- ગુજરાત ટાઈટન્સને પ્લેઓફની ટિકિટ મેળવવાની આશા
- KKR ટીમ પ્લેઓફમાં પહોંચનારી પ્રથમ ટીમ બની
- GT એ પ્લેઓફ માટે બાકીની 2 મેચ જીતવી પડશે
ગુજરાત ટાઇટન્સ (GT) 13 મેના રોજ અમદાવાદના નરેન્દ્ર મોદી સ્ટેડિયમમાં કોલકાતા નાઇટ રાઇડર્સ (KKR) સામે રમશે. મેચ સાંજે 7.30 કલાકે શરૂ થશે. IPL 2024ની 63મી મેચમાં ગુજરાત ટાઇટન્સનો સામનો કોલકાતા નાઇટ રાઇડર્સ સામે થશે. આ મેચ 13 મેના રોજ અમદાવાદના નરેન્દ્ર મોદી સ્ટેડિયમમાં રમાશે. શ્રેયસ અય્યરની કપ્તાનીવાળી KKR ટીમ પહેલાથી જ IPL 2024 માટે પ્લેઓફની ટિકિટ મેળવી ચૂકી છે. KKR ટીમ પ્લેઓફમાં પહોંચનારી પ્રથમ ટીમ બની ગઈ છે.
GT એ પ્લેઓફ માટે બાકીની 2 મેચ જીતવી પડશે
તેમની 12માંથી 5 મેચ જીત્યા બાદ, GT એ પ્લેઓફ માટે ક્વોલિફાય થવાની રેસમાં રહેવા માટે બાકીની 2 મેચ જીતવી પડશે. શુભમન ગિલની આગેવાની હેઠળની ગુજરાતે તેની છેલ્લી 5 મેચોમાંથી 2 જીતી છે બીજી તરફ, શાહરુખ ખાનની KKR 11 મેના રોજ પ્લેઓફ માટે ક્વોલિફાય થનારી પ્રથમ ટીમ બની હતી. KKR તેની 12 મેચમાંથી 9 જીતી છે અને પોઈન્ટ ટેબલમાં ટોચ પર છે. KKRએ સતત 4 મેચ જીતી છે. આ મેચમાં વિજય શ્રેયસ અય્યરની કેપ્ટનશીપવાળી ટીમને પોઈન્ટ ટેબલમાં ટોચ પર રહેવામાં મદદ કરશે.
હેડ ટુ હેડ રેકોર્ડ
ગુજરાત અને કોલકાતા અત્યાર સુધીમાં એકબીજા સામે 3 IPL મેચ રમી ચૂક્યા છે. જેમાંથી ગુજરાતે 2 તો કેકેઆરે 1 જીત મેળવી છે. કોલકાતા સામે જીટીનો અત્યાર સુધીનો સર્વોચ્ચ સ્કોર 204 છે. ટાઇટન્સ સામે KKRનો સર્વોચ્ચ સ્કોર 207 છે. છેલ્લી વખત આ ટીમો એપ્રિલ 2023માં એકબીજા સામે રમી હતી. ગુજરાતના જોશુઆ લિટલને 4 ઓવરમાં 25 રન આપીને 2 વિકેટ લેવા બદલ પ્લેયર ઓફ ધ મેચનો એવોર્ડ મળ્યો હતો. જીટીએ આ મેચ 7 વિકેટે જીતી લીધી હતી.
પિચ રિપોર્ટ
અમદાવાદની પીચ બેટ્સમેન અને બોલરો બંનેને સમાન તકો પૂરી પાડે છે. આ મેદાન પર રમાયેલી છેલ્લી IPL 2024 મેચ એક ઉચ્ચ સ્કોરિંગ મેચ હતી, જેમાં પ્રથમ બેટિંગ કરીને GTએ 231/3 રન બનાવ્યા હતા અને બંને ઓપનર ગિલ અને સાઈ સુદર્શને સદી ફટકારી હતી. જવાબમાં, ચેન્નાઈ સુપર કિંગ્સ (CSK) 20 ઓવરમાં માત્ર 196/8 રન બનાવી શકી અને મેચ હારી ગઈ.
હવામાન કેવું રહેશે
અમદાવાદમાં તાપમાન 30 ડિગ્રીની આસપાસ રહેશે જ્યારે 31 ડિગ્રી જેવો અનુભવ થશે. તે જ સમયે, ભેજનું સ્તર 44 ટકા આસપાસ રહેશે. આજે અમદાવાદમાં વરસાદની 56 ટકા સંભાવના છે.
બંને ટીમોના સંભવિત પ્લેઈંગ-11
ગુજરાત ટાઇટન્સ
શુભમન ગિલ (કેપ્ટન), સાંઈ સુદર્શન, શાહરૂખ ખાન, ડેવિડ મિલર, મેથ્યુ વેડ (વિકેટકીપર), રાહુલ તેવટિયા, રાશિદ ખાન, નૂર અહેમદ, ઉમેશ યાદવ, મોહિત શર્મા, સંદીપ વોરિયર.
ઈમ્પેક્ટ પ્લેયર: અભિનવ મનોહર
કોલકાતા નાઈટ રાઈડર્સ
ફિલ સોલ્ટ (વિકેટકીપર), સુનીલ નારાયણ, શ્રેયસ ઐયર (કેપ્ટન), વેંકટેશ ઐયર, નીતિશ રાણા, રિંકુ સિંહ, આન્દ્રે રસેલ, રમનદીપ સિંહ, મિશેલ સ્ટાર્ક, હર્ષિત રાણા, વરુણ ચક્રવર્તી.
ઈમ્પેક્ટ પ્લેયર: વૈભવ અરોરા
