ODI સિરીઝમાં શરમજનક હાર, હવે T20 ટીમમાં દિગ્ગજ ખેલાડીની થઈ એન્ટ્રી

આ દિવસોમાં ઈંગ્લેન્ડ ક્રિકેટ ટીમ વેસ્ટ ઈન્ડિઝના પ્રવાસ પર છે, જ્યાં 3 મેચની વનડે સિરીઝ બાદ 5 મેચની ટી-20 સિરીઝ રમાશે. ઈંગ્લેન્ડને વનડે સિરીઝમાં વેસ્ટ ઈન્ડિઝ સામે હારનો સામનો કરવો પડ્યો હતો. વેસ્ટ ઈન્ડિઝે ઈંગ્લેન્ડને સિરીઝમાં 2-1થી હરાવ્યું હતું. આવી સ્થિતિમાં હવે ઇંગ્લેન્ડની ટીમની નજર T-20 સિરીઝ પર ટકેલી છે. ઇંગ્લેન્ડનો દિગ્ગજ ખેલાડી જોસ બટલર T-20 સિરીઝ માટે સુકાનીપદ સંભાળવા માટે તૈયાર છે.

જોસ બટલર સંભાળશે કેપ્ટનશીપ

લિયામ લિવિંગસ્ટોને ઈંગ્લેન્ડની વનડે સિરીઝ માટે સુકાનીપદ સંભાળ્યું. પરંતુ તેના નેતૃત્વમાં ઈંગ્લેન્ડની ટીમ સારૂ પ્રદર્શન કરી શકી ન હતી. જો કે હવે જોસ બટલર ટી-20 સિરીઝમાં કેપ્ટનશીપ સંભાળતો જોવા મળશે. ટી20 વર્લ્ડ કપ 2024માં બટલરે ઈંગ્લેન્ડ માટે તેની છેલ્લી ટી20 મેચ રમી હતી. આ પછી તેને ઈજા થઈ હતી. પરંતુ હવે તે ટી-20 સિરીઝ દ્વારા પુનરાગમન કરવા માટે તૈયાર છે. વેસ્ટ ઈન્ડિઝ સામે પ્રથમ T20 મેચ 10 નવેમ્બરે રમાશે.

T20માં શાનદાર કપ્તાન

જોસ બટલરે ઈંગ્લેન્ડની શાનદાર કેપ્ટનશીપ કરી છે. તેણે ટી-20 વર્લ્ડ 2022માં ઈંગ્લેન્ડને ખિતાબ પણ અપાવ્યો હતો. બટલરની કપ્તાનીમાં ઈંગ્લેન્ડે ટી20 વર્લ્ડ કપ 2024માં પણ ભાગ લીધો હતો. તેણે તેની છેલ્લી મેચ T-20 વર્લ્ડ કપ 2024માં ભારત સામે રમી હતી. જો આપણે T-20ના આંકડા પર નજર કરીએ તો તેણે 124 T-20 મેચ રમીને 35.86ની એવરેજથી 3264 રન બનાવ્યા છે.

ઇંગ્લેન્ડ ક્રિકેટ ટીમની T-20 ટીમ

જોસ બટલર (કેપ્ટન), જોફ્રા આર્ચર, જેકબ બેથેલ, જાફર ચૌહાણ, સેમ કરન, વિલ જેક્સ, લિયમ લિવિંગસ્ટોન, સાકિબ મહમૂદ, ડેન મુસલી, જેમી ઓવરટોન, આદિલ રશીદ, ફિલ સોલ્ટ, રીસ ટોપલી, જોન ટર્નર.

T-20 સિરીઝ માટે વેસ્ટ ઈન્ડિઝની ટીમ

રોવમેન પોવેલ (કેપ્ટન), રોસ્ટન ચેઝ, શિમરોન હેટમાયર, મેથ્યુ ફોર્ડ, ટેરેન્સ હિન્ડ્સ, શાઈ હોપ, અકીલ હુસૈન, શમર જોસેફ, બ્રાન્ડોન કિંગ, એવિન લેવિસ, ગુડાકેશ મોતી, નિકોલસ પૂરન, આન્દ્રે રસેલ, શેરફેન રધરફોર્ડ, રોમારિયો શેફર્ડ.