- ગુજરાત ટાઇટન્સ અને પંજાબ કિંગ્સ વચ્ચે મેચ
- અમદાવાદના નરેન્દ્ર મોદી સ્ટેડિયમમાં રમાઇ મેચ
- બંને ટીમો અત્યાર સુધીમાં 3-3 મેચ રમી ચૂકી છે
GT vs PBKS ઇન્ડિયન પ્રીમિયર લીગ 2024: IPL 2024 ની 17મી મેચ ગુજરાત ટાઇટન્સ અને પંજાબ કિંગ્સ વચ્ચે નરેન્દ્ર મોદી સ્ટેડિયમ, અમદાવાદ ખાતે રમાઈ હતી. પ્રથમ બેટિંગ કરતા ગુજરાતે 199 રન બનાવ્યા હતા. જવાબમાં પંજાબે 19.5 ઓવરમાં સાત વિકેટ ગુમાવીને લક્ષ્યાંક હાંસલ કરી લીધો હતો. આ સાથે પંજાબની 3 વિકેટે જીત થઇ છે.
પંજાબની ઇનિંગ
IPLમાં 200+ લક્ષ્યોનો સૌથી સફળ પીછો
- પંજાબ કિંગ્સ દ્વારા - 6
- મુંબઈ ઈન્ડિયન્સ દ્વારા - 5
- કોલકાતા નાઈટ રાઈડર્સ અને ચેન્નાઈ સુપર કિંગ્સ દ્વારા - 3
શશાંક સિંઘે 29 બોલમાં 6 ચોગ્ગા અને 4 છગ્ગાની મદદથી 61 રનની અણનમ ઈનિંગ રમીને પંજાબ કિંગ્સને ગુજરાત ટાઇટન્સ સામે જીત અપાવી હતી. IPLની વર્તમાન સિઝનમાં પંજાબની 4 મેચમાં આ બીજી જીત છે. પંજાબને અગાઉ બે મેચમાં હારનો સામનો કરવો પડ્યો હતો, પરંતુ ટીમે પ્રતિકૂળ સંજોગોને પાર કરીને ગુજરાતને તેના હોમગ્રાઉન્ડ પર હરાવ્યું હતું. ગુજરાતે પ્રથમ બેટિંગ કરતા કેપ્ટન શુભમન ગિલના 48 બોલમાં 6 ચોગ્ગા અને 4 છગ્ગાની મદદથી અણનમ 89 રનની મદદથી ચાર વિકેટે 199 રન બનાવ્યા હતા. લક્ષ્યાંકનો પીછો કરતી વખતે પંજાબ કિંગ્સની શરૂઆત સારી રહી ન હતી, પરંતુ ઈમ્પેક્ટ સબ તરીકે મેદાનમાં ઉતરેલા શશાંક અને આશુતોષ શર્માએ ટીમને મેચમાં પાછી લાવી હતી. આ બે બેટ્સમેનોની મદદથી પંજાબે એક બોલ બાકી રહેતા 7 વિકેટે 200 રન બનાવીને જીત નોંધાવી હતી. પંજાબે આ સિઝનનો સૌથી મોટો ટાર્ગેટ સફળતાપૂર્વક હાંસલ કર્યો હતો.
આશુતોષ આઉટ: આશુતોષ 31 રનના અંગત સ્કોર પર દર્શન નલકાંડે દ્વારા આઉટ થયો, પંજાબને છઠ્ઠો ફટકો લાગ્યો, જીતવા માટે 5 બોલમાં 7 રનની જરૂર હતી.
19 ઓવર સમાપ્ત: પંજાબ કિંગ્સનો સ્કોર 19 ઓવરમાં 6 વિકેટે 193 રન છે. હવે પંજાબને જીતવા માટે છેલ્લી ઓવરમાં માત્ર 7 રન બનાવવાના છે. શશાંક સિંહ 57 અને આશુતોષ શર્મા 31 રને રમતમાં છે. બંનેએ ચમત્કાર કર્યો છે. બંને વચ્ચે 43 રનની ભાગીદારી છે.
