IPLના શેડ્યૂલમાં કરાયો મોટો ફેરફાર, ગુજરાત સહિત આ ટીમોની મેચની તારીખો બદલાઇ

• IPL 2024 લોકસભા ચૂંટણી વચ્ચે પણ ભારતમાં રમાશે
  
• IPLના શેડ્યૂલમાં મોટો ફેરફાર જોવા મળ્યો
• બે મેચોના શેડ્યૂલમાં ફેરફાર કરવામાં આવ્યો

IPL 2024 ચાલી રહી છે અને ટૂર્નામેન્ટ લોકસભા ચૂંટણી વચ્ચે પણ ભારતમાં રમાશે. પરંતુ મંગળવારે 2 એપ્રિલે IPLના શેડ્યૂલમાં મોટો ફેરફાર જોવા મળ્યો હતો. હવે IPLનું અપડેટ શેડ્યૂલ બહાર આવ્યું છે. તે મુજબ બે મેચોના શેડ્યૂલમાં ફેરફાર કરવામાં આવ્યો છે. આ અદલાબદલી 16 અને 17 એપ્રિલની મેચોમાં થઈ હતી. જે મેચ 16મીએ રમવાની હતી તે હવે 17મીએ રમાશે જ્યારે 17મીની મેચ 16મીએ રમાશે.

આ બે મેચોનું શેડ્યૂલ બદલાયું

તમને જણાવી દઈએ કે આ પહેલા KKR અને રાજસ્થાન રોયલ્સ વચ્ચે 17 એપ્રિલે કોલકાતાના ઈડન ગાર્ડન્સમાં મેચ રમાવાની હતી. હવે આ મેચને 16 તારીખે રાખવામાં આવ્યો છે. અમદાવાદમાં 16મી એપ્રિલે દિલ્હી કેપિટલ્સ અને ગુજરાત ટાઇટન્સ વચ્ચે રમાનારી મેચ હવે 17મીએ તે જ સ્થળે રમાશે. માત્ર તારીખો બદલાઈ છે.

શેડ્યૂલ કેમ બદલાયું?

આ શેડ્યૂલમાં ફેરફાર અંગેની માહિતી IPL દ્વારા ટ્વિટર પર મીડિયા એડવાઇઝરી જારી કરીને શેર કરવામાં આવી હતી. ટૂર્નામેન્ટ્સ વચ્ચે આ ફેરફાર કેમ થયો તેનું કારણ રામ નવમીનો તહેવાર છે. 17 એપ્રિલે કોલકાતામાં મેચ હતી અને તે જ દિવસે રામનવમી છે. શહેરમાં આ તહેવારનું એક અલગ જ મહત્વ છે અને તે દિવસે સુરક્ષામાં ઘટાડો થઈ શકે છે.

આ મેચ એક દિવસ પહેલા રિશેડ્યૂલ કરવામાં આવી હતી. સોમવારે માહિતી મળી હતી કે IPL ફ્રેન્ચાઇઝી, BCCI અને બંગાળ ક્રિકેટ એસોસિએશનના અધિકારીઓ કોલકાતા પોલીસના સંપર્કમાં છે. આ બે મેચ સિવાય અન્ય કોઈ મેચના શેડ્યૂલમાં કોઈ ફેરફાર કરવામાં આવ્યો નથી. બાકીની તમામ મેચો તેમના નિર્ધારિત કાર્યક્રમ મુજબ રમાશે.