- હર્ષલ પટેલ IPL 2024 સીઝનમાં પંજાબ કિંગ્સની જર્સીમાં જોવા મળશે
- અગાઉ હર્ષલ પટેલ રોયલ ચેલેન્જર્સ બેંગ્લોરનો હિસ્સો હતો
- હર્ષલ પટેલની મૂળ કિંમત 2 કરોડ રૂપિયા હતી
આજે આઇપીએલ 2024 માટે મીનિ ઓક્શન દુબઇ ખાતે યોજાયું છે. હર્ષલ પટેલને પંજાબ કિંગ્સે ખરીદ્યો હતો. હર્ષલ પટેલ IPL 2024 સીઝનમાં પંજાબ કિંગ્સની જર્સીમાં જોવા મળશે. પંજાબ કિંગ્સે 11.75 કરોડ રૂપિયા ખર્ચીને હર્ષલ પટેલને પોતાની ટીમમાં સામેલ કર્યો હતો. જ્યારે હર્ષલ પટેલની મૂળ કિંમત 2 કરોડ રૂપિયા હતી. પંજાબ કિંગ્સ ઉપરાંત ગુજરાત ટાઇટન્સ અને લખનૌ સુપર જાયન્ટ્સે હર્ષલ પટેલ માટે બોલી લગાવી હતી, પરંતુ પંજાબ કિંગ્સે છેલ્લી બોલી જીતી હતી.
RCBનો ભાગ હતો હર્ષલ
અગાઉ હર્ષલ પટેલ રોયલ ચેલેન્જર્સ બેંગ્લોરનો હિસ્સો હતો, પરંતુ તાજેતરમાં રોયલ ચેલેન્જર્સ બેંગ્લોરે હર્ષલ પટેલને રિલીઝ કર્યો હતો. IPL ઓક્શન 2023માં રોયલ ચેલેન્જર્સ બેંગ્લોરે હર્ષલ પટેલને 10.75 કરોડ રૂપિયામાં ખરીદ્યો હતો. રોયલ ચેલેન્જર્સ બેંગ્લોર ઉપરાંત હર્ષલ પટેલ IPLમાં દિલ્હી કેપિટલ્સ અને મુંબઈ ઈન્ડિયન્સનો ભાગ રહી ચૂક્યો છે. પરંતુ હવે તે પંજાબ કિંગ્સની જર્સીમાં જોવા મળશે.
ગુજરાત ટાઇટન્સે કરી ઓપનિંગ, પંજાબ કિંગ્સે કર્યું ફિનિશ...
આ હરાજીમાં ગુજરાત ટાઇટન્સે હર્ષલ પટેલ માટે પ્રથમ બોલી લગાવી હતી. હર્ષલ પટેલની મૂળ કિંમત 2 કરોડ રૂપિયા હતી. આ પછી પંજાબ કિંગ્સનો પ્રવેશ થયો. પંજાબ કિંગ્સ અને ગુજરાત ટાઇટન્સે બિડિંગ ચાલુ રાખ્યું હતું. જ્યારે હર્ષલ પટેલની કિંમત 11 કરોડ રૂપિયા સુધી પહોંચી ત્યારે લખનૌ સુપર જાયન્ટ્સમાં પ્રવેશ થયો, પરંતુ આ ટીમે ટૂંક સમયમાં જ પોતાની જાતને સાઇડલાઇન કરી દીધી. આ રીતે પંજાબ કિંગ્સે હર્ષલ પટેલ માટે છેલ્લી બોલી લગાવી હતી. પંજાબ કિંગ્સે હર્ષલ પટેલને રૂ. 11.75 કરોડમાં સાઇન કરવામાં સફળતા મેળવી હતી.
હર્ષલ પટેલનું IPL કરિયર
અત્યાર સુધી હર્ષલ પટેલ IPLમાં 92 મેચ રમી ચૂક્યો છે. તેણે તેની IPL કરિયરમાં 111 વિકેટ લીધી છે. IPL મેચોમાં હર્ષલ પટેલની ઈકોનોમી 8.59 રહી છે જ્યારે એવરેજ 24.07 રહી છે. હર્ષલ પટેલે તેની આઈપીએલ કારકિર્દીમાં એક જ મેચમાં 5 વિકેટ લેવાની સિદ્ધિ મેળવી છે. તે જ સમયે, હર્ષલ પટેલની શ્રેષ્ઠ બોલિંગ 27 રનમાં 5 વિકેટ છે.