શશાંકની ફિફ્ટી: પંજાબ કિંગ્સના બેટ્સમેન શશાંક સિંહે શાનદાર બેટિંગ કરી હતી અને ગુજરાત ટાઇટન્સ સામે અડધી સદી ફટકારી હતી. શશાંકની આઈપીએલ કારકિર્દીની આ પ્રથમ ફિફ્ટી છે. શશાંક 25 બોલમાં 50 રન બનાવીને રમી રહ્યો છે. ઈમ્પેક્ટ પ્લેયર તરીકે તેની સાથે આવેલા આશુતોષ શર્મા 12 બોલમાં 22 રન બનાવ્યા બાદ હાજર છે. પંજાબે હવે 12 બોલમાં 25 રન બનાવવાના છે.
17 ઓવર સમાપ્ત: મોહિત શર્માએ 17મી ઓવર નાખી. આ ઓવરમાં કુલ 6 રન આવ્યા હતા. હવે પંજાબ કિંગ્સે જીતવા માટે 18 બોલમાં 41 રન બનાવવાના છે. શશાંક સિંહ 24 બોલમાં 49 રન બનાવીને રમતમાં છે. જ્યારે આશુતોષ શર્મા 7 બોલમાં 7 રન પર છે. પંજાબનો સ્કોર 17 ઓવરમાં 6 વિકેટે 159 રન છે.
જિતેશ આઉટ: 16મી ઓવરમાં રાશિદ ખાનને બે બોલમાં સતત બે સિક્સર ફટકાર્યા બાદ ત્રીજા બોલ પર જિતેશ શર્મા કેચ આઉટ થયો હતો. તે 8 બોલમાં 16 રન બનાવીને આઉટ થયો હતો. રાશિદની આ ચોથી ઓવર છે. પંજાબનો સ્કોર 15.3 ઓવરમાં 150 રન સુધી પહોંચી ગયો છે. હવે તેમને જીતવા માટે 27 બોલમાં 50 રન બનાવવા પડશે.
14 ઓવર સમાપ્ત: 14 ઓવર પછી પંજાબ કિંગ્સનો સ્કોર 5 વિકેટે 131 રન છે. શશાંક સિંહ 18 બોલમાં 42 રન સુધી પહોંચી ગયો છે. અત્યાર સુધીમાં તેણે 4 ચોગ્ગા અને 3 છગ્ગા ફટકાર્યા છે. પંજાબને જીતવા માટે 36 બોલમાં 69 રન બનાવવાના છે.
13 ઓવર સમાપ્ત: 13 ઓવર પછી પંજાબ કિંગ્સનો સ્કોર 5 વિકેટે 119 રન છે. પંજાબને હવે 42 બોલમાં 81 રન બનાવવાના છે. શશાંક સિંહ 33 અને જીતેશ શર્મા એક રન પર છે.
રઝા આઉટ: 1પંજાબ કિંગ્સની વિકેટો પડવાની ચાલુ છે અને હવે સિકંદર રઝા પણ આઉટ થઈ ગયો છે. પંજાબની આ 5મી વિકેટ છે. સિકંદર રઝાને ફાસ્ટ બોલર મોહિત શર્માએ આઉટ કર્યો હતો. રઝા 16 બોલમાં 15 રન બનાવીને પેવેલિયન પરત ફર્યો હતો. હાલમાં શશાંક સિંહ 11 બોલમાં 26 રન બનાવીને ક્રિઝ પર હાજર છે અને વિકેટકીપર બેટ્સમેન જીતેશ શર્મા એક રન બનાવ્યા બાદ ક્રિઝ પર હાજર છે. પંજાબે 111 રનમાં 5મી વિકેટ ગુમાવી હતી.
12 ઓવર સમાપ્ત: શશાંક સિંહ માત્ર 10 બોલમાં 25 રન સુધી પહોંચી ગયો છે. તેણે 3 ફોર અને 2 સિક્સર ફટકારી છે. બીજા છેડે સિકંદર રઝા 15 બોલમાં 15 રન બનાવીને રમતમાં છે. હવે પંજાબનો સ્કોર 12 ઓવરમાં 4 વિકેટે 110 રન છે.
11 ઓવર સમાપ્ત: છઠ્ઠા નંબર પર બેટિંગ કરવા આવેલા શશાંક સિંહે ઉમેશ યાદવને ધોઇ નાખ્યો. 11મી ઓવરમાં કુલ 17 રન આવ્યા હતા. શશાંકે ઉમેશ પર બે ચોગ્ગા અને એક છગ્ગો ફટકાર્યો હતો. પંજાબનો સ્કોર 11 ઓવરમાં 4 વિકેટે 100 રન છે. શશાંક 21 રને અને રઝા 10 રને રમી રહ્યા છે.
10 ઓવર સમાપ્ત: 10 ઓવર પછી પંજાબ કિંગ્સનો સ્કોર 4 વિકેટે 83 રન છે. સિકંદર રઝા 7 રને અને શશાંક સિંઘ 7 રને રમી રહ્યાં છે. પંજાબને હવે 60 બોલમાં જીતવા માટે 117 રન બનાવવાના છે.
સેમ આઉટ: ગુજરાત ટાઇટન્સ સામે મોટા સ્કોરનો પીછો કરતી વખતે પંજાબના બેટ્સમેનો નિષ્ફળ સાબિત થઈ રહ્યા છે. પંજાબે માત્ર 71 રનમાં પોતાની 4 વિકેટ ગુમાવી દીધી હતી. સેમ કરનના રૂપમાં ટીમને ચોથો ફટકો લાગ્યો છે. અઝમતુલ્લાએ કરણને પેવેલિયન મોકલ્યો હતો. કરણે 8 બોલમાં 5 રન બનાવ્યા હતા. પંજાબ માટે સિકંદર રઝા 5 બોલમાં 3 રન બનાવ્યા બાદ ક્રિઝ પર હાજર છે અને શશાંક સિંહ એક બોલમાં એક રન બનાવીને ક્રિઝ પર હાજર છે.
પ્રભસિમરન આઉટ: ગુજરાત ટાઇટન્સ સામે 200 રનના લક્ષ્યાંકનો પીછો કરતી વખતે પંજાબ કિંગ્સ બેકફૂટ પર ધકેલાયું છે. માત્ર 64 રનના સ્કોર પર ટીમે 3 વિકેટ ગુમાવી દીધી છે. કેપ્ટન શિખર ધવન અને જોની બેરસ્ટો બાદ હવે પ્રભસિમરન સિંહ પણ પેવેલિયન પરત ફર્યો છે. નૂર અહેમદે પ્રભસિમરનને મોહિત શર્માના હાથે કેચ કરાવીને પેવેલિયનનો રસ્તો બતાવ્યો હતો.
7 ઓવર સમાપ્ત: 7 ઓવર પછી પંજાબ કિંગ્સનો સ્કોર 2 વિકેટે 61 રન છે. પ્રભસિમરન સિંહ શાનદાર બેટિંગ કરી રહ્યો છે. તે 23 બોલમાં 35 રન પર છે. તેની સાથે સેમ કરન બે રન પર છે.
