IPL 2025 મેગા ઓક્શનને લઈને મોટી માહિતી સામે આવી છે. આ વખતે હરાજી કરનાર મલ્લિકા સાગર હશે. મલ્લિકા ઘણી હરાજીમાં જોવા મળી છે. તે એકદમ અનુભવી છે. તેણે ઈન્ડિયન પ્રીમિયર લીગ તેમજ મહિલા પ્રીમિયર લીગમાં હરાજી કરનારની ભૂમિકા ભજવી છે. IPL 2024ની હરાજીમાં પણ તે આ જ રોલમાં હતી. તેમની પાસે લગભગ બે દાયકાનો અનુભવ છે.
એક સમાચાર અનુસાર, ગત વખતની જેમ આ વખતે પણ મલ્લિકા સાગર IPLની હરાજીમાં હરાજી કરનાર હશે. મલ્લિકાના નામે એક ખાસ રેકોર્ડ પણ નોંધાયેલો છે. તે IPL ઇતિહાસમાં પ્રથમ મહિલા હરાજી કરનાર છે. તેણે 2024માં પહેલીવાર IPLની હરાજીમાં ભાગ લીધો હતો. હવે તે બીજી વખત તેમાં જોવા મળશે. તેમનો અનુભવ લગભગ બે દાયકાનો છે.
મલ્લિકા પહેલા આ IPLના ઓક્શનર હતા.
મલ્લિકા પહેલા IPLમાં માત્ર પુરુષો જ હરાજી કરનારની ભૂમિકામાં જોવા મળતા હતા. તેમના પહેલા રિચર્ડ મેડલી, હ્યુજ એડમીડ્સ અને ચારુ શર્મા આ રોલમાં જોવા મળી ચૂક્યા છે. પરંતુ હવે મલ્લિકા ફરી ચૂંટાઈ આવી છે. તેણે IPL અને વિમેન્સ પ્રીમિયર લીગ તેમજ પ્રો કબડ્ડી લીગમાં હરાજી કરનારની ભૂમિકા ભજવી છે.
IPL મેગા ઓક્શન ક્યારે અને ક્યાં થશે?
ગત વખતની જેમ આ વખતે પણ IPLની હરાજી ભારતની બહાર થશે. આ વખતે સાઉદી અરેબિયાની પસંદગી કરવામાં આવી છે. આ હરાજી 24 અને 25 નવેમ્બરે સાઉદી અરેબિયાના જેદ્દાહમાં થશે. આ માટેની તૈયારીઓ લગભગ પૂર્ણ થઈ ગઈ છે.
હરાજીની સંપૂર્ણ માહિતી
IPL મેગા ઓક્શન માટે 1574 ખેલાડીઓએ રજીસ્ટ્રેશન કરાવ્યું છે. તેમાં 320 કેપ્ડ અને 1224 અનકેપ્ડ ખેલાડીઓ છે. આ સાથે 30 ખેલાડીઓ સહયોગી દેશોના છે. આ વખતે હરાજીમાં ખેલાડીઓ માટે 204 સ્લોટ ઉપલબ્ધ છે. ટીમોએ રીટેન્શન લિસ્ટ બહાર પાડ્યું છે. જો પર્સ વિશે વાત કરીએ તો તમામ ટીમોએ 204 ખેલાડીઓ પર 641.5 કરોડ રૂપિયા ખર્ચવા પડશે. જાળવી રાખવા માટે રૂ. 558.5 કરોડનો ખર્ચ કરવામાં આવ્યો છે.
