આઈસીસી વન-ડે બેટ્સમેન રેન્કિંગમાં હાલમાં ન્યુઝીલેન્ડના ડેરિલ મિશેલ છે, જેમણે ગયા અઠવાડિયે વિરાટ કોહલીને પાછળ છોડીને આ સ્થાન મેળવ્યું હતું. રોહિત શર્મા પણ થોડા સમય પહેલા ટોચના સ્થાને પહોંચ્યો હતો, પરંતુ ન્યુઝીલેન્ડ સામેની ત્રણ વન-ડે મેચમાં તેના નબળા પ્રદર્શને તેને નીચે ધકેલી દીધો છે. નોંધનીય છે કે ટોચના 10માં ચાર ભારતીયોનો સમાવેશ થાય છે.
ડેરિલ મિચેલ
ન્યુઝીલેન્ડના ઓલરાઉન્ડર ડેરિલ મિચેલ ભારતનો શાનદાર પ્રવાસ કર્યો હતો. તેણે પહેલી વન-ડેમાં 84 રન બનાવ્યા અને પછી બંને મેચમાં સદી ફટકારી હતી. રાજકોટમાં 131 રન બનાવ્યા બાદ તેણે ઇન્દોરમાં નિર્ણાયક વન-ડેમાં 137 રનની શાનદાર ઇનિંગ રમી હતી. જોકે વિરાટે ઇન્દોરમાં પણ સદી ફટકારી હતી, મિશેલે વધુ રન બનાવ્યા અને ટોચનું સ્થાન મેળવવા માટે વધુ રેટિંગ પોઈન્ટ મેળવ્યા હતા. ડેરિલના 845 રેટિંગ પોઈન્ટ છે.
વિરાટ કોહલી
ન્યુઝીલેન્ડ સામેની વન-ડે સીરિઝમાં વિરાટ કોહલીનું શાનદાર ફોર્મ ચાલુ રહ્યું, તેણે પહેલી મેચમાં 93 રન અને ત્રીજી મેચમાં 124 રન બનાવ્યા હતા. જોકે, તેનો વાંક નહોતો, પરંતુ ડેરિલ મિચેલના અસાધારણ પ્રદર્શનને કારણે કોહલી બીજા નંબરે પહોંચી ગયો હતો. વિરાટના 795 રેટિંગ પોઈન્ટ છે.
ઇબ્રાહિમ ઝદરાન
અફઘાનિસ્તાનનો ઇબ્રાહિમ ઝદરાન 764 રેટિંગ પોઈન્ટ સાથે યાદીમાં ત્રીજા ક્રમે છે. જોકે તેણે ઓક્ટોબરમાં તેની છેલ્લી વન-ડે રમી હતી, પરંતુ તેને રોહિત શર્માના નબળા પ્રદર્શનનો ફાયદો થયો.
રોહિત શર્મા (ભારત)
ન્યુઝીલેન્ડ સામેની ત્રણ મેચની ODI સીરિઝમાં રોહિત શર્માનું પ્રદર્શન નબળું રહ્યું, તેણે ત્રણેય મેચમાં કુલ 61 રન બનાવ્યા. આનાથી તેના રેન્કિંગ પર અસર પડી અને તે નીચે સરકી ગયો. રોહિત હાલમાં ICC ODI બેટિંગ રેન્કિંગમાં 757 રેટિંગ પોઈન્ટ સાથે ચોથા ક્રમે છે.
શુભમન ગિલ
શુભમન ગિલે ન્યુઝીલેન્ડ સામેની વન-ડે શ્રેણીની પહેલી બે મેચમાં અડધી સદી ફટકારી હતી, પરંતુ અંતિમ મેચમાં તે ફક્ત 23 રન બનાવી શક્યો હતો. ભારતીય કેપ્ટન ગિલ 723 રેટિંગ પોઈન્ટ સાથે યાદીમાં પાંચમા ક્રમે છે.
બાબર આઝમ (પાકિસ્તાન)
ટોચના 10 માં એકમાત્ર પાકિસ્તાની બાબર આઝમ 722 રેટિંગ પોઈન્ટ સાથે છઠ્ઠા ક્રમે છે. બાબરે નવેમ્બરમાં પોતાની છેલ્લી વન-ડે મેચ રમી હતી.
હેરી ટેક્ટર (આયરલેન્ડ)
આયરલેન્ડનો હેરી ટેક્ટર 708 રેટિંગ પોઈન્ટ સાથે યાદીમાં સાતમા ક્રમે છે. 2024માં તેનું શ્રેષ્ઠ રેટિંગ 767 હતું.
શાઈ હોપ (વેસ્ટ ઈન્ડિઝ)
આઈસીસી ODI બેટિંગ રેન્કિંગમાં ટોચના 10 માં શાઈ હોપ એકમાત્ર વેસ્ટ ઈન્ડિઝ ખેલાડી છે. હોપના 701 રેટિંગ પોઈન્ટ છે.
ચરિથ અસલંકા (શ્રીલંકા)
શ્રીલંકાનો ચરિથ અસલંકા 672 રેટિંગ પોઈન્ટ સાથે યાદીમાં નવમા ક્રમે છે.
કેએલ રાહુલ (ભારત)
કેએલ રાહુલે ન્યુઝીલેન્ડ સામેની બીજી વનડેમાં શાનદાર સદી ફટકારી હતી અણનમ 112 રન બનાવ્યા. આ ઇનિંગે તેને આઈસીસી ઓડીઆઈ બેટિંગ રેન્કિંગમાં ટોચના 10માં સ્થાન અપાવ્યું. તે હાલમાં 670 રેટિંગ પોઈન્ટ સાથે 10મા સ્થાને છે.
આ પણ વાંચો - U19 World Cup 2nd Semi Final: ભારત અને અફઘાનિસ્તાન વચ્ચે આજે ટક્કર, જાણો કોણ મારશે બાજી
