ભારતીય હોકીમાં એક નવો વિવાદ ઉભો થયો છે.હોકી ઇન્ડિયાએ જુનિયર ભારતીય ટીમ સાથે સંકળાયેલા એક કોચને હટાવી દીધો છે.કોચ પર જાતીય સતામણીના ગંભીર આરોપો લાગ્યા હતા.જેના કારણે હોકી ઇન્ડિયાએ આ કાર્યવાહી કરી છે.મીડિયા રિપોર્ટ અનુસાર ભોપાલમાં અંડર-18 ટીમ સાથે તાલીમ લઈ રહેલા કોચ સુધીર ગોલાને તેમના પદ પરથી હટાવી દેવામાં આવ્યા છે.અંડર-18 ટીમ ભોપાલમાં ઓસ્ટ્રેલિયા સામે સીરિઝ રમાશે.
તાલીમ કેન્દ્રમાં જાતીય સતામણીનનો આરોપો
મીડિયામાં આ સનસનાટીભર્યો ખુલાસો થયો છે.તેમાં જણાવાયું છે કે કોચ સુધીર ગોલા સામે જાતીય સતામણીના આરોપો ઝારખંડ સરકાર દ્વારા સંચાલિત રાંચીના એક તાલીમ કેન્દ્રમાં લગાવવામાં આવ્યા હતા.જ્યારે સુધીર ગોલા આ તાલીમ કેન્દ્રનો ભાગ હતા.ત્યારે ઝારખંડ રમતગમત અને યુવા બાબતોના નિર્દેશાલયને તેમની સામે ઘણી ફરિયાદો મળી હતી.આના પર કાર્યવાહી કરતા નિર્દેશાલયે 11 મેના રોજ ગોલાને હટાવી દીધા અને તેમના સ્થાને એક મહિલા કોચની નિમણૂક કરી.ભોપાલમાં અંડર-18 ટીમ સાથે શિબિરમાં હાજર રહ્યો હતો.જેના કારણે પ્રશ્નો ઉભા થયા હતા.આ પછી હોકી ઇન્ડિયાએ પણ આરોપી કોચ સામે કાર્યવાહી કરી અને તેમને હટાવવાનો નિર્ણય લીધો.હોકી ઇન્ડિયાના સેક્રેટરી જનરલ ભોલાનાથ સિંહે જણાવ્યું હતું કે ફેડરેશનને ઝારખંડથી માહિતી મળતાની સાથે જ તેમણે તાત્કાલિક કાર્યવાહી કરી હટાવી દેવામાં આવ્યા હતા.