બેયરસ્ટો આઉટ: નૂરે એ કરી બતાવ્યું જે રાશિદ ન કરી શક્યો. નૂર અહેમદે તેના પહેલા બોલ પર જોની બેયરસ્ટોને બોલ્ડ કર્યો હતો. બેયરસ્ટો 13 બોલમાં 22 રન બનાવીને આઉટ થયો હતો. પંજાબે છઠ્ઠી ઓવરના પ્રથમ બોલ પર 48 રનમાં બીજી વિકેટ ગુમાવી હતી. ગુજરાત ટાઇટન્સે આપેલા 200 રનના ટાર્ગેટનો પીછો કરતી વખતે પંજાબ કિંગ્સની શરૂઆત સારી રહી ન હતી. કેપ્ટન શિખર ધવન બાદ ટીમે જોની બેયરસ્ટોની વિકેટ પણ ગુમાવી છે. 13 બોલમાં 4 ચોગ્ગાની મદદથી 22 રન બનાવનાર બેયરસ્ટોને નૂર અહેમદે આઉટ કર્યો હતો. હાલમાં પ્રભસિમરન સિંહ 17 બોલમાં 24 રન અને સેમ કરન એક રન બનાવીને ક્રિઝ પર હાજર છે.
5 ઓવર સમાપ્ત: પંજાબ કિંગ્સના બેટ્સમેન ઝડપથી રન બનાવી રહ્યા છે. સ્કોર 5 ઓવરમાં એક વિકેટે 48 રન થઈ ગયો છે. જોની બેરસ્ટો 12 બોલમાં 4 ચોગ્ગાની મદદથી 22 રન અને પ્રભસિમરન સિંહ 16 બોલમાં 3 ચોગ્ગા અને એક છગ્ગાની મદદથી 24 રન બનાવીને રમતમાં છે. બંને વચ્ચે 35 રનની ભાગીદારી થઈ છે.
4 ઓવર સમાપ્ત: પંજાબ કિંગ્સના બેટ્સમેન ઝડપથી રન બનાવી રહ્યા છે. સ્કોર 4 ઓવરમાં એક વિકેટે 39 રન થઈ ગયો છે. જોની બેરસ્ટો 10 બોલમાં 20 રન અને પ્રભસિમરન સિંહ 12 બોલમાં 18 રન બનાવીને રમતમાં છે. બેયરસ્ટોએ 4 ચોગ્ગા ફટકાર્યા છે. અત્યાર સુધી પ્રભાસિમરનના બેટમાંથી બે ચોગ્ગા અને એક છગ્ગા આવી ચૂક્યા છે.
3 ઓવર સમાપ્ત: 3 ઓવર પછી પંજાબ કિંગ્સનો સ્કોર એક વિકેટે 27 રન છે. જોની બેરસ્ટો 9 બોલમાં 19 રન અને પ્રભસિમરન સિંહ 7 બોલમાં 7 રન બનાવીને રમતમાં છે. પંજાબને હવે જીતવા માટે 102 બોલમાં 173 રન બનાવવાના છે. બેયરસ્ટોએ 4 ચોગ્ગા અને પ્રભસિમરને 1 ચોગ્ગો ફટકાર્યો છે.
2 ઓવર સમાપ્ત: 2 ઓવર પછી પંજાબનો સ્કોર એક વિકેટે 19 રન છે. જોની બેરસ્ટો 6 બોલમાં 13 રન અને પ્રભસિમરન સિંહ 4 બોલમાં 5 રન બનાવીને રમતમાં છે. પંજાબને હવે જીતવા માટે 108 બોલમાં 181 રન બનાવવાના છે.
ધવન આઉટ: ઉમેશ યાદવે બીજી ઓવરના પહેલા જ બોલ પર શિખર ધવનને આઉટ કર્યો હતો. ધવન બે બોલમાં એક રન બનાવીને આઉટ થયો હતો. ધવનનું આઉટ થવું પંજાબ માટે મોટો ફટકો છે.
અઝમતુલ્લા ઉમરઝાઈએ પ્રથમ ઓવર ફેંકી હતી. આ ઓવરમાં 3 ચોગ્ગા લાગ્યા હતા. આ ત્રણેય ચોગ્ગા બેયરસ્ટોના બેટમાંથી આવ્યા હતા. એક ઓવર પછી પંજાબનો સ્કોર કોઈ વિકેટ વિના 13 રન છે.
ગુજરાતની ઇનિંગ
ગુજરાત ટાઇટન્સે પંજાબ કિંગ્સ સામે જીતવા માટે 200 રનનો ટાર્ગેટ આપ્યો છે. ગુજરાત માટે કેપ્ટન શુભમન ગિલે 48 બોલમાં 6 ચોગ્ગા અને 4 છગ્ગાની મદદથી 89 રનની અણનમ ઈનિંગ રમી હતી. ગિલ ભલે સદી ચૂકી ગયો, પરંતુ તેણે પોતાના પ્રદર્શનથી ટીમને મોટા સ્કોર સુધી પહોંચાડી હતી.
IPL 2024માં સર્વોચ્ચ વ્યક્તિગત સ્કોર
- 87*એસ ગિલ વિ PBKS, અમદાવાદ
- 85 એસ નારાયણ વિ DC, વાયઝેગ
- 84*આર પરાગ વિ DC, જયપુર
- 83*વી કોહલી વિ KKR, બેંગલુરુ
- 82*એસ સેમસન વિ LSG, જયપુર
19 ઓવર સમાપ્ત: મિસ્ટર ફિનિશર રાહુલ તેવટિયાએ આવતાની સાથે જ પોતાનો જાદુ બતાવ્યો હતો. તે 5 બોલમાં એક ચોગ્ગા અને એક છગ્ગાની મદદથી 14 રન સુધી પહોંચી ગયો છે. બીજા છેડે શુભમન ગિલ 45 બોલમાં 85 રન બનાવીને રમતમાં છે. 19 ઓવર પછી ગુજરાતનો સ્કોર 4 વિકેટે 186 રન છે.
શંકર આઉટ: પંજાબ કિંગ્સના ફાસ્ટ બોલર કગીસો રબાડાએ વિજય શંકરને આઉટ કરીને ગુજરાતને ચોથો ઝટકો આપ્યો હતો. વિજય 10 બોલમાં 8 રન બનાવીને પેવેલિયન પરત ફર્યો હતો. આ મેચમાં રબાડાની આ બીજી વિકેટ છે. ગુજરાતનો કેપ્ટન શુભમન ગિલ જોકે ક્રિઝ પર છે. ગિલે 43 બોલમાં 81 રન બનાવ્યા છે. રાહુલ તેવટિયા તેમની સાથે હાજર છે. ગુજરાતનો સ્કોર 18 ઓવરમાં 4 વિકેટે 166 રન છે.
17 ઓવર સમાપ્ત: 17 ઓવર પછી ગુજરાત ટાઇટન્સનો સ્કોર 3 વિકેટે 153 રન છે. શુભમન ગિલ 39 બોલમાં 69 રન બનાવીને રમી રહ્યો છે. તેણે 5 ફોર અને 3 સિક્સર ફટકારી છે. તેની સાથે વિજય શંકર 9 બોલમાં 8 રન બનાવીને રમી રહ્યો છે. બંને વચ્ચે 19 બોલમાં 31 રનની ભાગીદારી થઈ છે.
16 ઓવર સમાપ્ત: 16 ઓવર પછી ગુજરાત ટાઇટન્સનો સ્કોર 3 વિકેટે 141 રન છે. શુભમન ગિલ 35 બોલમાં 59 રન બનાવીને રમતમાં છે. તેણે 5 ફોર અને 2 સિક્સર ફટકારી છે. તેની સાથે વિજય શંકર 7 બોલમાં 6 રન પર છે.
