T20 વર્લ્ડકપ 2026 ફાઇનલમાં હાર્યા બાદ,ન્યુઝીલેન્ડ હવે દક્ષિણ આફ્રિકાનો સામનો કરવા માટે સંપૂર્ણપણે તૈયાર છે.દક્ષિણ આફ્રિકાની ટીમ હાલમાં ન્યુઝીલેન્ડના પ્રવાસે છે,જ્યાં બંને ટીમો પાંચ મેચની T20 સીરિઝ રમશે. સીરિઝની પહેલી મેચ 15 માર્ચે બે ઓવલના માઉન્ટ મૌંગાનુઈ સ્ટેડિયમ ખાતે રમાશે.આ દરમિયાન, અમે તમને જણાવીશું કે તમે ન્યુઝીલેન્ડ અને દક્ષિણ આફ્રિકા સીરિઝનું લાઇવ પ્રસારણ ક્યારે અને ક્યાં જોઈ શકો છો.
T20 વર્લ્ડકપ 2026માં બંને ટીમો એકબીજા સામે ટકરાઈ હતી
ન્યુઝીલેન્ડ અને દક્ષિણ આફ્રિકા અગાઉ T20 વર્લ્ડ કપમાં બે વાર એકબીજા સામે ટકરાઈ ચૂક્યા છે.પ્રથમ મેચમાં દક્ષિણ આફ્રિકાએ ન્યુઝીલેન્ડને 7 વિકેટથી હરાવ્યું હતું.ત્યારબાદ તેઓ તે જ T20 વર્લ્ડકપની સેમિફાઇનલમાં એકબીજા સામે ટકરાયા હતા,જ્યાં ન્યુઝીલેન્ડે દક્ષિણ આફ્રિકાને 9 વિકેટથી હરાવ્યું હતું.આ વર્લ્ડ કપમાં દક્ષિણ આફ્રિકા સેમિફાઇનલમાં પહોંચવામાં સફળ રહ્યું,જ્યારે ન્યુઝીલેન્ડ ફાઇનલમાં પહોંચ્યું.કિવીઓનો સામનો અંતિમ મેચમાં ભારત સાથે થયો હતો.
