કર્યો નથી અને પંજાબ કિંગ્સ સામે રમાયેલી છેલ્લી મેચની એ જ ટીમને જાળવી રાખી છે.