Mega Auctionમાં આ 19 ધાકડ ખેલાડીઓ રહ્યા અનસોલ્ડ, IPLમાં ચાલતો હતો સિક્કો

IPL 2025 મેગા ઓક્શન હવે પૂર્ણ થઈ ગયું છે. જ્યારે કેટલાક ખેલાડીઓ પર પુષ્કળ નાણાંનો વરસાદ થયો હતો, તો કેટલાક મોટા નામો વેચાયા વગરના રહ્યા, જે ચાહકો માટે થોડું આશ્ચર્યજનક રહ્યું છે. કેટલાક ન વેચાયેલા ખેલાડીઓ છે જેમના માટે ફ્રેન્ચાઇઝીઓએ હરાજી દરમિયાન ભારે બોલી લગાવી હતી. હવે ન વેચાયેલા ખેલાડીઓની સંપૂર્ણ યાદી સામે આવી છે. બે દિવસ સુધી ચાલેલી મેગા ઓક્શનમાં લગભગ 100 ખેલાડીઓ વેચાયા વગરના રહ્યા. જેમાં ઘણા મોટા નામો પણ સામેલ છે.

પૃથ્વી શૉથી લઈને વોર્નર સુધી ખેલાડીઓ અનસોલ્ડ રહ્યા

મેગા ઓક્શન પહેલા ઘણા ખેલાડીઓ વિશે એવી અટકળો લગાવવામાં આવી રહી હતી કે આ વખતે આ ખેલાડીઓને વેચવામાં ખૂબ જ મુશ્કેલી પડી શકે છે. જે હવે સાચું સાબિત થયું છે. ડેવિડ વોર્નરે એક સમયે સનરાઈઝર્સ હૈદરાબાદને પોતાની કેપ્ટનશિપમાં ચેમ્પિયન બનાવ્યું હતું પરંતુ આ વખતે તેને કોઈ ખરીદનાર મળ્યો નથી. વોર્નરે આંતરરાષ્ટ્રીય ક્રિકેટમાંથી સંન્યાસ લઈ લીધો છે. આ સિવાય વોર્નરે IPLમાં 184 મેચ રમી છે. જેમાં તેણે 6565 રન બનાવ્યા હતા.

આ દરમિયાન વોર્નરે 4 સદી અને 62 અડધી સદી ફટકારી હતી. આ સિવાય પૃથ્વી શૉને દિલ્હી કેપિટલ્સમાંથી છૂટ્યા બાદ મેગા ઓક્શનમાં પણ કોઈ ફ્રેન્ચાઈઝીએ ખરીદ્યો ન હતો. આ સિવાય મયંક અગ્રવાલ પણ આ વખતે અનસોલ્ડ રહ્યો.

19 અનસોલ્ડ ખેલાડીઓની યાદી

ડેવિડ વોર્નર, જોની બેરસ્ટો, વકાર સલામખેલ, અનમોલ પ્રીત સિંહ, યશ ધુલ, ઉત્કર્ષ સિંહ, ઉપેન્દ્ર યાદવ, કાર્તિક ત્યાગી, પીયૂષ ચાવલા, પૃથ્વી શો, શાર્દુલ ઠાકુર, કેન વિલિયમસન, મયંક અગ્રવાલ, એલેક્સ કેરી, ડેરેલ મિચેલ, કેએસ ભરત, શાઈ હોપ, મુજીબ રહેમાન, વિજયકાંત.