ગિલની ફિફ્ટી: ગુજરાત ટાઈટન્સના કેપ્ટન શુભમન ગીલે પંજાબ કિંગ્સ સામે શાનદાર પ્રદર્શન કર્યું અને આઈપીએલની આ સિઝનમાં તેની પ્રથમ અડધી સદી ફટકારી. ગિલની કારકિર્દીની આ 19મી ફિફ્ટી છે. પંજાબે ગુજરાતને 3 ઝટકા આપ્યા, પરંતુ ગિલ બીજા છેડેથી ગુજરાતની ઇનિંગ્સને જાળવી રહ્યો છે. ગિલ 32 બોલમાં 55 રન બનાવીને રમી રહ્યો છે, જ્યારે વિજય શંકર 3 રન બનાવીને તેની સાથે ક્રિઝ પર હાજર છે. ગુજરાતનો સ્કોર 15 ઓવરમાં 3 વિકેટે 134 રન છે.
સુદર્શન આઉટ: પંજાબ કિંગ્સ સામે ઝડપી રમતા સાઈ સુદર્શન પેવેલિયન પરત ફર્યો છે. હર્ષલ પટેલે સુદર્શનને પાછળ કેચ કરાવીને આઉટ કર્યો હતો. સુદર્શને 19 બોલમાં 33 રનની ઈનિંગમાં 6 ચોગ્ગા ફટકાર્યા હતા. જોકે અમ્પાયરે સુદર્શનને આઉટ જાહેર કર્યો ન હતો, પરંતુ સુદર્શને ખેલદિલી બતાવીને પેવેલિયનની બહાર જવાનું યોગ્ય માન્યું હતું. હવે 14 ઓવરમાં ગુજરાતનો સ્કોર 3 વિકેટે 123 રન છે.
13 ઓવર સમાપ્ત: કાગિસો રબાડાએ 13મી ઓવર ફેંકી હતી. આ ઓવરમાં એક ચોગ્ગો અને એક છગ્ગા સાથે 14 રન આવ્યા હતા. 13 ઓવર બાદ ગુજરાત ટાઇટન્સનો સ્કોર 2 વિકેટે 119 રન છે. ગિલ 44 અને સુદર્શન 32 રને રમતમાં છે. ગિલ અને સુદર્શન વચ્ચે ત્રીજી વિકેટ માટે 27 બોલમાં 50 રનની ભાગીદારી છે.
12 ઓવર સમાપ્ત: ગુજરાત ટાઇટન્સનો સ્કોર 12 ઓવર બાદ 2 વિકેટે 105 રન છે. શુભમન ગિલ 24 બોલમાં 36 રન બનાવીને રમતમાં છે. જ્યારે સાઈ સુદર્શન 13 બોલમાં 26 રન સુધી પહોંચી ગયો છે. બંને હવે ઝડપથી રન બનાવી રહ્યા છે.
11 ઓવર સમાપ્ત: ગુજરાત ટાઇટન્સનો સ્કોર 11 ઓવર બાદ 2 વિકેટે 91 રન છે. શુભમન ગિલ 21 બોલમાં 31 રન બનાવીને રમી રહ્યો છે. તેણે 3 ફોર અને 1 સિક્સ ફટકારી છે. જ્યારે સાઈ સુદર્શન 10 બોલમાં 17 રન સુધી પહોંચી ગયો છે. તેણે 3 ચોગ્ગા ફટકાર્યા છે.
10 ઓવર સમાપ્ત: ગુજરાત ટાઇટન્સનો સ્કોર 10 ઓવર બાદ 2 વિકેટે 83 રન છે. શુભમન ગિલ 19 બોલમાં 29 રન બનાવીને રમતમાં છે. તેણે 3 ફોર અને 1 સિક્સ ફટકારી છે. જ્યારે સાઈ સુદર્શન 6 બોલમાં 11 રન સુધી પહોંચી ગયો છે. તેણે બે ચોગ્ગા ફટકાર્યા છે.
