IPL 2026ની મીની ઓક્શન 16 ડિસેમ્બરે અબુ ધાબીમાં યોજાશે. આ ઓક્શનમાં એક ખૂબ જ ખાસ ખેલાડીનો સમાવેશ થશે.આ ખેલાડી ખાસ છે કારણ કે તે એક રીતે વિરાટ કોહલીને પાછળ છોડી દે છે.તેણે માત્ર 15 વર્ષની ઉંમરે આંતરરાષ્ટ્રીય ક્રિકેટમાં ડેબ્યૂ કર્યું હતું.આ ખેલાડીનું નામ વિરનદીપ સિંહ છે,જે મલેશિયાનો રહેવાસી છે. વિરનદીપ IPL હરાજીમાં મલેશિયા માટે આંતરરાષ્ટ્રીય ક્રિકેટ રમનાર પ્રથમ મલેશિયન ક્રિકેટર છે.તેની બેઝ પ્રાઈસ માત્ર ₹30 લાખ છે.
વિરનદીપ સિંહ કોણ છે?
વિરનદીપ સિંહ બેટિંગ ઓલરાઉન્ડર અને મલેશિયાનો કેપ્ટન છે. વિરનદીપ જમણા હાથે બેટિંગ કરે છે અને ડાબા હાથના સ્પિન સાથે ખૂબ જ અસરકારક રીતે બોલિંગ કરે છે. વિરનદીપ સિંહ 10 વર્ષની ઉંમરથી ક્રિકેટ રમી રહ્યો છે. 13 વર્ષની ઉંમરે, તે મલેશિયન અંડર-16 ટીમમાં જોડાયો અને 14 વર્ષની ઉંમરે, તેણે અંડર-19 ટીમ માટે ડેબ્યૂ કર્યું. 15વર્ષની ઉંમરે, તેણે મલેશિયા માટે આંતરરાષ્ટ્રીય ક્રિકેટ રમ્યું અને માત્ર 20વર્ષની ઉંમરે તેનો કેપ્ટન બન્યો. ફ્રેન્ચાઇઝ ક્રિકેટમાં, વિરનદીપ ગ્લોબલ ટી૨૦ કેનેડા અને નેપાળ પ્રીમિયર લીગમાં રમી ચૂક્યો છે. હવે તે આઈપીએલ 2026ના ઓક્શનમાં પ્રવેશી ચૂક્યો છે.