- રણજી ટ્રોફીના ઇતિહાસમાં છઠ્ઠો સૌથી ઓછો સ્કોર
- છેલ્લા 41 વર્ષમાં આ બીજો સૌથી ઓછો સ્કોર છે
- નાગાલેન્ડના 6 બેટ્સમેન શૂન્ય પર પેવેલિયન પરતા ફર્યા
ઉત્તરાખંડ સામેની રણજી ટ્રોફીની ગ્રુપ-A મેચમાં નાગાલેન્ડને શરમજનક રેકોર્ડ મળ્યો. નાગાલેન્ડના 6 બેટ્સમેન શૂન્ય પર પેવેલિયન પરત ફર્યા હતા. ઉત્તરાખંડ તરફથી મયંક મિશ્રાએ 5 અને સ્વપ્નિલ સિંહે 4 વિકેટ ઝડપી હતી. એક મેચમાં, જો કોઈ ટીમ પ્રથમ દાવમાં 400ની નજીક સ્કોર કરે છે અને પછી બીજા દાવમાં સંપૂર્ણપણે ફ્લોપ થઈ જાય છે, તો દરેકને આશ્ચર્ય થશે. રણજી ટ્રોફીની મેચમાં આવું જ કઈક બન્યું હતું. નાગાલેન્ડની ટીમના નામે ખરાબ રેકોર્ડ નોંધાયો હતો. તેણે પ્રથમ દાવમાં ઉત્તરાખંડ સામે 389 રન બનાવ્યા હતા. આ પછી ટીમ બીજા દાવમાં માત્ર 25 રનમાં ઓલઆઉટ થઈ ગઈ હતી.
ઉત્તરાખંડ સામેની રણજી ટ્રોફી મેચમાં નાગાલેન્ડે માત્ર 25 રનમાં ઓલઆઉટ થઈને શરમજનક રેકોર્ડ નોંધાવ્યો હતો. આ ડોમેસ્ટિક ક્રિકેટ ટૂર્નામેન્ટના ઈતિહાસમાં આ છઠ્ઠો સૌથી ઓછો સ્કોર છે. છેલ્લા 41 વર્ષમાં આ બીજો સૌથી ઓછો સ્કોર છે. આ પહેલા રણજી ટ્રોફી 2010-11માં હૈદરાબાદની ટીમ રાજસ્થાન સામે માત્ર 21 રનના સ્કોર પર ઓલઆઉટ થઈ ગઈ હતી. 1934-35ની સિઝનમાં દક્ષિણ પંજાબની ટીમ ઉત્તર ભારત સામે માત્ર 22 રનમાં સમેટાઈ ગઈ હતી. જમ્મુ અને કાશ્મીરની ટીમ 1960-61માં દિલ્હી સામે અને 1977-78માં હરિયાણા સામે માત્ર 23 રનમાં આઉટ થઈ ગઈ હતી. આઝાદી પહેલા સિંધની ટીમ પણ દક્ષિણ પંજાબ સામે સમાન સ્કોર (23) પર આઉટ થઈ ગઈ હતી.
