શમીની વર્લ્ડકપમાં થશે વાઇલ્ડ કાર્ડ એન્ટ્રી? બોલિંગ પ્રેક્ટિસ કરતો દેખાયો ખેલાડી

• ભારતના સ્ટાર ફાસ્ટ બોલર મોહમ્મદ શમી મેદાનની બહાર છે
  
• મોહમ્મદ શમીએ કમબેક માટે પ્રેક્ટિસ શરૂ કરી દીધી છે
• મોહમ્મદ શમી છેલ્લે 2023 ODI વર્લ્ડકપમાં જોવા મળ્યો હતો

ભારતીય ક્રિકેટ ટીમના સ્ટાર ફાસ્ટ બોલર મોહમ્મદ શમી હાલ પગની ઘૂંટીમાં ઈજાના કારણે મેદાનની બહાર છે. શમીએ ન તો IPL 2024ની એક પણ મેચ રમી છે અને ન તો તે T20 વર્લ્ડકપનો ભાગ છે. જો કે, પ્રશંસકો માટે સારા સમાચાર છે કે 33 વર્ષીય બોલરે તેના કમબેક માટે પ્રેક્ટિસ શરૂ કરી દીધી છે.

બોલિંગની પ્રેક્ટિસ કરતો જોવા મળ્યો શમી

આ અનુભવી બોલરનું 26 ફેબ્રુઆરીએ ઓપરેશન થયું હતું. શમીએ હાલમાં જ પોતાના ઈન્સ્ટાગ્રામ એકાઉન્ટ પર ટ્રેનિંગનો એક વીડિયો શેર કર્યો છે. મોહમ્મદ શમીએ વીડિયોના કેપ્શનમાં લખ્યું છે - "ઈજાએ મને મેદાનની બહાર રાખ્યો છે, પરંતુ તે મને લાંબા સમય સુધી પાછળ રાખી શકશે નહીં. ટૂંક સમયમાં હું મેદાન પર પાછો ફરીશ અને મારું સ્થાન પાછું મેળવીશ."

શમી બાંગ્લાદેશ સિરીઝમાં વાપસી કરશે

શમી છેલ્લે 2023 ODI વર્લ્ડકપમાં જોવા મળ્યો હતો. તે ટૂર્નામેન્ટમાં ભારતીય ટીમ માટે સૌથી વધુ વિકેટ લેનારો બોલર બન્યો હતો. તેણે માત્ર 7 મેચમાં 27 વિકેટ લીધી હતી. નોંધનીય છે કે મોહમ્મદ શમી ઈજામાંથી સાજા થવાને કારણે આ વર્ષના T20 વર્લ્ડકપ માટે ભારતીય ટીમમાં સામેલ નથી. એવી અપેક્ષા છે કે તે સપ્ટેમ્બરમાં બાંગ્લાદેશ સામેની ટેસ્ટ સિરીઝમાં આંતરરાષ્ટ્રીય ક્રિકેટમાં વાપસી કરશે.

ફેબ્રુઆરીમાં કરવામાં આવી હતી સર્જરી

શમી ઈજાઓથી ઝઝૂમી રહ્યો છે અને તેણે ઘણી સર્જરી કરાવી છે. શરૂઆતમાં તેને સતત હીલની સમસ્યા હતી જેના માટે ફેબ્રુઆરી 2024માં સર્જરી કરવામાં આવી હતી. મોહમ્મદ શમી તેના સોશિયલ મીડિયા દ્વારા તેની ઈજાને લગતા અપડેટ્સ શેર કરતો રહે છે.