- શૂટર મનુ ભાકરે પેરિસ ઓલિમ્પિકમાં ફરી એકવાર રચ્યો ઈતિહાસ
- ઓલિમ્પિકમાં બે મેડલ જીતનારી પ્રથમ ભારતીય મહિલા બની
- મનુ-સરબજોતની જોડીએ કોરિયાને 16-10થી હરાવીને જીત્યો બ્રોન્ઝ
હરિયાણાના ઝજ્જરના ગોરિયા ગામની દીકરી શૂટર મનુ ભાકરે પેરિસ ઓલિમ્પિકમાં ફરી એકવાર ઈતિહાસ રચ્યો છે. જેના કારણે ગામમાં ઉજવણી કરવામાં આવી રહી છે. પરિવારના સભ્યો અને ગ્રામજનો એકબીજાને ગળે લગાવીને ઉજવણી કરી રહ્યા છે. મનુની દાદી પણ ડાન્સ કરતી જોવા મળી હતી. મનુ એક જ ઓલિમ્પિકમાં બે મેડલ જીતનારી પ્રથમ ભારતીય મહિલા બની છે.
મનુ અને સરબજોતની ભારતીય જોડીએ મંગળવારે 10 મીટર પિસ્તોલ મિશ્રિત ટીમ ઈવેન્ટની બ્રોન્ઝ મેડલ મેચમાં કોરિયાને 16-10થી હરાવ્યું હતું. મનુની જીત બાદ ગોરીયા ગામમાં ખુશીનો માહોલ છે. બે દિવસ પહેલા પણ મનુ ભાકરે વ્યક્તિગત ઈવેન્ટમાં બ્રોન્ઝ મેડલ જીત્યો હતો.
ગામમાં ઉજવણી કરવામાં આવી રહી છે
મનુ એક જ ઓલિમ્પિકમાં બે મેડલ જીતનારી પ્રથમ ભારતીય મહિલા બની છે. બધાએ એકબીજાને ગળે મળીને ખુશી વ્યક્ત કરી. મનુ જીતતાની સાથે જ ગામમાં ઉજવણી શરૂ થઈ ગઈ હતી. અત્યારે લોકોને પણ મનુ પાસેથી ગોલ્ડ મેડલની આશા છે. મનુ પાસે 25 મીટર એર પિસ્તોલમાં ગોલ્ડ જીતવાની તક છે.
મનુ ભાકર અને સરબજોતે કોરિયાની ટીમને હરાવી
પેરિસ ઓલિમ્પિક 2024ના ચોથા દિવસે ભારતીય ટીમ વધુ એક મેડલ જીતવામાં સફળ રહી છે. ભારતની સ્ટાર શૂટર મનુ ભાકરે ઈતિહાસ રચ્યો છે. ભારતના ઈતિહાસમાં આવું પહેલી વખત બન્યું છે જ્યારે એક જ ખેલાડી એક જ ઓલિમ્પિકમાં બે મેડલ જીતવામાં સફળ રહી હોય. મનુ ભાકર અને સરબજોત સિંહે 10 મીટર પિસ્તોલ મિક્સ્ડ ટીમ ઈવેન્ટમાં બ્રોન્ઝ મેડલ જીત્યો છે. મનુએ ભારતને તેનો બીજો મેડલ અપાવ્યો છે. મનુ ભાકર મહિલાઓની 10 મીટર એર પિસ્તોલમાં બ્રોન્ઝ મેડલ જીતીને ઓલિમ્પિક મેડલ જીતનારી પહેલી ભારતીય મહિલા શૂટર બની હતી.
સાઉથ કોરિયા સામે આપ્યો જોરદાર પડકાર
ભારત અને કોરિયા વચ્ચે રમાયેલી આ મેચમાં ભારતના મનુ ભાકરે સંયમ દર્શાવ્યો હતો, જ્યારે સરબજોત સિંહે એક આદર્શ ખેલાડીની ભૂમિકા ભજવી હતી. આ જોડીએ ઓલિમ્પિકમાં 10 મીટર એર પિસ્તોલ મિક્સડ ટીમ ઈવેન્ટમાં દક્ષિણ કોરિયાને હરાવી બ્રોન્ઝ મેડલ જીત્યો હતો. ભારતીય જોડીએ કોરિયન જોડીને 16-10થી હરાવીને ઓલિમ્પિકમાં દેશને બીજો મેડલ અપાવ્યો હતો. બ્રિટિશ-ભારતીય એથ્લિટ નોર્મન પ્રિચાર્ડે 1900 ઓલિમ્પિકમાં 200 મીટર સ્પ્રિન્ટ અને 200 મીટર હર્ડલ્સમાં બે સિલ્વર મેડલ જીત્યા હતા, પરંતુ આ સિદ્ધિ આઝાદી પૂર્વેના યુગમાં મળી હતી.
