- એમએસ ધોની અને ઋષભ પંતે સાથે ક્રિસમસની ઉજવણી કરી
- ધોની અને ઋષભ પંત સાન્તાક્લોઝના લુકમાં જોવા મળ્યા
- ધોનીની પુત્રી ઝીવાએ ઈન્સ્ટાગ્રામ પર તસવીર શેર કરી
ભારતીય ક્રિકેટ ટીમના પૂર્વ કેપ્ટન મહેન્દ્ર સિંહ ધોની અને વર્તમાન વિકેટકીપર બેટ્સમેન ઋષભ પંતે સાથે ક્રિસમસની ઉજવણી કરતા જોવા મળ્યા હતા. આ દરમિયાન ધોની, તેનો પરિવાર, ઋષભ પંત અને તેની સાથે હાજર લોકો સાન્તાક્લોઝના લુકમાં જોવા મળ્યા હતા. ક્રિસમસ સેલિબ્રેટ કરતા ધોનીની તસવીર સોશિયલ મીડિયા પર ખૂબ જ ઝડપથી વાયરલ થઈ રહી છે.
સાન્તાક્લોઝ લુકની તસવીર ધોનીની પુત્રી ઝીવા સિંહ ધોનીના ઈન્સ્ટાગ્રામ એકાઉન્ટ દ્વારા શેર કરવામાં આવી હતી. તસવીરમાં જોઈ શકાય છે કે મહેન્દ્ર સિંહ ધોની લાલ ટી-શર્ટમાં સાન્તાક્લોઝ કેપ પહેરેલો જોવા મળી રહ્યો છે. આ સિવાય ઋષભ પંત પણ સાંતા કેપ પહેરેલો જોવા મળે છે. જ્યારે પૂર્વ ભારતીય કેપ્ટનની પુત્રી જીવા સંપૂર્ણ સાંતા બની ગઈ છે. તસવીરમાં હાજર તમામ લોકોની સામે એક નાનો સાંતા પણ જોવા મળે છે.
