- ઓસ્ટ્રેલિયાએ ભારતને વર્લ્ડકપ ફાઇનલમાં હરાવ્યું
- માર્નસ લાબુશને ફાઇનલ મેચ વિશે લેખ લખ્યો
- આ લેખમાં વિરાટ કોહલીના સ્લેજિંગનો ઉલ્લેખ કર્યો
ઓસ્ટ્રેલિયા માટે વર્લ્ડકપ ફાઇનલમાં ટ્રેવિસ હેડ સાથે મેચ-વિનિંગ પાર્ટનરશિપ કરનાર માર્નસ લાબુશેને આ મોટી મેચ વિશે એક લેખ લખ્યો છે. આ લેખમાં તેણે તે ખાસ પ્રકરણનો પણ ઉલ્લેખ કર્યો છે જ્યારે વિરાટ કોહલી તેને ઉશ્કેરવાનો પ્રયાસ કરી રહ્યો હતો. લાબુશેને આ પ્રકરણમાં એ પણ જણાવ્યું છે કે તેણે વિરાટ કોહલીના વારંવારના સ્લેજિંગ પર કેવી પ્રતિક્રિયા આપી હતી.
લાબુશેને ફાઇનલ મેચ વિશે લેખ લખ્યો
'માય વર્લ્ડકપ ફાઈનલ રેપ' શીર્ષકવાળા પોતાના ન્યૂઝલેટરમાં માર્નસ લાબુશેને લખ્યું છે કે, 'ત્યાં ઘણો ઘોંઘાટ હતો અને તે સમયે ભારતીય ટીમે ઝડપથી મેચમાં પકડ બનાવી લીધી હતી. ભારતીય ટીમ મારી તરફ આવી રહી હતી અને સાચું કહું તો હું જવાબમાં એટલું જ કહી શક્યો કે, "તમે જે પણ કહો છો, આ ઘોંઘાટમાં હું કંઈ સાંભળી શકતો નથી."
ચાહકોમાં ભારે ઉત્સાહ હતો
માર્નસ લખે છે, 'જ્યારે બસ ગ્રાઉન્ડ પર પહોંચી તો અમે જોયું કે ચાહકો લગભગ 5 કિમી દૂરથી લાઈનમાં ઊભા હતા. આ મેચ માટે ત્યાંના ચાહકો કેટલા ઉત્સાહી હતા તે જોવું આશ્ચર્યજનક હતું. ભીડ વાદળી સમુદ્ર જેવી હતી. એવું લાગતું હતું કે જાણે અમારી અને બાકીની દુનિયા વચ્ચેની સ્પર્ધા હતી. અમને પણ આ પ્રકારનું વાતાવરણ ગમે છે.
વિરાટ કોહલી વિ માર્નસ લેબુશેન
જ્યારે ઓસ્ટ્રેલિયન ટીમ વર્લ્ડ કપ 2023ની ફાઇનલમાં 241 રનના ટાર્ગેટનો પીછો કરી રહી હતી ત્યારે એક સમય એવો હતો જ્યારે કાંગારૂ ટીમે 47 રનમાં ત્રણ વિકેટ ગુમાવી દીધી હતી. માર્નસ લાબુશેન પીચ પર ટ્રેવિડ હેડ સાથે ઊભો હતો. આ દરમિયાન વિરાટ કોહલી સતત માર્નસ લાબુશેનને ઉશ્કેરી રહ્યો હતો. કોહલી જ્યારે સ્લેજિંગ કરી રહ્યો હતો ત્યારે આખા સ્ટેડિયમમાં ભારતીય ક્રિકેટ ચાહકો ઉત્સાહથી શોર મચાવી રહ્યા હતા. જો કે, આ સ્લેજિંગનો જવાબ આપવાને બદલે, લાબુશેને તેની રમત પર ધ્યાન કેન્દ્રિત કર્યું અને સમજદારીપૂર્વક બેટિંગ કરવાનું ચાલુ રાખ્યું. તેણે ટ્રેવિસ હેડ સાથે મળીને 192 રનની ભાગીદારી કરી અને કાંગારૂ ટીમને આસાન જીત અપાવી હતી.
