ભારતીય ટીમ 19 ઓક્ટોબરથી ઓસ્ટ્રેલિયા સામે ત્રણ મેચની વનડે સીરિઝ રમવાની છે. BCCIએ આ સીરિઝ માટે ટીમની જાહેરાત કરી છે. રોહિત શર્મા અને વિરાટ કોહલીને વનડે સીરિઝમાં રમતા જોવા મળશેછે, જ્યારે શુભમન ગિલને વનડે ફોર્મેટમાં ટીમ ઈન્ડિયાના નવા કેપ્ટન તરીકે નિયુક્ત કરવામાં આવ્યા છે. પસંદગી સમિતિનો આ નિર્ણય ચોક્કસપણે બધા ચાહકો માટે આશ્ચર્યજનક છે. વધુમાં, ઓસ્ટ્રેલિયા સામેની વનડે સીરિઝ માટે જાહેર કરાયેલ ટીમ ઈન્ડિયાની ટીમમાં સ્ટાર સ્પિન ઓલરાઉન્ડર રવિન્દ્ર જાડેજાનો સમાવેશ કરવામાં આવ્યો ન હતો, જેના કારણે જાડેજાના વનડે કારકિર્દીના ભવિષ્ય પર પ્રશ્નો ઉભા થયા છે.
વિન્દ્ર જાડેજાની પસંદગી કેમ ન કરાઇ?
ઓસ્ટ્રેલિયા સામેની વનડે સીરિઝ માટે ટીમ ઈન્ડિયાની ટીમમાં રવિન્દ્ર જાડેજાની પસંદગી કેમ ન કરવામાં આવી તે અંગે, મુખ્ય પસંદગીકાર અજિત અગરકરે એક પ્રેસ કોન્ફરન્સમાં જણાવ્યું હતું કે, "જુઓ, આ સમયે ઓસ્ટ્રેલિયામાં બે ડાબા હાથના સ્પિનરોને લેવાનું શક્ય નથી." જાડેજા તેની ક્ષમતાઓને જોતાં ટીમનો ભાગ છે, પરંતુ ટીમમાં સ્થાન માટે થોડી સ્પર્ધા થશે. એવું નથી કે તે દોડમાંથી બહાર છે; જાડેજા ચેમ્પિયન્સ ટ્રોફી ટીમમાં હતો કારણ કે અમે ત્યાંની પરિસ્થિતિઓને ધ્યાનમાં રાખીને વધારાના સ્પિનરોનો સમાવેશ કર્યો હતો.
સુંદર અને કુલદીપની એન્ટ્રી
ઓસ્ટ્રેલિયા સામેની ODI સીરિઝ માટે, અમે ફક્ત એક જ ખેલાડીનો સમાવેશ કરી શકીએ છીએ, અને વોશિંગ્ટન સુંદર અને કુલદીપ યાદવ સાથે ટીમનું સંતુલન વધુ સારું રહેશે. મને નથી લાગતું કે ઓસ્ટ્રેલિયામાં અમને વધુ સ્પિન બોલરોની જરૂર પડશે. આ ત્રણ મેચની ટૂંકી સીરિઝ છે, અને તમે બધાને સમાવી શકતા નથી. તે હાલમાં ટીમમાં નથી, પરંતુ તે તેનાથી વધુ કંઈ નથી.
જાડેજાનું ઘરઆંગણે શાનદાર પ્રદર્શન
ટીમ ઇન્ડિયા હાલમાં ઘરઆંગણે વેસ્ટ ઇન્ડીઝ સામે બે મેચની ટેસ્ટ સીરિઝ રમી રહી છે, જેમાં પહેલી મેચ ઇનિંગ્સ અને 140 રનથી જીતી છે. આ મેચમાં બેટ અને બોલ બંનેથી રવિન્દ્ર જાડેજાનું પ્રભાવશાળી પ્રદર્શન સ્પષ્ટ હતું. તેણે મેચમાં ચાર વિકેટ લીધી અને 104 રનની અણનમ સદી પણ ફટકારી. રવિન્દ્ર જાડેજાએ ચેમ્પિયન્સ ટ્રોફી 2025માં પણ મજબૂત પ્રદર્શન કર્યું હતું, પાંચ મેચમાં પાંચ વિકેટ લીધી હતી અને માત્ર 4.35નો ઇકોનોમી રેટ જાળવી રાખ્યો હતો.
