- વરસાદને કારણે ભારત-પાકિસ્તાનની મેચ રદ્દ થઈ
- મેચ રદ્દ થતા તમામ ક્રિકેટ ફેન્સ સ્પષ્ટ રીતે નિરાશ થયા
- ફેન્સે સોશિયલ મીડિયા પર આપી તેમની પ્રતિક્રિયા
એશિયા કપ 2023માં ભારત અને પાકિસ્તાન વચ્ચેની મેચ વરસાદને કારણે રદ કરવામાં આવી હતી. આ મેચમાં ભારતીય દાવનો અંત આવ્યા બાદ વરસાદના કારણે રમત ફરી શરૂ થઈ શકી ન હતી.
બધા ક્રિકેટ પ્રેમીઓ એશિયા કપ 2023 માં ભારત અને પાકિસ્તાન વચ્ચેની મેચની આતુરતાથી રાહ જોઈ રહ્યા હતા. ચાર વર્ષના લાંબા ગાળા બાદ બંને ટીમો ODI ફોર્મેટમાં આમને-સામને આવી રહી હતી, પરંતુ અંતે મેચમાં વરસાદ પડ્યો હતો જેના કારણે મેચ રદ કરવામાં આવી હતી. ભારતીય ઇનિંગ્સના અંત પછી, કેન્ડીમાં શરૂ થયેલો વરસાદ બંધ ન થતાં આખરે અમ્પાયરોએ મેચ રદ કરવાનો નિર્ણય લીધો હતો.
કિશન અને હાર્દિકે શાનદાર ઇનિંગ રમી
ટીમ ઈન્ડિયાએ આ મેચમાં ટોસ જીતીને પહેલા બેટિંગ કરવાનો નિર્ણય લીધો હતો. પાકિસ્તાની ફાસ્ટ બોલરોના શાનદાર પ્રદર્શનના કારણે ભારતીય ટીમ 50 રન પણ ન રમી શકી અને 48.5 ઓવરમાં 266 રન બનાવીને સમેટાઈ ગઈ. ભારતીય ટીમની ઇનિંગ્સમાં ઇશાન કિશને 82 રનની મહત્વની ઇનિંગ રમી હતી અને વાઇસ કેપ્ટન હાર્દિક પંડ્યાએ 87 રનની મહત્વની ઇનિંગ રમી હતી. આ પછી ટીમ તરફથી ત્રીજો સૌથી વધુ સ્કોર ફાસ્ટ બોલર જસપ્રીત બુમરાહનો હતો જેણે 16 રન બનાવ્યા હતા.
પાકિસ્તાન સુપર-4 માટે ક્વોલિફાય થયું
આ મેચ રદ્દ થતાં પાકિસ્તાનની ટીમ સુપર-4 માટે ક્વોલિફાય થઈ ગઈ છે. પાકિસ્તાને તેની પહેલી ગ્રૂપ મેચમાં નેપાળની ટીમને 238 રનથી હરાવ્યું હતું. હવે બાબર આઝમની કપ્તાની હેઠળ પાકિસ્તાનની ટીમ સુપર-4માં તેની પ્રથમ મેચ 6ઠ્ઠી સપ્ટેમ્બરે લાહોરના મેદાનમાં ગ્રુપ-Bમાંથી ક્વોલિફાય થયેલી અન્ય ટીમ સાથે રમશે. આ મેચ રદ્દ થવાને કારણે ભારતીય ટીમને ભલે 1 પોઈન્ટ મળ્યો હોય, પરંતુ સુપર-4માં પહોંચવા માટે 4 સપ્ટેમ્બરે યોજાનારી નેપાળની ટીમ સામેની મેચ જીતવી જરૂરી છે.
આ મેચ રદ્દ થયા બાદ તમામ ક્રિકેટ ફેન્સ સ્પષ્ટ રીતે નિરાશ થયા હતા. કેટલાક ફેન્સે સોશિયલ મીડિયા દ્વારા તેમની પ્રતિક્રિયા વ્યક્ત કરી. જેમાં પૂર્વ ભારતીય ખેલાડી ઈરફાન પઠાણનું ટ્વીટ પણ વાયરલ થઈ રહ્યું છે.
