31મી ઑક્ટોબર એટલે કે ગુરુવારે તમામ ટીમોએ ખેલાડીઓએ રિટેન અને રિલીઝ ડેટ જાહેર કરી છે. આ દરમિયાન કેટલાક ચોંકાવનારા નિર્ણય જોવા મળ્યા. લખનઉ સુપર જાયન્ટ્સ (એલએસજી) એ તેના કેપ્ટન કેએલ રાહુલને બહારનો રસ્તો બતાવ્યો છે. નિકોલસ પૂરનને (રૂ. 21 કરોડ) જાળવી રાખવામાં આવ્યો છે. આ સાથે રવિ બિશ્નોઈ (રૂ. 11 કરોડ), મયંક યાદવ (રૂ. 11 કરોડ), મોહસીન ખાન (રૂ. 4 કરોડ) અને આયુષ બદોની (રૂ. 4 કરોડ)ને પણ પોતાની સાથે રાખવામાં આવ્યા છે.


હરાજીમાં વિકેટકીપર હશે

રિષભ પંત, કેએલ રાહુલ, ઈશાન કિશન, જોસ બટલર અને ક્વિન્ટન ડી કોક જેવા ખેલાડીઓને બહાર કરવામાં આવ્યા છે. આ તમામ ખેલાડીઓ તેમની શાનદાર બેટિંગ તેમજ શ્રેષ્ઠ વિકેટ કીપિંગ માટે જાણીતા છે. દિલ્હી કેપિટલ્સે પોતાના નિર્ણયથી બધાને ચોંકાવી દીધા છે. દિલ્હીએ આગામી સિઝન માટે રિષભ પંતને રિટેન કર્યો નથી. આવી સ્થિતિમાં હરાજીમાં વિકેટ કીપર પર પૈસાનો વરસાદ થઈ શકે છે.

પંજાબમાં સૌથી વધુ પૈસા !

પંજાબ કિંગ્સ (PBKS) એ શશાંક સિંહ અને પ્રભસિમરન સિંહને રિટેન કર્યો છે. પંજાબ કિંગ્સે શશાંક સિંઘને રૂ. 5.5 કરોડમાં અને પ્રભસિમરન સિંઘને રૂ. 4 કરોડમાં રિટેન કર્યા હતા. આ વખતે તમામ ટીમોના પર્સમાં કુલ 120 કરોડ રૂપિયા આપવામાં આવ્યા હતા, જેમાંથી રિટેન્શન પછીના બાકીના પૈસા હરાજીમાં ઉપયોગમાં લેવાશે. આવી સ્થિતિમાં પંજાબ મહત્તમ રૂ. 110 કરોડ સાથે હરાજી ટેબલ પર જશે.

પંજાબે આ ખેલાડીઓને બહાર કર્યા

શિખર ધવન (કેપ્ટન), અર્શદીપ સિંહ, ઋષિ ધવન, હર્ષલ પટેલ, હરપ્રીત બ્રાર, રાહુલ ચહર, જીતેશ શર્મા, અથર્વ તાયડે, શિવમ સિંહ, હરપ્રીત ભાટિયા, વિદ્વાથ કવેરપ્પા, વિશ્વનાથ પ્રતાપ સિંહ, પ્રિન્સ ચૌધરી, તનય થિયાગરાજન, આશુતોષ શર્મા, તનય થિગરાજન. લિયામ લિવિંગસ્ટોન, કાગિસો રબાડા, નાથન એલિસ, સેમ કુરાન, સિકંદર રઝા, ક્રિસ વોક્સ, રિલે રૂસો.


  • Follow us on: