Shaik Rasheed કોણ છે? પિતાએ ગુમાવી બે વાર નોકરી, ગરીબીમાં વિત્યું બાળપણ

ચેન્નાઈ સુપર કિંગ્સે 20 વર્ષીય શેખ રશીદને લખનૌ સામેની મેચમાં ડેબ્યૂ કરવાની તક આપી છે. શેખ રશીદની જીવનગાથા ખૂબ જ પ્રેરણાદાયી રહી છે, ગરીબી અને નાણાકીય સંકટમાંથી પસાર થઈને, આ યુવા ક્રિકેટરે IPLમાં પ્રવેશ કર્યો છે.

રશીદે વિસ્ફોટક બેટિંગ કેવી રીતે કરવી તે જાણે છે, તેને અત્યાર સુધીમાં 17 મેચની તેના ટૂંકા T20 કરિયરમાં સદી ફટકારી છે. તમને જણાવી દઈએ કે શેખ રશીદના જીવનની સફર કેવી રહી અને કયા લોકોએ તેને મહાન ઊંચાઈઓ સુધી પહોંચવામાં મદદ કરી?

કોણ છે શેખ રશીદ?

શેખ રશીદનો જન્મ 24 સપ્ટેમ્બર 2004 ના રોજ આંધ્રપ્રદેશના ગુંટુરમાં થયો હતો. તેને હૈદરાબાદના દિલસુખનગરથી પોતાના વ્યાવસાયિક ક્રિકેટ કરિયરની શરૂઆત કરી હતી. ક્રિકેટમાં તેને પહેલી ઓળખ ત્યારે મળી જ્યારે તેને 2022 ના અંડર-19 વર્લ્ડકપ માટે ભારતીય ટીમમાં પસંદ કરવામાં આવ્યો અને તેને ટીમનો વાઈસ-કેપ્ટન તરીકે નિયુક્ત કરવામાં આવ્યો.

રશીદ કોવિડને કારણે ટુર્નામેન્ટની બધી મેચ રમી શક્યો ન હતો, પરંતુ તેને બોલરોને મુશ્કેલીમાં મુકવામાં કોઈ કસર છોડી નહીં. રશીદે ચાર વર્લ્ડકપ મેચોમાં 50 થી વધુની એવરેજથી 201 રન બનાવ્યા, જેમાં બે અડધી સદીનો સમાવેશ થાય છે.

પપ્પાએ બે વાર નોકરી ગુમાવી

શેખ રશીદના પિતા શેખ બલિશાએ તેમની સફળતામાં મુખ્ય ભૂમિકા ભજવી છે. ટ્રેનિગ કેન્દ્ર ખૂબ દૂર આવેલું હતું અને બલિશા દરરોજ તેમના પુત્રને તાલીમમાં લઈ જતા હતા, જેના માટે તેમને 80 કિલોમીટરની મુસાફરી કરવી પડતી હતી. રશીદની વય-જૂથ ક્રિકેટમાં પસંદગી થતાં પિતાનું બલિદાન સફળ થયું. એક તરફ, રશીદ તેની ક્રિકેટ કારકિર્દીમાં સફળ થઈ રહ્યો હતો, પરંતુ આ સમય દરમિયાન, તેના પિતા શેખ બલિશાને બે વાર નોકરી ગુમાવવી પડી. કેટલાક મીડિયા રિપોર્ટ્સ મુજબ રશીદના પિતા અગાઉ સ્ટેટ બેંક ઓફ ઈન્ડિયાના લોન વિભાગમાં કામ કરી ચૂક્યા છે.

2023માં પણ બન્યો CSKનો ભાગ

શેખ રશીદ પહેલી વાર 2023માં IPL ઓક્શનમાં જોવા મળ્યો હતો, જ્યારે CSK એ તેને 20 લાખ રૂપિયામાં ખરીદ્યો હતો. 2025 મેગા ઓક્શનમાં, ચેન્નાઈ સુપર કિંગ્સે ફરી એકવાર તેને તેમની ટીમમાં સામેલ કર્યા. અત્યાર સુધીમાં, તેને તેની 19 મેચની ફર્સ્ટ ક્લાસ કારકિર્દીમાં 1,204 રન બનાવ્યા છે, જ્યારે તેની T20 કરિયરમાં, તેને એક સદી અને એક ફિફ્ટી સહિત 352 રન બનાવ્યા છે.