CSK Vs RR: રાજસ્થાને ચેન્નાઈને હરાવ્યું, વૈભવ સૂર્યવંશીની ધમાકેદાર ફિફ્ટી

IPL 2025 ની 62મી મેચ દિલ્હીના અરુણ જેટલી સ્ટેડિયમમાં રમાઈ હતી. જ્યાં સંજુ સેમસને ટોસ જીતીને પહેલા બોલિંગ કરવાનો નિર્ણય લીધો. જે બાદ, ખૂબ જ મુશ્કેલીથી, ચેન્નાઈ સુપર કિંગ્સની ટીમ 20 ઓવરમાં 8 વિકેટ ગુમાવીને માત્ર 187 રન જ બનાવી શકી.

રાજસ્થાન રોયલ્સની ટીમે આ લક્ષ્યનો સરળતાથી પીછો કર્યો અને 6 વિકેટે મેચ જીતી લીધી. મહેન્દ્ર સિંહ ધોનીની ભૂલ CSK માટે ખૂબ મોંઘી સાબિત થઈ.

ચેન્નાઈ સુપર કિંગ્સની ખરાબ શરૂઆત

ટોસ હારીને પહેલા બેટિંગ કરવાનો નિર્ણય લીધા બાદ, ચેન્નાઈ સુપર કિંગ્સની શરૂઆત ખરાબ રહી, ડેવોન કોનવે માત્ર 10 રન બનાવીને પેવેલિયન પાછો ફર્યો જ્યારે ઉર્વિલ પટેલ પોતાનું ખાતું પણ ખોલી શક્યો નહીં. રવિચંદ્રન અશ્વિને 13 રન બનાવ્યા જ્યારે રવિન્દ્ર જાડેજા ફક્ત 1 રન જ બનાવી આઉટ થયો. આ દરમિયાન ઓપનર આયુષ મ્હાત્રેએ 43 રન બનાવ્યા. આ સિવાય ડેવાલ્ડ બ્રેવિસે પણ 42 રન બનાવ્યા.

અંતે શિવમ દુબેએ 39 રન બનાવ્યા. કેપ્ટન મહેન્દ્ર સિંહ ધોનીએ અંતમાં ખૂબ જ ધીમી બેટિંગ કરી અને 17 બોલમાં ફક્ત 16 રન બનાવ્યા. જેના કારણે ટીમ 20 ઓવરમાં 210 રનને બદલે માત્ર 187 રન જ બનાવી શકી. રાજસ્થાન રોયલ્સ તરફથી યુદ્ધવીર સિંહ અને આકાશ માધવાલે 3-3 વિકેટ લીધી. વાનિંદુ હસરંગાએ 4 ઓવરમાં માત્ર 27 રન આપીને 1 બેટ્સમેનને પેવેલિયન મોકલી દીધો.

રાજસ્થાનની સફર જીત સાથે સમાપ્ત

188 રનના ટાર્ગેટનો પીછો કરતા રાજસ્થાન રોયલ્સના ઓપનર યશસ્વી જયસ્વાલે 19 બોલમાં 36 રન બનાવ્યા. જ્યારે અન્ય ઓપનિંગ બેટ્સમેન વૈભવ સૂર્યવંશીએ 33 બોલમાં મહત્વપૂર્ણ 57 રન બનાવ્યા. કેપ્ટન સંજુ સેમસને પણ 41 રન બનાવ્યા. અંતે ધ્રુવ જુરેલે અણનમ 31 રન બનાવીને પોતાની ટીમને 6 વિકેટથી જીત અપાવી. ચેન્નાઈ સુપર કિંગ્સ તરફથી રવિચંદ્રન અશ્વિને 2 વિકેટ લીધી. આ સાથે, IPL 2025માં રાજસ્થાન રોયલ્સનો પ્રવાસ સમાપ્ત થયો. આ ટીમે 14 માંથી 4 મેચ જીતી છે. જ્યારે 10 મેચમાં તેમને હારનો સામનો કરવો પડ્યો છે.