ઓસ્ટ્રેલિયન ક્રિકેટ ટીમ ICC T20I વર્લ્ડકપ 2026 પહેલા પાકિસ્તાન સામે ત્રણ મેચની T20I સીરિઝ રમશે.આ સીરિઝ 29 જાન્યુઆરીથી લાહોરમાં શરૂ થવાની છે.ઓસ્ટ્રેલિયાએ આ સીરિઝ માટે પોતાની ટીમની જાહેરાત કરી છે. T20I વર્લ્ડકપ 2026 ટીમમાંથી ફક્ત 10 ખેલાડીઓ રમશે.પાંચ સ્ટાર ખેલાડીઓ આ સીરિઝમાંથી ગેરહાજર રહેશે, જેના કારણે બે યુવા ખેલાડીઓને ટીમમાં સામેલ કરવામાં આવશે.
ઓસ્ટ્રેલિયા સ્ટાર ખેલાડીઓને આરામ આપવામાં આવ્યો
ઓસ્ટ્રેલિયન ટીમે પાકિસ્તાન સામેની આ સીરિઝમાં તેના પાંચ સ્ટાર ખેલાડીઓનો સમાવેશ કર્યો નથી. ગ્લેન મેક્સવેલ અને નાથન એલિસને આરામ આપવામાં આવ્યો છે. બંને ખેલાડીઓ હાલમાં બિગ બેશ લીગમાં રમી રહ્યા છે. પેટ કમિન્સ, જોશ હેઝલવુડ અને ટિમ ડેવિડ પણ ટીમમાંથી ગાયબ છે. ત્રણેય ખેલાડીઓ હાલમાં સંપૂર્ણપણે ફિટ નથી, જેના કારણે તેઓ સીરિઝથી દૂર રહી રહ્યા છે. જોકે, પસંદગીકારો માને છે કે મેગા ICC ટુર્નામેન્ટ પહેલા ત્રણેય ખેલાડીઓ ફિટ થઈ શકે છે. ઓસ્ટ્રેલિયાએ T20 વર્લ્ડકપ 2026 માટે પોતાની ટીમની જાહેરાત કરી છે, જેમાં આ સીરિઝમાં 10 ખેલાડીઓ રમવાની અપેક્ષા છે.
