IPL 2025ની મેગા ઓક્શનમાં આ વખતે ઘણા ખેલાડીઓની ટીમ બદલાઈ છે. આ ખેલાડીઓ નવી સિઝનમાં નવી જર્સીમાં જોવા મળશે. કેટલાક એવા ખેલાડીઓ છે જે છેલ્લા 5-6 વર્ષથી એક જ ફ્રેન્ચાઈઝી માટે રમતા હતા પરંતુ આ વખતે તેઓ નવી ટીમોમાં રમવા જઈ રહ્યા છે.
તેમાંથી એક ઝડપી બોલર દીપક ચહર છે. ચેન્નાઈ સુપર કિંગ્સે આ વખતે દીપક ચહરને રિલિઝ કર્યો હતો, ત્યારબાદ મુંબઈ ઈન્ડિયન્સે આઈપીએલ મેગા ઓક્શનમાં આ ખેલાડી પર વિશ્વાસ વ્યક્ત કર્યો હતો. મુંબઈ ઈન્ડિયન્સે દીપક ચહરને 9.25 કરોડ રૂપિયામાં ખરીદ્યો છે. હવે ચેન્નાઈ સુપર કિંગ્સથી અલગ થયા બાદ દીપક ચહરે પૂર્વ CSK કેપ્ટન એમએસ ધોની માટે કંઈક ખાસ કહ્યું છે.
દીપક ચહરે ધોની માટે કહી ખાસ વાત
દીપક ચહરને ચેન્નાઈ સુપર કિંગ્સ અને એમએસ ધોની સાથે ખાસ સંબંધ માનવામાં આવે છે. આ સિવાય ચહરને ધોનીનો ફેવરિટ પ્લેયર પણ કહેવામાં આવે છે. દીપક ત્રણ આઈપીએલ ટાઈટલ જીતનારી ટીમનો મહત્વનો સભ્ય હતો. સીએસકેથી અલગ થયા બાદ દીપક ચહરે ક્રિકેટ હોસ્ટ જતીન સપ્રુ સાથે વાત કરતા કહ્યું કે “માહી ભાઈએ હંમેશા અને શરૂઆતથી જ મને સપોર્ટ કર્યો છે. તેથી હું અહીં આવવા માંગતો હતો, પરંતુ ઓક્શનના બીજા દિવસે મારું નામ આવ્યું, તેથી હું સંપૂર્ણપણે વાકેફ હતો કે મારા માટે CSKમાં પાછા આવવું મુશ્કેલ બનશે. તેની પાસે પર્સ ઓછું હતું.
દીપક ચહરનું આઈપીએલ કરિયર
તમને જણાવી દઈએ કે દીપક છેલ્લા 7 વર્ષથી IPLમાં ચેન્નાઈ સુપર કિંગ્સ તરફથી રમી રહ્યો હતો. ચહર નવા બોલથી પાવરપ્લેમાં વિકેટ લેવા માટે જાણીતો છે. ચહર CSKની બોલિંગનો મહત્વનો અને ખાસ ભાગ હતો, પરંતુ હવે આ ખેલાડી નવી સિઝનમાં મુંબઈ ઈન્ડિયન્સ માટે રમવા માટે તૈયાર છે. અત્યાર સુધી દીપકે IPLમાં 81 મેચ રમી છે, જેમાં તેને બોલિંગ દરમિયાન 77 વિકેટ લીધી છે. આ સમયગાળા દરમિયાન દીપકનું સર્વશ્રેષ્ઠ બોલિંગ પ્રદર્શન 13 રનમાં 4 વિકેટ રહ્યું હતું.
