ઓસ્ટ્રેલિયા અને ઇંગ્લેન્ડ વચ્ચે એશિઝ 2025-26 ટેસ્ટ સીરિઝની બીજી મેચ બ્રિસ્બેનના ગાબા સ્ટેડિયમ ખાતે પિન્ક બોલથી રમાઈ રહી છે.ઇંગ્લેન્ડે ટોસ જીતીને પહેલા બેટિંગ કરવાનો નિર્ણય લીધો. બીજા દિવસની રમતની શરૂઆતમાં તેમનો પ્રથમ દાવ 334 રનમાં સમેટાઈ ગયો.આ પછી,ઓસ્ટ્રેલિયાની પ્રથમ દાવમાં બેટિંગમાં નોંધપાત્ર સુધારો જોવા મળ્યો, જેમાં માર્નસ લાબુશેને ડે-નાઈટ ટેસ્ટમાં એક મહત્વપૂર્ણ સીમાચિહ્ન હાંસલ કર્યો.
માર્નસ આ સિદ્ધિ મેળવનાર પ્રથમ ખેલાડી બન્યો
ઇંગ્લેન્ડ સામેની પ્રથમ એશિઝ 2025-26 ટેસ્ટમાં માર્નસ લાબુશેનેનું બેટિંગ પ્રદર્શન ખાસ પ્રભાવશાળી નહોતું.જોકે,બ્રિસ્બેન ટેસ્ટમાં ઓસ્ટ્રેલિયાની પ્રથમ દાવમાં 78 બોલમાં 65રનની શાનદાર ઇનિંગ નોંધપાત્ર હતી.આ ઇનિંગ સાથે,લાબુશેને પણ એક મહત્વપૂર્ણ સિદ્ધિ હાંસલ કરી.જે ડે-નાઈટ ટેસ્ટ ક્રિકેટના ઇતિહાસમાં 1,000 રનનો આંકડો પાર કરનાર પ્રથમ ખેલાડી બન્યો. લાબુશેને ડે-નાઈટ ટેસ્ટમાં કુલ 16 ઇનિંગ્સમાં બેટિંગ કરી છે, જેમાં 63.93ની સરેરાશથી 10,23રન બનાવ્યા છે. લાબુશેને ડે-નાઈટ ટેસ્ટમાં ચાર સદી અને પાંચ અડધી સદી ફટકારી છે.સ્ટીવ સ્મિથ ડે-નાઈટ ટેસ્ટમાં બીજા ક્રમે સૌથી વધુ રન બનાવનાર ખેલાડી છે,અને તે 1000 રનના આંક સુધી પહોંચવાની ખૂબ નજીક છે.