વફાદારી મોંઘી...! શાહરૂખ ખાનની ટીમ પર ભડકી ક્રિકેટરની પત્ની, જાણો પુરો મામલો

કોલકાતા નાઈટ રાઈડર્સે IPLની હરાજીમાં ઘણા મજબૂત ખેલાડીઓને ખરીદ્યા હતા પરંતુ કેટલાક એવા ખેલાડીઓ હતા જે લાંબા સમય સુધી તેમની સાથે હતા પરંતુ હવે તેઓ અન્ય ટીમોમાં જતા રહ્યા છે. આવા જ એક ખેલાડી છે નીતીશ રાણા, જેની પત્ની આ વાતને લઈને ખૂબ ગુસ્સે છે. નીતીશ રાણાની પત્ની સચી મારવાહે સોશિયલ મીડિયા પર કોલકાતા નાઈટ રાઈડર્સ વિરૂદ્ધ એક એવી વાત લખી જે KKRના ફેન્સને પસંદ નહીં આવે. સચી મારવાહે કોલકાતાના નીતીશ રાણાને ન ખરીદવા પર ભારે નિરાશા વ્યક્ત કરી છે.

નીતીશ રાણાની પત્ની KKRથી નારાજ

નીતીશ રાણાની પત્ની સચીએ કેકેઆર વિરુદ્ધ ટ્વિટ કર્યું, 'વફાદારી મોંઘી છે, દરેકને તે પરવડી શકે તેમ નથી.' નીતીશ રાણા છેલ્લા 7 વર્ષથી KKRનો હિસ્સો હતો પરંતુ આ વખતે ફ્રેન્ચાઈઝીએ તેના પર બિડ પણ નથી લગાવી તે નીતીશ રાણાની બેઝ પ્રાઈસ 1.5 કરોડ રૂપિયા હતી અને આ વખતે ચેન્નાઈ સુપર કિંગ્સે તેના પર સૌથી પહેલા દાવ લગાવ્યો હતો. પરંતુ અંતે રાજસ્થાન રોયલ્સે જીત મેળવી અને તેને 4 કરોડ 20 લાખ રૂપિયામાં ખરીદ્યો.

KKRએ નીતીશ રાણાને કેમ ન ખરીદ્યો?

નીતીશ રાણાએ 2016માં IPL ડેબ્યૂ કર્યું હતું અને 2018માં KKR સાથે જોડાયા હતા. નીતીશ રાણાને ખરીદવામાં આવ્યો ન હતો કારણ કે તે ગત સિઝનમાં માત્ર 2 મેચ રમી શક્યો હતો. તેના બેટમાંથી માત્ર 42 રન આવ્યા હતા. નીતીશ રાણા KKRની પ્લેઈંગ ઈલેવનમાં ફિટ ન હતા, તેથી તેઓએ નીતીશને જવા દીધો. હવે નીતીશ રાણા રાજસ્થાન રોયલ્સ ટીમ સાથે જોડાયા છે, જ્યાં તેને મિડલ ઓર્ડરમાં મોટી જવાબદારી મળી શકે છે. નીતીશ રાણાએ IPLમાં 107 મેચમાં 28.65ની એવરેજથી 2636 રન બનાવ્યા છે. તેનો સ્ટ્રાઈક રેટ 135થી વધુ છે. નીતીશ રાણા એક સારા પાર્ટ ટાઈમ બોલર પણ છે. તેનો ઈકોનોમી રેટ ઘણો સારો છે, જેનો રાજસ્થાનની ટીમ ઉપયોગ કરી શકે છે.