IPL 2025: મુંબઈ ઈન્ડિયન્સમાં થયો વિવાદ, હાર્દિક પંડ્યા પાસેથી છીનવાઈ જશે કેપ્ટન્સી?

• IPL 2025માં મુંબઈમાં ઘણા ફેરફારો જોવા મળશે
  
• સૌથી મોટો ફેરફાર કેપ્ટનશિપને લઈને થઈ શકે છે
• હાર્દિક પંડ્યાને સુકાનીપદેથી હટાવી શકાય છે

IPL 2025માં મુંબઈ ઈન્ડિયન્સમાં ઘણા ફેરફારો સાથે જોવા મળી શકે છે. આમાં સૌથી મોટો ફેરફાર કેપ્ટનશિપને લઈને થઈ શકે છે. હાર્દિક પંડ્યાને સુકાનીપદેથી હટાવી શકાય છે. તેમના સ્થાને સૂર્યકુમાર યાદવ નવા કેપ્ટન બની શકે છે. એક રિપોર્ટ અનુસાર રોહિત શર્માની સાથે સાથે ટીમના ઘણા ખેલાડીઓ પંડ્યાની કેપ્ટનશિપથી ખુશ નથી. આ સાથે સચિન તેંડુલકર પણ સૂર્યાને કેપ્ટન બનાવવાના પક્ષમાં છે. જો કે આ અંગે કોઈ સત્તાવાર માહિતી સામે આવી નથી.

એક અહેવાલ અનુસાર, રોહિતના કેમ્પે મુંબઈ ઈન્ડિયન્સના ટીમ મેનેજમેન્ટને અલ્ટીમેટમ આપ્યું છે. રોહિત અને સચિન સહિત ઘણા ખેલાડીઓ નથી ઈચ્છતા કે પંડ્યા કેપ્ટન બને. જો મુંબઈ હજુ પણ હાર્દિકને કેપ્ટન તરીકે રાખશે તો રોહિત અને સૂર્યાની સાથે ફાસ્ટ બોલર જસપ્રિત બુમરાહ પણ ટીમ છોડી શકે છે. હાલમાં મુંબઈ કેમ્પમાં આને લઈને ભારે હલચલ મચી ગઈ છે.

મુંબઈએ રોહિતને જાણ કર્યા વિના લીધો હતો નિર્ણય

IPL 2024માં મુંબઈએ હાર્દિક પંડ્યાને ટીમમાં લાવ્યો હતો. પંડ્યા ગુજરાત ટાઇટન્સ તરફથી રમતા હતા. પરંતુ તેનો ગુજરાતમાંથી મુંબઈની ટીમમાં ટ્રેડ કરવામાં આવ્યો હતો. પંડ્યા આવતાની સાથે જ રોહિત પાસેથી કેપ્ટન્સી છીનવાઈ ગઈ હતી. રિપોર્ટ અનુસાર મુંબઈએ રોહિતને આ અંગે જાણ કરી ન હતી. તેમને જાણ કર્યા વિના નિર્ણય લેવામાં આવ્યો હતો. તેની અસર મુંબઈની મેચ દરમિયાન પણ જોવા મળી હતી. રોહિત અને તેના ફેન્સ આનાથી ખૂબ નારાજ હતા.

જય શાહે હાર્દિક પંડ્યાની તરફેણ કરી છે.

હાર્દિક પંડ્યા T20 ફોર્મેટમાં ટીમ ઈન્ડિયાનો કેપ્ટન બનવા જઈ રહ્યો હતો. પરંતુ આ થઈ શક્યું નહીં. તેની જગ્યાએ સૂર્યાને કેપ્ટનશિપ આપવામાં આવી હતી. અજીત અગરકર તેમજ અન્ય અધિકારીઓ અને રોહિત હાર્દિકને કેપ્ટન બનાવવાના પક્ષમાં ન હતા.જો કે આ અંગે કોઈ સત્તાવાર માહિતી પ્રાપ્ત થઈ નથી.