- દિલ્હી અને રાજસ્થાનની મેચમાં સંજુની વિકેટ અંગે વિવાદ
- સંજુ ફિલ્ડ અમ્પાયર સાથે દલીલ કરતો જોવા મળ્યો હતો
- BCCIએ સંજુ સેમસન પર મેચ ફીના 30 ટકાનો દંડ ફટકાર્યો
IPL 2024માં 56મી મેચ દિલ્હી કેપિટલ્સ અને રાજસ્થાન રોયલ્સ વચ્ચે રમાઈ હતી. આ મેચ બાદ સંજુ સેમસન ખૂબ જ ચર્ચામાં છે. વાસ્તવમાં મેચ દરમિયાન સંજુની વિકેટ ખૂબ જ આશ્ચર્યજનક હતી. સેમસને પોતે આ અંગે નારાજગી વ્યક્ત કરી હતી. જે બાદ સંજુ ફિલ્ડ અમ્પાયર સાથે દલીલ કરતો જોવા મળ્યો હતો. જેની સજા હવે BCCI દ્વારા સંજુ સેમસનને આપવામાં આવી છે. BCCIએ સંજુ સેમસન પર મેચ ફીના 30 ટકાનો દંડ ફટકાર્યો છે.
BCCIએ નિવેદન જાહેર કર્યું
સંજુને સજા સંભળાવતી વખતે BCCIએ એક નિવેદન જારી કરીને લખ્યું કે રાજસ્થાન રોયલ્સના કેપ્ટન સંજુ સેમસને અરુણ જેટલી સ્ટેડિયમમાં દિલ્હી કેપિટલ્સ સાથે રમાયેલી મેચમાં IPL આચાર સંહિતાનું ઉલ્લંઘન કર્યું છે. જેના કારણે સંજુને મેચ ફીના 30 ટકા દંડ ફટકારવામાં આવ્યો છે. સંજુએ IPL આચાર સંહિતાની કલમ 2.8નું ઉલ્લંઘન કર્યું છે. સંજુએ પણ પોતાનો ગુનો સ્વીકારી લીધો છે. આ મામલે મેચ રેફરીનો નિર્ણય અંતિમ છે.
આઉટ થયા બાદ સંજુએ દલીલ કરી હતી
વાસ્તવમાં આ મેચમાં સંજુ સેમસનની વિકેટને લઈને ઘણો વિવાદ થયો હતો. જેના કારણે સોશિયલ મીડિયા પર ચાહકોએ થર્ડ અમ્પાયરના નિર્ણય પર સવાલો ઉઠાવ્યા છે. મેચ દરમિયાન જ્યારે મુકેશ કુમાર દિલ્હી માટે 16મી ઓવર ફેંકી રહ્યા હતા ત્યારે આ ઓવરમાં સંજુ આઉટ થયો હતો. સંજુને લોંગ ઓન પર શાઈ હોપના હાથે કેચ થયો, જેના કારણે ચાહકોનું માનવું છે કે હોપનો પગ બાઉન્ડ્રીને સ્પર્શી ગયો હતો પરંતુ થર્ડ અમ્પાયરે તેને નોટઆઉટને બદલે આઉટ જાહેર કર્યો હતો. જે બાદ સંજુ સેમસને ફિલ્ડ અમ્પાયર સાથે થોડી દલીલ કરી હતી. હવે કેપ્ટને આનું પરિણામ ભોગવવું પડશે.
