ભારતીય ક્રિકેટ કંટ્રોલ બોર્ડે IPL 2025ની મેગા હરાજી માટે રીટેન્શન પોલિસી જાહેર કરી છે. આ વખતે તમામ ફ્રેન્ચાઈઝી હવે તેમની હાલની ટીમમાંથી કુલ 6 ખેલાડીઓને રિટેન શકશે. આમાંથી 5 ખેલાડીઓ (ભારતીય અને વિદેશી) કેપ કરી શકાય છે, જ્યારે વધુમાં વધુ 2 ખેલાડીઓ જ અનકેપ કરી શકાય છે. આવી પરિસ્થિતિમાં, સૌથી મોટો પ્રશ્ન એ છે કે ટીમો દ્વારા જાળવી રાખવામાં આવેલા ખેલાડીઓના નામ ક્યારે જાહેર કરવામાં આવશે.


રીટેન્શન લિસ્ટ ક્યારે જાહેર થશે?

આઈપીએલ ગવર્નિંગ કાઉન્સિલની બેઠક બાદ રિટેન્શન પોલિસીની જાહેરાત કરવામાં આવી હતી. આ પછી ચિત્ર સ્પષ્ટ થઈ ગયું છે કે આ વખતે આઈપીએલમાં નવું શું થશે. હવે બધા રિટેન્શન લિસ્ટની રાહ જોઈ રહ્યા છે, ત્યારબાદ જ ખબર પડશે કે કઈ ટીમે કયા ખેલાડીને રિટેન કર્યા છે. મીડિયા રિપોર્ટ મુજબ ફ્રેન્ચાઈઝી પાસે 31 ઓક્ટોબર, 2024 ના રોજ સાંજે 5 વાગ્યા સુધીનો સમય છે, જે હરાજી પહેલા જાળવી રાખવામાં આવેલા ખેલાડીઓના લિસ્ટને અંતિમ સ્વરૂપ આપી અને સબમિટ કરવા માટે છે.

Also Read

આ ખેલાડીઓને કેપ્ડ ખેલાડીઓમાં સામેલ કરવામાં આવશે

આઈપીએલ 2025ના મેગા ઓક્શન સાથે જોડાયેલા વધુ એક મોટા સમાચાર સામે આવ્યા છે. જો કોઈ પણ ખેલાડી 31 ઓક્ટોબર પહેલા આંતરરાષ્ટ્રીય ક્રિકેટમાં ડેબ્યૂ કરશે તો તેને કેપ્ડ ખેલાડી ગણવામાં આવશે. તાજેતરમાં જ બાંગ્લાદેશ સામેની ટી-20 સિરીઝ માટે ટીમ ઈન્ડિયાની જાહેરાત કરવામાં આવી છે. આ ટીમમાં મયંક યાદવ, હર્ષિત રાણા અને નીતિશ કુમારને સ્થાન મળ્યું છે. આમાંથી જે પણ ખેલાડીને બાંગ્લાદેશ સામેની T20 સિરીઝમાં રમવાની તક મળશે તે કેપ્ડ ખેલાડીઓની લિસ્ટમાં આવશે. આ ખેલાડીઓ હાલમાં અનકેપ્ડ છે.

 

IPL 2025 માટે રીટેન્શન નિયમો

IPL 2025 પહેલા તમામ ટીમો વધુમાં વધુ 6 ખેલાડીઓને જાળવી શકે છે, જેમાં રાઈટ ટુ મેચ કાર્ડ પણ સામેલ હશે. જો ટીમો હરાજી પહેલા 6 ખેલાડીઓને જાળવી રાખે છે તો તેમની પાસે હરાજીમાં RTM કાર્ડ રહેશે નહીં. તેનો અર્થ એ કે, ફ્રેન્ચાઈઝી જેટલા ઓછા ખેલાડીઓ જાળવી રાખશે, તેની પાસે તેટલા વધુ રાઈટ ટુ મેચ કાર્ડ હશે, જેનો તે હરાજીમાં ઉપયોગ કરી શકશે.

  • Follow us on: