ટીમ ઈન્ડિયાના યુવા ઓપનર પૃથ્વી શૉનો સમય સારો નથી ચાલી રહ્યો. પૃથ્વી લાંબા સમયથી ટીમ ઈન્ડિયામાંથી બહાર છે, એટલું જ નહીં, આ વખતે આ ખેલાડીને રણજી ટ્રોફીમાં પણ ટીમમાંથી બહાર કરવામાં આવ્યો હતો. જે બાદ પૃથ્વી શૉને મોટો ઝટકો લાગ્યો છે. આ વખતે IPL મેગા ઓક્શનમાં આ ખેલાડી અનસોલ્ડ રહ્યો છે. દિલ્હી કેપિટલ્સે શૉને રિલીઝ કર્યો હતો. જે બાદ હવે ક્રિકેટરનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.


અનસોલ્ડ રહ્યો પૃથ્વી શો

મેગા ઓક્શન માટે પૃથ્વી શોની બેઝ પ્રાઈસ 75 લાખ રૂપિયા હતી, છતાં આ ખેલાડીને કોઈ ખરીદનાર મળ્યો નથી. સોશિયલ મીડિયા પર વાયરલ થઈ રહેલા વીડિયોમાં પૃથ્વી શૉ ટ્રોલિંગ વિશે વાત કરતા જોવા મળે છે. તેણે જણાવ્યું કે લોકો તેને કેવી રીતે ટ્રોલ કરે છે. આ સિવાય પૃથ્વીની લેટેસ્ટ ઈન્સ્ટાગ્રામ સ્ટોરી પણ સોશિયલ મીડિયા પર વાયરલ થઈ રહી છે.

Also Read


ફિટનેસ પર ઉઠ્યા સવાલ

પૃથ્વી શૉની ફિટનેસ પર વારંવાર સવાલો ઉઠ્યા છે. પૃથ્વીને તેની ફિટનેસને લઈને સોશિયલ મીડિયા પર સૌથી વધુ ટ્રોલ કરવામાં આવે છે. શૉના વલણ પર મેદાનની અંદર અને બહાર પણ સવાલો ઉભા થયા છે. દિલ્હી કેપિટલ્સના ભૂતપૂર્વ કોચ રિકી પોન્ટિંગે એકવાર ખુલાસો કર્યો હતો કે શોએ તેના ખરાબ ફોર્મ દરમિયાન નેટ્સમાં પ્રેક્ટિસ કરવાનો ઇનકાર કર્યો હતો.


પૃથ્વીને ફિટનેસ પર કામ કરવું પડશે

જો પૃથ્વી શૉ હવે ટીમમાં વાપસી કરવા ઈચ્છે છે, પછી તે ભારતીય ટીમ હોય કે સ્થાનિક ટીમ, તેણે પોતાની ફિટનેસ પર કામ કરવું પડશે. ઘણીવાર આ ખેલાડીને ફિટનેસની સમસ્યાના કારણે ટીમમાંથી બહાર કરવામાં આવે છે. વેચાયા વગરના રહી ગયા બાદ હવે પૃથ્વી શૉના IPL ભવિષ્ય પર સવાલો ઉભા થઈ રહ્યા છે. જોકે, ચાહકોને આશા છે કે પૃથ્વી ટૂંક સમયમાં જ શાનદાર કમબેક કરશે.


  • Follow us on: