IPLમાં ચેમ્પિયન જ નહીં, મુંબઈ અને ગુજરાતને પણ મળશે અધધ રકમ

ઈન્ડિયન પ્રીમિયર લીગની 18મી સીઝનની ફાઈનલ આજે ખાસ છે. પહેલીવાર IPL ચેમ્પિયન રોયલ ચેલેન્જર્સ બેંગ્લુરુ અને પંજાબ કિંગ્સમાંથી એક ટીમ બનવા જઈ રહી છે. IPLએ દુનિયાની સૌથી ધનિક ક્રિકેટ લીગ છે અને તેના વિનરને દર વખતે બમ્પર ઈનામી રકમ મળે છે. તમને જણાવી દઈએ કે રનર-અપ તેમજ નંબર 3 અને 4 ટીમોને પણ ઘણી ઈનામી રકમ મળે છે.

ચેમ્પિયન અને રનર-અપને કેટલા પૈસા મળે છે?

IPL 2025 ની ટાઈટલ મેચ જીતનાર ટીમને ઈનામી રકમ તરીકે 20 કરોડ રૂપિયા મળશે. તમને જણાવી દઈએ કે દુનિયાની સૌથી વધુ ઈનામી રકમ આપતી લીગમાંથી IPL એ એક છે. જ્યારે આજે હારનારી ટીમ એટલે કે બેંગલુરુ અને પંજાબ વચ્ચે રનર-અપ ટીમને ઈનામી રકમ તરીકે 13 કરોડ રૂપિયા મળશે.

2008માં જ્યારે IPL શરૂ થઈ ત્યારે વિનર રાજસ્થાન રોયલ્સને 4.8 કરોડ રૂપિયા ઈનામી રકમ તરીકે મળ્યા હતા, જ્યારે રનર-અપ ટીમ ચેન્નાઈ સુપર કિંગ્સને 2.4 કરોડ રૂપિયાની ઈનામી રકમ મળી હતી. 18 વર્ષ પછી ઈનામની રકમમાં લગભગ 5 ગણો વધારો થયો છે.

મુંબઈ અને ગુજરાતને પણ બમ્પર ઈનામી રકમ મળી

પ્લેઓફમાં પહોંચવા બદલ IPLમાં ટીમોને ફક્ત કરોડો રૂપિયાની બમ્પર ઈનામી રકમ મળે છે. બેંગલુરુ અને પંજાબ સિવાય મુંબઈ ઈન્ડિયન્સ અને ગુજરાત ટાઈટન્સે પણ પ્લેઓફમાં જગ્યા બનાવી હતી. ક્વોલિફાયર-2 સુધી મુંબઈ ઈન્ડિયન્સ પહોંચી ગયું, જેના માટે મુંબઈને 7 કરોડ રૂપિયાનું ઈનામ મળશે, જ્યારે એલિમિનેટર મેચમાં હાર બાદ બહાર થઈ ગયેલી ગુજરાત ટાઈટન્સને 6.5 કરોડ રૂપિયા ઈનામી રકમ તરીકે મળશે.

વિનર ટીમ - 20 કરોડ રૂપિયા

રનર અપ ટીમ - 13 કરોડ

ત્રીજું સ્થાન ટીમ - 7 કરોડ રૂપિયા

ચોથું સ્થાન ટીમ - 6.5 કરોડ રૂપિયા

ટુર્નામેન્ટમાં બેસ્ટ વ્યક્તિગત રેકોર્ડ માટે પણ ઈનામી રકમ આપવામાં આવે છે. ઓરેન્જ અને પર્પલ કેપ જીતનાર બંને ખેલાડીઓને 10-10 લાખ રૂપિયાનું ઈનામ મળે છે. જે ખેલાડી સૌથી વધુ છગ્ગા ફટકારે છે તેને 10 લાખ રૂપિયા પણ મળે છે.