- મુંબઈ ઈન્ડિયન્સે સોશિયલ મીડિયા પર એક વીડિયો શેર કર્યો
- ઈશાન કિશન ખરાબ રીતે ડરી ગયેલો જોવા મળ્યો
- 'ડરના મના હૈ'ની ચેતવણી મળી ગઈ હતી
જ્યારથી ઈશાન કિશન માનસિક થાકને કારણે ક્રિકેટથી દૂર થયો છે ત્યારથી તે ચર્ચાનો વિષય બન્યો છે. ઈશાને દક્ષિણ આફ્રિકા પ્રવાસ દરમિયાન ટીમ ઈન્ડિયામાંથી પોતાનું નામ પાછું ખેંચી લીધું હતું. તેણે ઓસ્ટ્રેલિયા વિરૂદ્ધ ટી20 સિરીઝમાં છેલ્લી મેચ રમી હતી, જે બાદ માનસિક થાકને કારણે તે મેદાન પર પરત ફરી શક્યો ન હતો. હવે આ બધાની વચ્ચે ઈશાન હોટલના રૂમમાં ખૂબ જ ડરી ગયો હતો.
MIએ શેર કર્યો વીડિયો
વાસ્તવમાં મુંબઈ ઈન્ડિયન્સે સોશિયલ મીડિયા પર એક વીડિયો શેર કર્યો છે, જેમાં ઈશાન કિશન ખરાબ રીતે ડરી ગયેલો જોવા મળી રહ્યો છે. ડરના કારણે ઈશાન કિશનની હાલત ખરાબ થઈ જાય છે અને તે હોલ્ટના રૂમમાંથી ભાગી જાય છે. જોકે, ઈશાનને પહેલેથી જ 'ડરના મના હૈ'ની ચેતવણી મળી ગઈ હતી.
બોટલ ફ્લિપ કરતો દેખાયો ઇશાન
વીડિયોમાં જોઈ શકાય છે કે ઈશાન કિશન હોટલના રૂમમાં જઈ રહ્યો છે. તે રૂમના ગેટ પર પહોંચે છે, તેને એક સ્ટીકર દેખાય છે જેના પર લખ્યું છે, "ડરના મના હૈ!" તે આ જોઈને ચોંકી જાય છે અને પછી રૂમમાં જાય છે. આ પછી, ઈશાન અરીસા સામે ઉભો રહે છે અને બોટલ ફ્લિપ કરવાનું શરૂ કરે છે.
ડરીને ભાગ્યો ઇશાન કિશન
પહેલા તે અરીસામાં તે જ જુએ છે જે રીતે ઈશાન જુએ છે, પરંતુ પછી ઈશાનને અરીસામાં કંઈક અલગ જ દેખાય છે. ઈશાન અરીસામાં પોતાનું પ્રતિબિંબ તે કામ કરે છે જે તે પોતે પણ નથી કરતો. આ જોઈને ઈશાન ખૂબ જ ડરી જાય છે અને હોટલના રૂમમાંથી બહાર ભાગી જાય છે. તમને જણાવી દઈએ કે આ એક ફની વીડિયો છે. મુંબઈએ ઈશાનનું આ રીતે સ્વાગત કર્યું. વીડિયોના કેપ્શનમાં લખ્યું છે કે, "જુઓ, ટીમ હોટલ પર પહોંચતાની સાથે જ બોટલ ફ્લિપ કરવાનું પરિણામ."
