કેન વિલિયમસને સદી ફટકારી ગાંગુલી-સેહવાગ સહિત દિગ્ગજોને પાછળ છોડ્યા

• કેન વિલિયમસને આંતરરાષ્ટ્રીય ક્રિકેટમાં 39મી સદી ફટકારી
  
• વીરેન્દ્ર સેહવાગ, સૌરવ ગાંગુલી, એલિસ્ટર કૂકને પાછળ છોડ્યા
• તિલકરત્ને દિલશાન અને મોહમ્મદ યુસુફની કરી બરાબરી

ન્યૂઝીલેન્ડ અને ઈંગ્લેન્ડ વચ્ચે બેસિન રિઝર્વ ખાતે ટેસ્ટ શ્રેણીની બીજી ટેસ્ટ મેચ રમાઈ રહી છે. બીજી ટેસ્ટ મેચના ચોથા દિવસે કિવી ટીમના બેટ્સમેન કેન વિલિયમસને ઈંગ્લેન્ડ સામેની બીજી ટેસ્ટ મેચમાં સદી ફટકારી છે.

સેહવાગ-ગાંગુલીને પાછળ છોડ્યા

ઈંગ્લેન્ડની ટીમે પ્રથમ ઈનિંગમાં 435 રન બનાવ્યા હતા, જેના જવાબમાં ન્યૂઝીલેન્ડની ટીમ 209 રનમાં જ ઢગલી થઈ ગઈ હતી, ત્યારબાદ ઈંગ્લિશ ટીમે ફોલોઓન કરીને ન્યૂઝીલેન્ડને ફરીથી બેટિંગ કરવા માટે મજબૂર કર્યું હતું. બીજી ઈનિંગમાં વિલિયમસને સદી ફટકારીને કીવી ટીમને મજબૂત કરી અને એક મોટી સિદ્ધિ પણ હાંસલ કરી. તેણે સદીના આધારે ટીમના ભૂતપૂર્વ સાથી રોસ ટેલર અને ભૂતપૂર્વ ભારતીય બેટ્સમેન વીરેન્દ્ર સેહવાગ અને સૌરવ ગાંગુલી જેવા અનુભવી ખેલાડીઓને પાછળ છોડી દીધા છે.

કેન વિલિયમસને 26મી ટેસ્ટ સદી ફટકારી

ઈંગ્લેન્ડ અને ન્યૂઝીલેન્ડ વચ્ચે રમાઈ રહેલી બીજી ટેસ્ટ મેચના ચોથા દિવસે ન્યૂઝીલેન્ડ ટીમના સ્ટાર બેટ્સમેન કેન વિલિયમસને શાનદાર સદી ફટકારીને ટીમને મજબૂતી આપી છે. બીજી ઈનિંગમાં વિલિયમસને સદીના આધારે લીડ મેળવી હતી. કિવી ટીમને તેની ખૂબ જરૂર હતી ત્યારે આ સદી તેના બેટમાંથી નીકળી હતી. કેન વિલિયમસને આ તોફાની ઇનિંગને કારણે ન્યૂઝીલેન્ડના ભૂતપૂર્વ ખેલાડી રોસ ટેલરના રેકોર્ડને તોડી નાખ્યો હતો. વિલિયમસન હવે ન્યૂઝીલેન્ડ તરફથી ટેસ્ટ ક્રિકેટમાં સૌથી વધુ રન બનાવનાર બેટ્સમેન બની ગયો છે.

આંતરરાષ્ટ્રીય ક્રિકેટમાં વિલિયમસની 39 સદી

કેને 226 બોલમાં 8 ચોગ્ગાની મદદથી પોતાની સદી પૂરી કરી હતી. આ સદી સાથે તેણે આંતરરાષ્ટ્રીય ક્રિકેટમાં 39 સદી ફટકારી છે. આમ કરીને તેણે આ યાદીમાં પૂર્વ ભારતીય કેપ્ટન સૌરવ ગાંગુલી અને પૂર્વ ભારતીય બેટ્સમેન વીરેન્દ્ર સેહવાગ અને એલિસ્ટર કૂકને પાછળ છોડી દીધા છે. આંતરરાષ્ટ્રીય ક્રિકેટમાં સૌથી વધુ સદી ફટકારવાની બાબતમાં, વિલિયમસને અત્યાર સુધી તિલકરત્ને દિલશાન અને મોહમ્મદ યુસુફની બરાબરી કરી લીધી છે.