CSK Vs MI: ચેન્નાઈની શાનદાર જીત, ઋતુરાજ ગાયકવાડ-રચિન રવિન્દ્રએ ફટકારી અડધી સદી

ચેન્નાઈ સુપર કિંગ્સે મુંબઈ ઈન્ડિયન્સને 4 વિકેટે હરાવ્યું છે. ચેપોક સ્ટેડિયમ ખાતે રમાયેલી આ મેચમાં, MI ટીમે પ્રથમ બેટિંગ કરીને 155 રન બનાવ્યા. જવાબમાં ચેન્નાઈએ 5 બોલ બાકી રહેતા લક્ષ્ય હાંસલ કરી લીધું. ચેન્નાઈ માટે રચિન રવિન્દ્ર મેચ વિનર રહ્યો કારણ કે તેને અણનમ 65 રન બનાવ્યા. ચેન્નાઈ માટે કેપ્ટન ઋતુરાજ ગાયકવાડે પણ તોફાની રીતે 53 રન બનાવ્યા.

મેચનો હીરો રહ્યો રચિન રવિન્દ્ર

ચેન્નાઈ સુપર કિંગ્સ માટે રચિન રવિન્દ્ર રીયલ મેચ વિનર હતો. તેને રાહુલ ત્રિપાઠી સાથે ઈનિંગની શરૂઆત કરી, જે ફક્ત 2 રન બનાવીને આઉટ થયો. ત્યારબાદ, રવિન્દ્રએ ઋતુરાજ ગાયકવાડ સાથે મળીને 67 રનની ખૂબ જ મહત્વપૂર્ણ પાર્ટનરશિપ કરી. ગાયકવાડે 26 બોલમાં 53 રનની તોફાની ઈનિંગ રમી. દીપક હુડ્ડા, સેમ કરન અને રવિન્દ્ર જાડેજા પણ આવ્યા અને પેવેલિયન પાછા ફર્યા, પરંતુ રવિન્દ્ર એક છેડે મક્કમ રહ્યો. તેને જ એક શક્તિશાળી સિક્સર ફટકારીને CSKનો 4 વિકેટથી વિજય સુનિશ્ચિત કર્યો હતો.

સ્પિનરોએ જીતી જંગ

ચેન્નાઈ સુપર કિંગ્સ તરફથી ખલીલ અહેમદે 3 વિકેટ લીધી. પરંતુ સ્પિનરોએ આખી મેચ દરમિયાન પોતાનું જાળું ગુથ્યું. પહેલા, ચેન્નાઈના નૂર અહેમદે જોરદાર ધૂમ મચાવી, 4 ઓવરમાં માત્ર 18 રન આપીને 4 વિકેટ લીધી. અહેમદે સૂર્યકુમાર યાદવ, તિલક વર્મા, રોબિન મિંજ અને નમન ધીરને પણ આઉટ કર્યા. ચેન્નાઈ તરફથી રવિચંદ્રન અશ્વિને પણ એક વિકેટ લીધી.

બીજી બાજુ, જો આપણે મુંબઈ ઈન્ડિયન્સની વાત કરીએ, તો ડેબ્યૂ કરનાર ચાઈનામેન બોલર વિગ્નેશ પુથુરે ઘણી બધી ચર્ચા બનાવી. પોતાની પહેલી જ IPL મેચમાં, તેને 4 ઓવરમાં 32 રન આપીને 3 વિકેટ લીધી. તેના માટે સૌથી મોટી વિકેટ CSKના કેપ્ટન ઋતુરાજ ગાયકવાડની હતી. તમને જણાવી દઈએ કે છેલ્લા 7 મેચમાં ચેન્નાઈનો MI પર છઠ્ઠો વિજય છે.

મુંબઈની ખરાબ શરુઆત

રોહિત શર્માએ 4 બોલ રમ્યા પણ ખાતું ખોલાવ્યા વિના આઉટ થઈ ગયો. રોહિત હવે IPLના ઈતિહાસમાં 18 વખત શૂન્યના સ્કોર પર આઉટ થયો છે, જે સૌથી વધુ છે. તેને IPLના ઈતિહાસમાં સૌથી વધુ શૂન્ય આઉટ થવાના મામલામાં દિનેશ કાર્તિક અને ગ્લેન મેક્સવેલની બરાબરી કરી. આ વખતે, મુંબઈ તરફથી રમતા વિલ જેક્સ પણ નિષ્ફળ ગયો અને 11 રન બનાવ્યા. સૂર્યકુમાર યાદવ ચોક્કસપણે થોડા સમય માટે ક્રીઝ પર પથ્થરની જેમ ઊભો રહ્યો, પરંતુ નૂર અહેમદના બોલ પર એમએસ ધોનીએ તેને ઝડપથી સ્ટમ્પ આઉટ કર્યો. સૂર્યા ફક્ત 29 રન જ બનાવી શક્યો.

મુંબઈની બેટિંગ એટલી ખરાબ હાલતમાં હતી કે ટીમ તરફથી સૌથી વધુ રન તિલક વર્મા હતા જેને 31 રન બનાવ્યા હતા. નમન ધીરે 17 રન અને મિચેલ સેન્ટનરે પણ 11 રનનું યોગદાન આપ્યું. દીપક ચહરે 15 બોલમાં અણનમ 28 રન બનાવીને મુંબઈનો સ્કોર 150 થી વધુ કર્યો. ચહરે પોતાની ટૂંકી ઈનિંગમાં 2 ચોગ્ગા અને 2 છગ્ગા ફટકાર્યા.