દક્ષિણ આફ્રિકામાં રમાતી ફ્રેન્ચાઇઝ આધારિત T20 લીગ SA20ની આગામી સીઝનમાં કુલ 6 ટીમો ભાગ લેશે,જેમાં પ્રિટોરિયા કેપિટલ્સનો પણ સમાવેશ થાય છે.26 ડિસેમ્બરથી શરૂ થનારી નવી SA20 સીઝન પહેલા,પ્રિટોરિયા કેપિટલ્સે એક મહત્વપૂર્ણ જાહેરાત કરી.જેમાં રિયાલી રોસોઉના સ્થાને સુપ્રસિદ્ધ સ્પિન બોલર કેશવ મહારાજને કેપ્ટન તરીકે નિયુક્ત કરવામાં આવ્યા.મહારાજ જે ગયા સીઝન સુધી ડર્બન સુપર જાયન્ટ્સ માટે રમ્યા હતા અને કેપ્ટન તરીકે પણ સેવા આપી હતી હવે આગામી સીઝનમાં પ્રિટોરિયા કેપિટલ્સ તરફથી રમશે.
કેપિટલ્સ ટીમમાં આગામી સીઝનમાં ઘણા ફેરફારો જોવા મળશે
કેપિટલ્સ ટીમમાં કેપિટલ્સ તરીકે નિયુક્તિના નિર્ણય પછી જારી કરાયેલા એક નિવેદનમાં પ્રિટોરિયા કેપિટલ્સે જણાવ્યું હતું કે મહારાજ પાસે વ્યાપક આંતરરાષ્ટ્રીય ક્રિકેટ અનુભવ છે.જેમાં મર્યાદિત ઓવરના ક્રિકેટમાં દક્ષિણ આફ્રિકાની ટીમનું નેતૃત્વ કરવાનો પણ સમાવેશ થાય છે.આ SA20 સીઝનમાં,પ્રિટોરિયા કેપિટલ્સે કેપ્ટનશીપમાં ફેરફાર કર્યો છે અને તેમના કોચિંગ સેટઅપમાં પણ ફેરફાર જોવા મળશે.જોનાથન ટ્રોટ,જે ગયા સીઝન સુધી મુખ્ય કોચ તરીકે સેવા આપી હતી.તેમની જગ્યાએ આગામી સીઝન માટે સૌરવ ગાંગુલી આવશે.