ICCએ ફરી એકવાર નવી રેન્કિંગ જાહેર કરી છે.ગયા અઠવાડિયે ટોચના સ્થાનથી નીચે ઉતરેલા ભૂતપૂર્વ ભારતીય કેપ્ટન રોહિત શર્મા ફરી એકવાર ટોચના સ્થાને પહોંચી ગયા છે.રોહિત શર્માએ ભૂતકાળમાં એક પણ ODI રમી નથી, છતાં તે હજુ પણ ટોચના સ્થાને પહોંચવામાં સફળ રહ્યો છે.આ વખતે ODI રેન્કિંગમાં ઘણા ફેરફારો થયા નથી,પરંતુ ટોચના 10 ના નીચલા ક્રમમાં થોડી ઉથલપાથલ જોવા મળી છે.

રોહિત શર્મા ફરી એકવાર નંબર વન બન્યો

ભારતના ભૂતપૂર્વ કેપ્ટન રોહિત શર્મા ફરી એકવાર ICC ODI રેન્કિંગમાં નંબર વન બેટ્સમેન બન્યો છે. તેનું રેટિંગ 781 છે. જોકે, રોહિતે આ દરમિયાન કોઈ ODI મેચ રમી નથી. ગયા અઠવાડિયે નંબર વન પર પહોંચેલા ન્યુઝીલેન્ડના ડેરિલ મિશેલ હવે બીજા સ્થાને સરકી ગયા છે. ICC રેન્કિંગના નિયમો અનુસાર, જ્યારે કોઈ ટીમ રમે છે અને કોઈ ખેલાડી ગેરહાજર હોય છે, ત્યારે તેનું રેટિંગ આપમેળે ઘટી જાય છે. ડેરિલ મિશેલ સાથે પણ આવું જ થયું હતું. ન્યુઝીલેન્ડની ટીમે મિશેલ વિના થોડી મેચ રમી હતી, જેના કારણે રેટિંગમાં ઘટાડો થયો હતો. તેનું રેટિંગ હવે 766 છે.

ગિલ ચોથા નંબર પર, કોહલી પાંચમા નંબર પર

અફઘાનિસ્તાનનો ઇબ્રાહિમ ઝદરાન ICC ODIરેન્કિંગમાં ત્રીજા નંબર પર યથાવત છે.તેમનું રેટિંગ 764 છે.ભારતીય કેપ્ટન શુભમન ગિલ હવે 745ના વર્તમાન રેટિંગ સાથે ચોથા ક્રમે છે.વિરાટ કોહલીની વાત કરીએ તો તે હાલમાં ICC ODI રેન્કિંગમાં 72ના રેટિંગ સાથે ૫મા ક્રમે છે.પાકિસ્તાનનો બાબર આઝમ 722ના રેટિંગ સાથે 6ઠ્ઠા ક્રમે છે અને આયર્લેન્ડનો હેરી ટ્રેક્ટર 708 ના રેટિંગ સાથે ૭મા ક્રમે છે.

શ્રેયસ ઐયર પણ પાછળ પડી ગયો છે.

વેસ્ટ ઇન્ડીઝનો શાનદાર બેટ્સમેન શાઈ હોપ આ વખતે બે સ્થાન આગળ વધ્યો છે. તે ૭૦૧ ના રેટિંગ સાથે હવે ૮મા ક્રમે છે. ભારતના શ્રેયસ ઐયર ૭૦૦ ના રેટિંગ સાથે એક સ્થાન નીચે ઉતર્યો છે અને હવે ૯મા ક્રમે છે. શ્રીલંકાનો ચરિથ અસલંકા હવે ૬૯૦ ના રેટિંગ સાથે ૧૦મા ક્રમે છે. તેણે પણ એક સ્થાન ગુમાવ્યું છે.

આ પણ  વાંચો -Temba Bavumaએ કેપ્ટન તરીકે રચ્યો એક મોટો ઇતિહાસ ,ટેસ્ટ ક્રિકેટમાં પહેલી વખત આ વિશ્વ રેકોર્ડ બન્યો