IPL 2025 મેગા ઓક્શન 24-25 નવેમ્બરના રોજ યોજાવાની છે, જે પહેલા માર્કી ખેલાડીઓની યાદી બહાર પાડવામાં આવી હતી. માર્કી ખેલાડીઓની બે યાદી છે અને દરેક યાદીમાં 6 ખેલાડીઓ રાખવામાં આવ્યા છે. એવી અટકળો છે કે આ ખેલાડીઓ સાથે હરાજી શરૂ થઈ શકે છે. કયા ખેલાડીને પ્રથમ બિડ મળશે તે હજુ સુધી કન્ફર્મ કરવામાં આવ્યું નથી. તે પહેલા આવો જાણીએ કે કેટલા ખેલાડીઓને માર્કી લિસ્ટમાં રાખવામાં આવ્યા છે.
માર્કી ખેલાડીઓની યાદીમાં કેટલા ભારતીયો છે?
મેગા ઓક્શન માટે 12 ખેલાડીઓને 'માર્કી પ્લેયર'નો દરજ્જો આપવામાં આવ્યો હતો, જેમાં 7 ભારતીય અને 5 વિદેશી ખેલાડીઓનો સમાવેશ થાય છે. ભારતીય ખેલાડીઓની વાત કરીએ તો તેમના નામ શ્રેયસ ઐયર, રિષભ પંત, અર્શદીપ સિંહ, યુઝવેન્દ્ર ચહલ, કેએલ રાહુલ, મોહમ્મદ શમી અને મોહમ્મદ સિરાજ છે. તમને જણાવી દઈએ કે આ તમામ ભારતીય માર્કી ખેલાડીઓની મૂળ કિંમત 2 કરોડ રૂપિયા છે. આખી યાદીમાં ડેવિડ મિલર એકમાત્ર માર્કી ખેલાડી છે જેણે તેની મૂળ કિંમત રૂ. 1.5 કરોડ રાખી છે.
માર્કી ખેલાડીઓ પર પ્રથમ સેટમાં લાગશે બોલી
મેગા ઓક્શનના પ્રથમ સેટમાં આ માર્કી ખેલાડીઓ પર બોલી લગાવવામાં આવી શકે છે, જેના પર ટીમો કરોડો રૂપિયાનો ખર્ચ કરી શકે છે. તમામ ટીમોના પર્સમાં ઓછામાં ઓછા 45 કરોડ રૂપિયા બાકી છે. આ દરમિયાન પંજાબ કિંગ્સ પાસે રૂ. 110.5 કરોડ અને આરસીબી પાસે રૂ. 83 કરોડ બાકી છે. જો આ ફ્રેન્ચાઇઝીસ વધુને વધુ માર્કી ખેલાડીઓ પર બિડ કરતી જોવા મળે તો નવાઈ નહીં.
કેટલા ખેલાડીઓ પર લગાશે બોલી?
મેગા ઓક્શન માટે કુલ 1,574 ખેલાડીઓએ રજીસ્ટ્રેશન કરાવ્યું હતું, પરંતુ તેમાંથી માત્ર 574 ખેલાડીઓ જ હરાજી માટે શોર્ટલિસ્ટ થયા હતા. તમામ ટીમોએ મળીને 46 ખેલાડીઓને જાળવી રાખ્યા હોવાથી હવે હરાજીમાં વધુમાં વધુ 204 ખેલાડીઓ જ વેચી શકાશે.