ઇંગ્લેન્ડે આગામી વર્ષે થનારા T20I વર્લ્ડ કપ માટે પોતાની ટીમની જાહેરાત કરી છે. હેરી બ્રુકના નેતૃત્વમાં રમાનારી આ ટીમમાં 15 ખેલાડીઓનો સમાવેશ થાય છે. જોકે, ઇંગ્લેન્ડે T20 વર્લ્ડ કપ ટીમમાંથી એક એવા ખેલાડીને બાકાત રાખ્યો છે જેણે પોતાની T20 આંતરરાષ્ટ્રીય કારકિર્દીમાં ચોગ્ગા કરતાં વધુ છગ્ગા ફટકાર્યા છે. અમે લિયામ લિવિંગસ્ટોન વિશે વાત કરી રહ્યા છીએ, જે ભારત અને શ્રીલંકા દ્વારા આયોજિત થનારા T20 વર્લ્ડ કપમાં રમતા જોવા મળશે નહીં.
લિયામ લિવિંગસ્ટોન T20I વર્લ્ડ કપમાંથી થયો બહાર
લિવિંગસ્ટોન માર્ચ 2025 થી આંતરરાષ્ટ્રીય ક્રિકેટથી બહાર છે. તેણે છેલ્લે ફેબ્રુઆરી 2025 માં T20 આંતરરાષ્ટ્રીય મેચમાં ઇંગ્લેન્ડનું પ્રતિનિધિત્વ કર્યું હતું, જે મેચ તેણે ભારત સામે રમી હતી. લિયામ લિવિંગસ્ટોનની T20 કારકિર્દીમાં, તેણે 60 મેચોમાં 47 ઇનિંગ્સમાં 955 રન બનાવ્યા છે, જેમાં એક સદી અને બે અડધી સદીનો સમાવેશ થાય છે. આ સમયગાળા દરમિયાન, તેણે 54 ચોગ્ગા અને 59 છગ્ગા ફટકાર્યા છે.
