- IPLમાંથી એક્ઝિટ બાદ કોહલીનો ખાસ મેસેજ
- ફેન્સ માટે ઇન્સ્ટાગ્રામ પર શેર કરી પોસ્ટ
- વિરાટે ફેન્સને દિલની વાત જણાવી
IPL 2024માં રોયલ ચેલેન્જર્સ બેંગ્લોરની સફર પૂરી થઈ ગઈ છે. રાજસ્થાન રોયલ્સે એલિમિનેટરમાં RCBને 4 વિકેટે હરાવ્યું હતું. મેચ બાદ વિરાટ કોહલીએ પોતાના ફેન્સને એક ખાસ સંદેશ આપ્યો છે. વિરાટ કોહલીએ ઈન્સ્ટાગ્રામ પર RCB ખેલાડીઓની તસવીર શેર કરી છે. સાથે જ કેપ્શનમાં તેણે ચાહકોનો આભાર વ્યક્ત કર્યો છે. વિરાટે લખ્યું, 'હંમેશાની જેમ અમને પ્રેમ અને સરાહનાનો અનુભવ કરાવવા માટે તમામ RCB ચાહકોનો ફરી એકવાર આભાર.'
વિરાટે 741 રન બનાવ્યા
વિરાટ કોહલી IPL 2024માં અત્યાર સુધીમાં સૌથી વધુ રન બનાવનાર બેટ્સમેન છે. તેણે આ સિઝનમાં 15 મેચ રમી છે. આ સમયગાળા દરમિયાન તેણે 15 ઇનિંગ્સમાં 61.75ની એવરેજ અને 154.69ની સ્ટ્રાઇક રેટથી 741 રન બનાવ્યા છે. 17મી સિઝનમાં વિરાટે 5 અડધી સદી અને 1 સદી ફટકારી છે. આ સિઝનમાં તેનો સર્વોચ્ચ સ્કોર અણનમ 113 રન હતો. વિરાટ કોહલીને RCB મેચ દરમિયાન પ્રશંસકોનો ઘણો સપોર્ટ મળ્યો. બેંગલુરુ મેચો દરમિયાન મેદાન ઘણીવાર લાલ જર્સીથી ઢંકાયેલું જોવા મળતું હતું.
RCBએ ધમાકેદાર કમબેક
IPL 2024માં રોયલ ચેલેન્જર્સ બેંગ્લોરના પ્રદર્શનની વાત કરીએ તો ટીમે 14માંથી 7 મેચ જીતી હતી. ટીમને 2014માં હારનો સામનો કરવો પડ્યો હતો. 14 પોઈન્ટ સાથે ટીમ પોઈન્ટ ટેબલમાં ચોથા ક્રમે છે. ટીમ તેની પ્રથમ 8 મેચમાંથી માત્ર 1 જીતી હતી. આ પછી RCBએ ધમાકેદાર કમબેર કર્યું. એક સમયે પ્લેઓફની રેસથી દૂર જણાતું બેંગલુરુએ આખરે છેલ્લી 4માં જગ્યા બનાવી લીધી. ટીમે ગ્રુપ સ્ટેજમાં તેની છેલ્લી 6 મેચમાંથી 6માં જીત મેળવી હતી.
