'એમએસ ધોની' છે ચેન્નાઈની ટીમ માટે માસ્ટર માઈન્ડ! સામે આવ્યું રહસ્ય

સાઉદી અરેબિયાના જેદ્દાહ શહેરમાં IPL 2025નો મેગા ઓક્શન ચાલી રહી છે. 24 અને 25 નવેમ્બર એમ બે દિવસ ઓક્શન યોજાવાનો છે. ઓક્શનમાં પ્રથમ દિવસ ખૂબ જ રસપ્રદ રહ્યો, જેમાં તમામ ફ્રેન્ચાઈઝીના પ્રતિનિધિઓ ઓક્શનમાં બોલી લગાવવા આવ્યા હતા. એમએસ ધોની ચેન્નાઈ સુપર કિંગ્સના ટેબલ પર જોવા મળ્યો ન હતો, પરંતુ તે કોલ પર જોડાયેલ હતો.

એમએસ ધોની સાથે કોલ પર વાતચીત

એમએસ ધોની પડદા પાછળ ટીમને તૈયાર કરવામાં મદદ કરી રહ્યો હતો. ચેન્નાઈ દ્વારા સોશિયલ મીડિયા પર એક વીડિયો શેર કરવામાં આવ્યો હતો, જેમાં ડ્વેન બ્રાવો એમએસ ધોની સાથે કોલ પર વાત કરતો જોવા મળ્યો હતો. આવી પરિસ્થિતિમાં, તમે કહી શકો છો કે ઓક્શનમાં ખરીદાયેલા ખેલાડીઓ પાછળ થાલાના મગજનો ઉપયોગ કરવામાં આવી રહ્યો છે.

તમને જણાવી દઈએ કે ચેન્નાઈએ ઓક્શનના પહેલા દિવસે કુલ 7 ખેલાડીઓને ખરીદ્યા હતા, જેમાં તેણે રચિન રવિન્દ્ર માટે રાઈટ ટુ મેચનો ઉપયોગ કર્યો હતો. ચેન્નાઈ દ્વારા ખરીદાયેલા સાત ખેલાડીઓમાં 3 વિદેશી ખેલાડીઓનો સમાવેશ થાય છે. ચેન્નાઈએ આ ખેલાડીઓને ખરીદવામાં 39.40 કરોડ રૂપિયા ખર્ચ્યા હતા. હવે ચેન્નાઈ પાસે ઓક્શનના બીજા દિવસે 15.60 રૂપિયા બાકી છે. હાલમાં ફ્રેન્ચાઈઝી પાસે 12 સ્લોટ ખાલી છે.

ચેન્નાઈ દ્વારા 7 ખેલાડીઓ ખરીદ્યા

નૂર અહેમદ, રવિચંદ્રન અશ્વિન, ડેવોન કોનવે, સૈયદ ખલીલ અહેમદ, રચિન રવિન્દ્ર (RTM), રાહુલ ત્રિપાઠી, વિજય શંકર (અનકેપ્ડ ખેલાડી).

પાંચ ખેલાડીઓને કર્યા રિટેન

ચેન્નાઈના ઓક્શન પહેલા કુલ 5 ખેલાડીઓને રિટેન કરવામાં આવ્યા હતા, જેમાં રૂતુરાજ ગાયકવાડ, મતિશા પથિરાના, શિવમ દુબે, રવિન્દ્ર જાડેજા અને એમએસ ધોનીનો સમાવેશ થાય છે.

હવે એ જોવાનું રસપ્રદ રહેશે કે મેગા ઓક્શનના બીજા દિવસે ચેન્નાઈની ટીમ 15.60 કરોડ રૂપિયામાં કેટલા ખેલાડીઓને ખરીદવામાં સફળ થાય છે. એક ટીમ તેની ટીમમાં વધુમાં વધુ 25 ખેલાડીઓનો સમાવેશ કરી શકે છે.