વિલિયમ્સન આઉટ: ગુજરાત ટાઇટન્સને 9મી ઓવરના ત્રીજા બોલ પર 69 રનના સ્કોર પર બીજો ઝટકો લાગ્યો હતો. કેન વિલિયમસન 22 બોલમાં 4 ચોગ્ગાની મદદથી 26 રન બનાવીને આઉટ થયો હતો. જોકે આ પછી ચોથા નંબરે આવેલા સાઈ સુદર્શને છેલ્લા બોલ પર ચોગ્ગો ફટકાર્યો હતો. તે બે બોલમાં 5 રન પર રમી રહ્યો છે. જ્યારે ગિલ 17 બોલમાં 27 રન બનાવીને રમી રહ્યો છે.
8 ઓવર સમાપ્ત: હર્ષલ પટેલે 8મી ઓવર ફેંકી હતી. આ ઓવરમાં એક ફોર સાથે 8 રન આવ્યા. હવે ગુજરાતનો સ્કોર એક વિકેટે 65 રન છે. વિલિયમસન 19 બોલમાં 3 ચોગ્ગાની મદદથી 22 રન અને ગિલ 16 બોલમાં 1 ચોગ્ગા અને એક છગ્ગાની મદદથી 26 રન બનાવીને રમી રહ્યો છે. બંને વચ્ચે 36 રનની ભાગીદારી થઈ છે.
7 ઓવર સમાપ્ત: 7 ઓવર પછી ગુજરાત ટાઇટન્સનો સ્કોર એક વિકેટે 57 રન છે. આ ઓવરમાં હરપ્રીત બ્રારે માત્ર 5 રન આપ્યા હતા. કેન વિલિયમસન 17 બોલમાં 20 રન અને શુભમન ગિલ 12 બોલમાં 20 રન બનાવીને રમતમાં છે. બંને વચ્ચે 28 રનની ભાગીદારી થઈ છે.
પાવર પ્લે સમાપ્ત: પાવરપ્લે એટલે કે પ્રથમ 6 ઓવર ગુજરાતના નામે હતી. 6 ઓવર પછી ગુજરાત ટાઇટન્સનો સ્કોર એક વિકેટે 52 રન છે. શુભમન ગિલ 10 બોલમાં 19 રન અને કેન વિલિયમસન 13 બોલમાં 16 રન બનાવીને રમતમાં છે. બંને સારી લયમાં છે.
5 ઓવર સમાપ્ત: ગુજરાત ટાઇટન્સની રનની ગતિ થંભી ગઈ છે. 5 ઓવર પછી સ્કોર એક વિકેટે 41 રન છે. શુભમન ગિલ 19 અને કેન વિલિયમસન 8 બોલમાં એક ચોગ્ગા સાથે 6 રન બનાવીને રમતમાં છે. જ્યારે ગિલ અત્યાર સુધીમાં 2 ચોગ્ગા અને એક છગ્ગો ફટકારી ચૂક્યો છે.
4 ઓવર સમાપ્ત: 4 ઓવર પછી ગુજરાત ટાઇટન્સનો સ્કોર એક વિકેટે 35 રન છે. અર્શદીપ સિંહે આ ઓવરમાં માત્ર 5 રન આપ્યા હતા. અર્શદીપે પ્રથમ 5 બોલમાં માત્ર એક રન આપ્યો હતો, પરંતુ છેલ્લા બોલ પર તેને ચોગ્ગો મળ્યો હતો. કેન વિલિયમસન એક રન પર છે. જ્યારે શુભમન ગિલ 8 બોલમાં 18 રન બનાવીને રમી રહ્યો છે.
સાહા આઉટ: ગુજરાત ટાઈટન્સને પંજાબ કિંગ્સ સામે રમાઈ રહેલી મેચમાં રિદ્ધિમાન સાહાના રૂપમાં પહેલો ઝટકો લાગ્યો છે. સાહા 13 બોલમાં 11 રન બનાવીને આઉટ થયો હતો. સાહાને ઝડપી બોલર કગીસો રબાડાએ પોતાનો શિકાર બનાવ્યો હતો. IPLની છેલ્લી 5 ઇનિંગ્સમાં આ ચોથી વખત છે જ્યારે રબાડાએ સાહાને પોતાનો શિકાર બનાવ્યો છે. હવે કેન વિલિયમસન શુભમન ગિલ સાથે ક્રિઝ પર હાજર છે. ગિલ 6 બોલમાં 13 રન બનાવીને રમી રહ્યો છે.
