વિશ્વનો સૌથી કમનસીબ ક્રિકેટર! માત્ર 3 કલાકમાં જ આંતરરાષ્ટ્રીય કારકિર્દીનો આવ્યો અંત

કોઈપણ ખેલાડી માટે પોતાના દેશ માટે રમવું અને મોટા મંચ પર પ્રદર્શન કરવાનું સપનું હોય છે. તે હંમેશા તેની જર્સી પહેરીને પોતાના દેશને ગૌરવ અપાવવા માંગે છે. પરંતુ દરેકનું નસીબ એટલું સારું નથી હોતું. કેટલાક ખેલાડીઓ ખૂબ જ કમનસીબ હોય છે. ક્રિકેટના ઈતિહાસમાં આવા ઘણા ખેલાડીઓ છે. જેમાંથી એક છે જેલ્ટે ડી શૂનહેમ. નેધરલેન્ડના ક્રિકેટર જેલ્ટેની આંતરરાષ્ટ્રીય કારકિર્દી માત્ર 3 કલાકમાં જ ખતમ થઈ ગઈ હતી.

ડેબ્યુ મેચમાં વરસાદે મજા બગાડી નાખી

ડચ બેટ્સમેન જેલ્ટે ડી શૂનહેમની કારકિર્દી વિશ્વભરના ક્રિકેટરોમાં સૌથી ટૂંકી માનવામાં આવે છે. ખાસ વાત એ છે કે તેની કારકિર્દી માત્ર 3 કલાકમાં જ ખતમ થઈ ગઈ હતી. તેણે નેધરલેન્ડ માટે આયર્લેન્ડ સામે ડેબ્યુ કર્યું હતું. શૂનહેઈમે 5 ઓગસ્ટ 2008ના રોજ આયર્લેન્ડ સામે ICC T20 વર્લ્ડ પ ક્વોલિફાયરમાં ડેબ્યૂ કર્યું હતું, પરંતુ આયર્લેન્ડે ટોસ જીત્યા બાદ મેચમાં વરસાદ પડ્યો હતો.

ખેલાડીઓએ લાંબા સમય સુધી વરસાદ બંધ થવાની રાહ જોઈ હતી. અમ્પાયરોએ પણ મેચ શરૂ થવા માટે ત્રણ કલાક સુધી રાહ જોઈ, પરંતુ વરસાદ બંધ ન થયો. આખરે મેચ રદ કરવામાં આવી હતી. ખાસ વાત એ છે કે અત્યાર સુધી આ મેચ સત્તાવાર રીતે મેચ રેકોર્ડમાં ગણાય છે કારણ કે નેધરલેન્ડ અને આયર્લેન્ડના કેપ્ટન ટોસ કરવામાં સફળ રહ્યા હતા.

એક મેચ બાદ બીજી તક મળી નથી

નિયમો મુજબ ટોસ બાદ મેચ સત્તાવાર રીતે ક્રિકેટના રેકોર્ડમાં નોંધાય છે. તેથી, આ મેચ શૂનમેનના નામે નોંધાયેલ છે, પરંતુ તેની કમનસીબી એવી હતી કે તેને એક પણ બોલ રમવાની તક ન મળી. એકંદરે તેની આંતરરાષ્ટ્રીય કારકિર્દી માત્ર 3 કલાક જ ચાલી. આ ટોસ અને મેચ રદ્દ થવા વચ્ચેનો સમય છે. આ પછી તેને ક્યારેય પોતાની ટીમ તરફથી રમવાની તક મળી નથી.

યુરોપિયન ક્રિકેટમાં રમતો જોવા મળે છે

હાલમાં તેની ઉંમર 42 વર્ષની છે. શૂનહેમ પોતાના દેશ માટે અંડર-19 અને અંડર-23 ક્રિકેટ પણ રમ્યો હતો. ફર્સ્ટ ક્લાસ મેચમાં તેના નામે 17 રન છે. જેલ્ટે હવે યુરોપિયન ક્રિકેટમાં T10 ક્રિકેટ રમતા જોવા મળે છે. તે રોટરડેમ સહિત અનેક ટીમો માટે રમ્યો છે. 2019માં તેણે 5 મેચમાં 46 રન બનાવ્યા, વર્ષ 2020માં તેણે 4 મેચમાં 80 રન બનાવ્યા અને વર્ષ 2022માં તેણે 4 મેચમાં 144 રન બનાવ્યા, વર્ષ 2023માં તેણે 6 મેચમાં 119 રન બનાવ્યા અને વર્ષ 2024માં તેણે 6 મેચમાં 96 રન બનાવ્યા. કુલ 32 મેચમાં તેણે 485 રન બનાવ્યા છે. આ સમયગાળા દરમિયાન તેની એવરેજ 30.31 હતી અને સ્ટ્રાઈક રેટ 194.00 હતો.