- સરફરાઝ ખાન હવે IPL 2024માં પણ રમતા જોવા મળી શકે છે
- ગુજરાત ટાઇટન્સ ટીમ સરફરાઝ ખાનને પોતાની ટીમમાં સામેલ કરી શકે છે
- રોબિન મિન્ઝની જગ્યાએ સરફરાઝ ખાનને ટીમમાં સામેલ કરી શકે છે ગુજરાત ટાઇટન્સ
ટીમ ઈન્ડિયા માટે ડેબ્યૂ ટેસ્ટ મેચમાં જ હલચલ મચાવનાર સરફરાઝ ખાન હવે IPL 2024માં પણ રમતા જોવા મળી શકે છે. ગુજરાત ટાઇટન્સ ટીમ સરફરાઝ ખાનને પોતાની ટીમમાં સામેલ કરી શકે છે. જોકે IPL 2024ની હરાજીમાં સરફરાઝ ખાન વેચાયા વગરનો રહ્યો હતો, તે પહેલા દિલ્હી કેપિટલ્સે સરફરાઝને રિલીઝ કર્યો હતો. પરંતુ હવે એક સંયોગ બની રહ્યો છે કે સરફરાઝ ખાન ગુજરાત ટાઇટન્સમાં પ્રવેશ કરી શકે છે. હવે અમે તમને જણાવવા જઈ રહ્યા છીએ કે ગુજરાત ટાઇટન્સમાં સરફરાઝ ખાનને કોની જગ્યાએ તક મળી શકે છે.
સરફરાઝ આ ખેલાડીનું સ્થાન લેશે
હાલમાં જ સરફરાઝ ખાનને ઈંગ્લેન્ડ સાથે રમાયેલી ટેસ્ટ સીરીઝમાં ટીમ ઈન્ડિયામાં ડેબ્યૂ કરવાની તક મળી હતી. આ શ્રેણીમાં સરફરાઝનું પ્રદર્શન શાનદાર રહ્યું હતું, જ્યારે સરફરાઝે પોતાની ડેબ્યૂ ટેસ્ટની બંને ઇનિંગ્સમાં અડધી સદી ફટકારી હતી. જે બાદ ચાહકોને આશા હતી કે હવે કોઈ ટીમ IPL 2024 માટે સરફરાઝને ખરીદી શકે છે.
રોબિન મિન્ઝનો અકસ્માત થયો
બીજી તરફ ગુજરાત ટાઇટન્સના ખેલાડી રોબિન મિન્ઝનો અકસ્માત થયો હતો, જે બાદ રોબિન હવે IPL 2024માંથી બહાર થઈ ગયો છે. IPLની હરાજીમાં રોબિન મિન્ઝને ગુજરાત ટાઇટન્સે રૂ. 3.6 કરોડમાં ખરીદ્યો હતો અને આ રોબિન મિન્ઝની પ્રથમ IPL સિઝન હશે પરંતુ તે પહેલા જ તેનો અકસ્માત થયો હતો.
મિન્ઝની જગ્યાએ સરફરાઝની એન્ટ્રી
મીડિયા રિપોર્ટ્સ અનુસાર, ગુજરાત ટાઇટન્સ રોબિન મિન્ઝની જગ્યાએ સરફરાઝ ખાનને ટીમમાં સામેલ કરી શકે છે. બીજી તરફ, સરફરાઝ ખાન પણ IPL 2024 માટે કોલની રાહ જોઈ રહ્યો છે. હરાજીમાં વેચાયા વગરના રહી ગયા પછી પણ સરફરાઝ ખાને IPLમાં રમવાની આશા છોડી નથી.
સરફરાઝ ખાન IPL 2023માં દિલ્હી કેપિટલ્સનો ભાગ હતો અને આ સિઝન તેના માટે કંઈ ખાસ ન હતી. ત્યાર બાદ જ દિલ્હીએ IPL 2024ની હરાજી પહેલા સરફરાઝને રિલિઝ કરી દીધો હતો. સરફરાઝે ટીમ ઈન્ડિયા માટે શાનદાર પ્રદર્શન કર્યું છે, જેનો ફાયદો તેને જલ્દી જ મળી શકે છે.
