- IPLની છઠ્ઠી મેચ ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે
- આ મેચ ચેન્નાઈના ચેપોક સ્ટેડિયમમાં સાંજે 7:30 વાગ્યાથી શરૂ થશે
- ચેપોકમાં 3 વર્ષ પછી CSK તેની મેચ એમ. એસ. ધોનીની કેપ્ટન્સીમાં રમશે
IPL 2023ની છઠ્ઠી મેચ ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે રમાશે. આ મેચ ચેન્નાઈના ચેપોક સ્ટેડિયમમાં સાંજે 7:30 વાગ્યાથી શરૂ થશે. ચેપોકમાં 3 વર્ષ પછી CSK તેની મેચ એમ. એસ. ધોનીની કેપ્ટન્સીમાં રમશે. કેએલ રાહુલની કપ્તાની હેઠળ લખનૌ સુપર જાયન્ટ્સે પોતાની પહેલી મેચમાં દિલ્હીને હરાવીને શાનદાર જીત મેળવી હતી. તે દરમિયાન કાઇલ મેયર અને માર્ક વુડે વિરોધી ટીમને ઘણી પરેશાન કરી હતી. જે બાદ આશા છે કે ચેપોકમાં રમાનારી મેચમાં આ બંને ખેલાડીઓ ધોનીની ટીમની મુશ્કેલીઓ વધારી શકે છે.
બીજી તરફ ચેન્નાઈને તેની પહેલી મેચમાં ગુજરાતના હાથે હારનો સામનો કરવો પડ્યો હતો. જોકે, તે દરમિયાન ઋતુરાજ ગાયકવાડે બેટથી શાનદાર રમત બતાવી હતી. ગાયકવાડે પહેલી મેચમાં 50 બોલમાં 90 રનની ઇનિંગ રમી હતી.