2 ઓવર સમાપ્ત: 2 ઓવર પછી ગુજરાતનો સ્કોર કોઈ વિકેટ વિના 18 રન છે. શુભમન ગિલ 3 બોલમાં એક સિક્સરની મદદથી 8 રન બનાવી રમી રહ્યો છે. જ્યારે રિદ્ધિમાન સાહા 9 બોલમાં 6 રન બનાવીને રમી રહ્યો છે.
1 ઓવર સમાપ્ત: પંજાબ તરફથી હરપ્રીત બ્રારે પ્રથમ ઓવર ફેંકી હતી. આ ઓવરના 5 બોલમાં માત્ર એક રન આવ્યો હતો. ત્યારબાદ શુભમન ગિલે છેલ્લા બોલ પર સિક્સર ફટકારી હતી. એક ઓવર પછી ગુજરાતનો સ્કોર કોઈ વિકેટ વિના 7 રન છે.
પંજાબ કિંગ્સ સામે ગુજરાત ટાઇટન્સનો દાવ શરૂ થયો છે. ગુજરાત તરફથી કેપ્ટન શુભમન ગિલ અને વિકેટકીપર બેટ્સમેન રિદ્ધિમાન સાહા ઓપનિંગ કરવા આવ્યા છે.
હેડ ટુ હેડ રેકોર્ડ
IPLમાં ગુજરાત અને પંજાબ 3 મેચમાં સામસામે આવી ચૂક્યા છે. આ 3 મેચમાં ગુજરાતે 2 મેચ જીતી છે જ્યારે પંજાબે 1 વખત જીત મેળવી છે. ગયા વર્ષે IPLમાં જ્યારે ગુજરાત અને પંજાબ આમને સામને આવ્યા ત્યારે ગુજરાતે 6 વિકેટે જીત મેળવી હતી.
આ રીતે જોઇ શકશો લાઇવ
આ મેચનું લાઈવ સ્ટ્રીમિંગ ભારતમાં Jio સિનેમા એપ પર જોઈ શકાશે. આ સિવાય તમે સંદેશ પર મેચ સંબંધિત સમાચાર, લાઈવ અપડેટ્સ અને રેકોર્ડ્સ પણ વાંચી શકો છો.
બંને ટીમોની પ્લેઈંગ-11
ગુજરાત ટાઇટન્સ- રિદ્ધિમાન સાહા(wk), શુભમન ગિલ(c), સાઈ સુદર્શન, કેન વિલિયમસન, વિજય શંકર, અઝમતુલ્લા ઓમરઝાઈ, રાહુલ તેવટિયા, રાશિદ ખાન, નૂર અહમદ, ઉમેશ યાદવ, દર્શન નલકાંડે
ઇમ્પેક્ટ પ્લેયર્સ: બીઆર શરથ, મોહિત શર્મા, સંદીપ વોરિયર, અભિનવ મનોહર, માનવ સુથાર
પંજાબ કિંગ્સ- શિખર ધવન (c), જોની બેરસ્ટો, જીતેશ શર્મા (wk), પ્રભસિમરન સિંહ, સેમ કરન, શશાંક સિંઘ, સિકંદર રઝા, હરપ્રીત બ્રાર, હર્ષલ પટેલ, કાગીસો રબાડા, અર્શદીપ સિંહ
ઇમ્પેક્ટ પ્લેયર્સ: તનય ત્યાગરાજન, નાથન એલિસ, આસુતોષ શર્મા, રાહુલ ચાહર, વિદ્વથ કાવેરપ્પા
