- RCBએ ચેન્નાઈ સુપર કિંગ્સને 27 રને હરાવ્યું
- આ જીત સાથે RCBની પ્લેઓફમાં એન્ટ્રી
- મેક્સવેલ RCB માટે એક્સ ફેક્ટર સાબિત થયો
IPL 2024ની મહત્વપૂર્ણ મેચમાં રોયલ ચેલેન્જર્સ બેંગ્લોરે ચેન્નાઈ સુપર કિંગ્સને 27 રને હરાવીને પ્લેઓફમાં પોતાનું સ્થાન નિશ્ચિત કરી લીધું છે. આ મેચમાં RCBની બેટિંગ શાનદાર રહી હતી. કેપ્ટન ફાફ ડુ પ્લેસિસ, વિરાટ કોહલી, રજત પાટીદાર અને કેમેરોન ગ્રીને શાનદાર બેટિંગ કરી હતી. આ સિવાય યશ દયાલે છેલ્લી ઓવરમાં શાનદાર બોલિંગ કરીને ટીમને જીત અપાવવામાં જે રીતે મહત્વની ભૂમિકા ભજવી હતી તેને ચાહકો હંમેશા યાદ રાખશે. બીજી તરફ, એક અન્ય ખેલાડી છે જે આ મેચમાં RCB માટે એક્સ ફેક્ટર સાબિત થયો છે. જેની વધારે ચર્ચા થઈ રહી નથી.
આ મહત્વપૂર્ણ મેચમાં પ્રથમ બેટિંગ કરતા RCBએ 20 ઓવરમાં 5 વિકેટ ગુમાવીને 218 રન બનાવ્યા હતા. આરસીબી તરફથી બેટિંગ કરતા ફાફ ડુ પ્લેસીસે 54 રન, વિરાટ કોહલીએ 47 રન, રજત પાટીદારે 41 રન બનાવ્યા હતા. આ સિવાય કેમરૂન ગ્રીને 38 રનની અણનમ ઇનિંગ રમી હતી.
