GT VS MI: ગુજરાતે મુંબઈને હરાવ્યું, મોહમ્મદ સિરાજ-પ્રસિદ્ધ કૃષ્ણાએ મચાવી ધૂમ

ગુજરાત ટાઈટન્સે મુંબઈ ઈન્ડિયન્સને 36 રને હરાવ્યું છે. IPL 2025 માં ગુજરાતની આ પહેલી જીત છે, જ્યારે મુંબઈની ટીમને સતત બીજી હારનો સામનો કરવો પડ્યો છે. નરેન્દ્ર મોદી સ્ટેડિયમ ખાતે રમાયેલી આ મેચમાં ગુજરાતે પ્રથમ બેટિંગ કરીને 196 રન બનાવ્યા હતા.

તેના જવાબમાં, સમગ્ર મુંબઈ ટીમ ફક્ત 160 રન બનાવી શકી. રોહિત શર્મા સતત બીજી મેચમાં મોટો સ્કોર કરવામાં નિષ્ફળ ગયો, જ્યારે હાર્દિક પંડ્યા પણ મહત્વપૂર્ણ ક્ષણે આઉટ થયો.

મુંબઈ માટે 197 રનનો ટાર્ગેટ ઘણો વધારે થયો સાબિત

મુંબઈ ઈન્ડિયન્સ સામે 197 રનનો લક્ષ્યાંક હતો. જેના જવાબમાં, મુંબઈ ઈન્ડિયન્સની શરૂઆત ખૂબ જ ખરાબ રહી કારણ કે બંને ઓપનર 35 રનના સ્કોર પર પેવેલિયનમાં પાછા ફર્યા હતા. રોહિત શર્મા 8 રન બનાવીને આઉટ થયો હતો અને રિયાન રિકેલ્ટન માત્ર 6 રન બનાવીને આઉટ થયો હતો. સૂર્યકુમાર યાદવ અને તિલક વર્મા વચ્ચે 62 રનની પાર્ટનરશિપ થઈ હતી, પરંતુ ગુજરાતના બોલરો મેચ પર પોતાની પકડ મજબૂત કરી રહ્યા હતા.

મધ્ય ઓવરોમાં, ગુજરાત ટાઈટન્સના બોલરોએ એવી ધૂમ મચાવી કે મુંબઈએ 27 રનના ગાળામાં 4 મોટી વિકેટ ગુમાવી દીધી. એક સમયે, MI 2 વિકેટે 97 રન પર બેટિંગ કરી રહ્યું હતું, પરંતુ ત્યારબાદ તિલક વર્મા 39 રન બનાવીને આઉટ થયો. અહીંથી વિકેટોનો પતન એવી રીતે શરૂ થયો કે મુંબઈએ 27 રનની અંદર 4 વિકેટ ગુમાવી દીધી. જેમ જેમ વિકેટો પડતી રહી, તેમ તેમ ટીમનો સ્કોર 6 વિકેટે 124 રન સુધી પહોંચ્યો.

MI ની બેટિંગ ખરાબ રીતે નિષ્ફળ

તિલક વર્માએ 39 રન બનાવ્યા, જ્યારે સૂર્યકુમાર યાદવે 28 બોલમાં 48 રન બનાવ્યા. આ બે બેટ્સમેન સિવાય મુંબઈના અન્ય બેટ્સમેન નિષ્ફળ સાબિત થયા. આ સિવાય રોબિન મિંજ ટીમ માટે કોઈ અજાયબી કરી શક્યો નહીં. તે 6 બોલમાં 3 રન બનાવ્યા બાદ ઈશાંત શર્માનો શિકાર બન્યો. મુંબઈ તરફથી સૂર્યકુમાર યાદવે 28 બોલમાં 48 રનની ઈનિંગ રમી. પરંતુ આ જીત માટે પૂરતું ન હતું. 20 ઓવર પછી, મુંબઈએ 6 વિકેટ ગુમાવીને 160 રન બનાવ્યા. ગુજરાતે આ મેચ 36 રનથી જીતી લીધી.